தூத்துக்குடி துப்பாக்கி சூடு முதல் மெரினா போராட்டம் வரை.. குறும்படம் போட்டு காட்டிய பிக்பாஸ் கமல்!
தூத்துக்குடி துப்பாக்கி சூடு முதல் மெரினா போராட்டம் வரை தமிழகத்தின் பல்வேறு பிரச்சனைகள் குறித்து மக்கள் நீதி மய்யம் கட்சியின் தலைவர் கமல்ஹாசன் இன்று குறும்படம் போட்டு காட்டினார்.
Recommended Video
கோயம்புத்தூர்: தூத்துக்குடி துப்பாக்கி சூடு முதல் மெரினா போராட்டம் வரை தமிழகத்தின் பல்வேறு பிரச்சனைகள் குறித்து மக்கள் நீதி மய்யம் கட்சியின் தலைவர் கமல்ஹாசன் இன்று குறும்படம் போட்டு காட்டினார்.
இன்று கோவையில் மக்கள் நீதி மய்யம் கட்சியின் மாபெரும் கூட்டம் நடைபெற்றது. இதில் மக்கள் நீதி மய்யம் கட்சியின் தலைவர் கமல்ஹாசன் மிக முக்கியமான விஷயங்கள் குறித்து பேசினார்.
அதேபோல் பிக்பாஸ் நிகழ்ச்சியில் வருவதை போலவே இவர் இதில் வீடியோக்களை ஒளிபரப்பி மக்களிடம் விளக்கம் அளித்தார்.
தூத்துக்குடி துப்பாக்கி சூட்டின் போது, தமிழக பாஜக தலைவர் தமிழிசை பேசிய வீடியோவை கமல்ஹாசன் வெளியிட்டார். ''1000 பேர் சாக வேண்டியது, 13 பேர் மட்டுமே பலியாகி உள்ளனர்'' என்று தமிழிசை கூறிய வீடியோவை ஒளிபரப்பினார்.
அதேபோல் எச்.ராஜா பேசிய வீடியோவும் தன்னிடம் இருக்கிறது, ஆனால் அவர் அட்மீன் மீது பழி போடுவார், என்று கூறி கமல்ஹாசன் கிண்டல் செய்தார். அதேபோல் மெரினாவில் போலீஸ் செய்த கலவரம் குறித்தும் வீடியோ வெளியிட்டார்.
இதே போல் வரிசையாக நிறைய புகைப்படங்களை, அரசுக்கு எதிரான போராட்ட வீடியோக்களை வெளியிட்டார். இறுதியாக, அதிமுகவும், பாஜகவும் நம்மை இவ்வளவுதான் மதிக்கிறது, இவர்களுக்காக உங்கள் வாக்கு என்று கமல்ஹாசன் மக்களிடம் கேள்வி எழுப்பினார்.
Click it and Unblock the Notifications
Sign in with Google