மேடையில் ஹெச்.ராஜா பேசும் போது.. திடீரென நுழைந்து சரமாரியாக திட்டிய விசிக பெண் நிர்வாகி.. பரபரப்பு

மேடையில் ஹெச்.ராஜா பேசும் போது திடீரென நுழைந்து சரமாரியாக திட்டிய விசிக பெண் நிர்வாகியால் பரபரப்பு ஏற்பட்டது.

Published: Tuesday, March 7, 2023, 14:22 [IST]

Subscribe to Oneindia Tamil

கடலூர்: மேடையில் பாஜக தேசிய செயற்குழு உறுப்பினர் ஹெச்.ராஜா பேசும் போது திடீரென நுழைந்து கோஷமிட்ட விசிக பெண் நிர்வாகியால் பாஜக கூட்டத்தில் சலசலப்பு ஏற்பட்டது.

கடலூர் மாவட்டம் புவனகிரியில் பாஜகவின் சாதனை விளக்க பொதுக்கூட்டம் திங்கள்கிழமை நடந்தது. இந்த கூட்டத்தில் பாஜக தேசிய செயற்குழு உறுப்பினர் ஹெச்.ராஜா கலந்து கொண்டார்.

பாஜக தொண்டர்கள் மற்றும் நிர்வாகிகள் அமர்ந்திருந்த அந்தக் கூட்டத்தில் ஹெச் ராஜா பேசிக்கொண்டிருந்தார். அப்போது ஹெச் ராஜாவின் பேச்சுக்கு எதிர்ப்பு தெரிவித்து விசிகவைச் சேர்ந்த பெண் நிர்வாகி ஒருவர் திடீரென கோஷமிட்டார். இதனால் பாஜக கூட்டத்தில் சலசலப்பு ஏற்பட்டது.

பெண் ஆவேசம்

இதையடுத்து அங்கு பாதுகாப்பு பணியில் ஈடுபட்டிருந்த போலீசார் அந்த பெண்ணை அப்புறப்படுத்தினர். அப்போது அந்த பெண், திருமாவளவன் குறித்து ஹெச் ராஜா எதற்காக பேசுகிறார். அவர் அப்படி பேசக்கூடாது என்று ஆவேசமாக பேசினார். அந்த பெண்ணை சமாதானம் செய்த போலீசார் அங்கிருந்து அனுப்பி வைத்தனர்.

ஹெச் ராஜா விமர்சனம்

கடலூர் மாவட்டம் புவனகிரியில் ஹெச்.ராஜா செய்தியாளர்களிடம் பேசுகையில், "விடுதலை சிறுத்தைகள் கட்சி, மாநில கட்சி கூட இல்லை. அது மாவட்ட கட்சி. ஊர் குருவி எவ்வளவு தான் பறந்தாலும் அது பருந்தாக முடியாது. பாரதிய ஜனதா கட்சிக்கு எதிராக விஷம் கக்குவதற்கு காரணம் என்ன?

ஹெச் ராஜா கேள்வி

இன்று அலைஅலையாக பட்டியல் சமுதாய மக்கள் பாரதிய ஜனதா கட்சிக்கு வந்து கொண்டிருக்கிறார்கள். திருமாவளவனை எச்சரிக்க விரும்புகிறேன். 24 மணிநேரத்தில் நீங்களே சொன்னபடி எம்பி ராஜினாமா பண்ணணும். வாங்க பைட் பண்ணி பார்ப்போம்.. எம்பி பதவியை ராஜினாமா செய்து விட்டு விவாதம் நடத்த திருமாவளவன் தயாரா?" இவ்வாறு ஹெச் ராஜா பேசினார்.

பாஜக மீது தாக்கு

நேற்று சென்னை சைதாப்பேட்டையில் முதல்வர் ஸ்டாலின் பிறந்த நாள் விழா கூட்டத்தில் கலந்து கொண்டார். அப்போது பாஜக குறித்து கடுமையாக விமர்சித்து பேசினார். பாஜக ஒரு மதம் சார்ந்து இயங்குவதாகவும், சாதிகள் அனைத்தும் தனித்தனியாக பிரிந்து இருக்க வேண்டும் என்பதே அவர்கள் குறிக்கோள் என்றும், மத ரீதியாக அரசை அமைப்பதே அவர்களின் இலக்கு என்றும் பேசினார்.

Published On March 7, 2023