கெஜ்ரிவால் சொன்னது போலவே நடந்தது.. ஆம் ஆத்மி எம்எல்ஏ பாஜகவிற்கு தாவினார்.. டெல்லியில் திருப்பம்!
டெல்லியில் ஆம் ஆத்மி கட்சியை சேர்ந்த எம்எல்ஏ அணில் பாஜ்பாய் தற்போது பாஜகவில் இணைந்துள்ளார்.
Recommended Video
டெல்லி: டெல்லியில் ஆம் ஆத்மி கட்சியை சேர்ந்த எம்எல்ஏ அணில் பாஜ்பாய் தற்போது பாஜகவில் இணைந்துள்ளார்.
டெல்லி ஆம் ஆத்மி கட்சியில் கடந்த சில நாட்களாக சிறுசிறு பிரச்சனைகள் இருந்து வருகிறது. கட்சியில் உட்கட்சி பூசல் இருப்பதாக தகவல் வருகிறது. லோக்சபா தேர்தலில் ஆம் ஆத்மி கட்சி தனித்து போட்டியிடுவதால் அங்கு சில பிரச்சனைகள் நிலவுவதாக கூறுகிறார்கள்.
இதையடுத்து கடந்த சில நாட்களுக்கு முன் பாஜக ஆம் ஆத்மி எம்எல்ஏக்களை காசு கொடுத்து வாங்க பார்க்கிறது என்று டெல்லி முதல்வரும் ஆம் ஆத்மி கட்சி தலைவருமான அரவிந்த் கெஜ்ரிவால் குறிப்பிட்டு இருந்தார். இது தொடர்பாக மற்ற ஆம் ஆத்மி கட்சி உறுப்பினர்களும் புகார் அளித்து இருந்தனர்.
அதன்படி பாஜக ஆம் ஆத்மி கட்சி எம்எல்ஏக்களை கட்சி மாற வைக்க முயற்சி செய்கிறது. இதற்கு எல்லோருக்கும் 10 கோடி கொடுப்பதாக அமித் ஷா பேரம் பேசி இருக்கிறார் என்று கெஜ்ரிவால் குறிப்பிட்டு இருந்தார். இந்த நிலையில் டெல்லியில் ஆம் ஆத்மி கட்சியை சேர்ந்த எம்எல்ஏ அணில் பாஜ்பாய் தற்போது பாஜகவில் இணைந்துள்ளார்.
டெல்லியில் மத்திய பாஜக அமைச்சர் விஜய் கோயல் முன் அவர் பாஜகவில் இணைந்தார். இதுகுறித்து அணில் தற்போது பேட்டியளித்துள்ளார். நான் ஆம் ஆத்மி கட்சிக்காக 15 வருடம் உழைத்தேன். ஆனால் எனக்கு கட்சியில் மரியாதை கிடைக்கவில்லை. கட்சி சரியான திசையில் பயணிக்கவில்லை.
கட்சி தனது உண்மையான பாதையில் இருந்து தவறி வேறு திசையில் சென்றுவிட்டது. எனக்கு பாஜக பணம் கொடுத்துவிட்டதாக அரவிந்த் கெஜ்ரிவால் கூறுகிறார். எனக்கு அப்படி யாரும் பணம் கொடுக்கவில்லை. கெஜ்ரிவால் பொய்யான தகவல்களை அளிக்கிறார், என்று அணில் குறிப்பிட்டுள்ளார்.
Click it and Unblock the Notifications
Sign in with Google