காஷ்மீர்.. அமித்ஷா வெளியிடப்போகும் முக்கிய அறிவிப்பு.. பாஜக எம்பிக்களுக்கு கொறடா அதிரடி உத்தரவு

டெல்லி: காஷ்மீர் விவகாரம் தொடர்பாக உள்துறை அமைச்சர் அமித்ஷா கேபினட் மீட்டிங்கில் எடுத்த முடிவு குறித்து நாடாளுமன்றத்தின் இருஅவைகளிலும் பேச இருப்பதால், அனைத்து பாஜக எம்பிக்களும் கட்டாயம் நாடாளுமன்றத்தில் ஆஜராக வேண்டும் என அக்கட்சியின் கொறடா உத்தரவு பிறப்பித்துள்ளார்.

காஷ்மீர் பிரச்சனை தொடர்பாக விவாதிக்க பிரதமர் மோடி தலைமையிலான பாதுகாப்புத்துறை அமைச்சர்கள் கூட்டம் இன்று காலை பிரதமர் மோடியின் இல்லத்தில் நடைபெற்றது.

இந்த கூட்டம் சற்று முன்பாக முடிந்த நிலையில் காஷ்மீர் விவகாரத்தில் அமைச்சரவையில் சில முக்கிய முடிவுகள் எடுக்கப்பட்டதாக கூறப்படுகிறது. இந்நிலையில் கேபினட் கூட்டத்தில் எடுக்கப்பட்ட முக்கிய முடிவுகள் குறித்து உள்துறை அமைச்சர் அமித் ஷா நாடாளுமன்றத்தின் இரு அவைகளிலும் அறிவிக்க உள்ளார்.

இதனால் அனைத்து பாஜக எம்பிக்களும் கட்டாயம் நாடாளுமன்றத்தில் கட்டாயம் ஆஜராக வேண்டும் என அக்கட்சியின் கொறடா உத்தரவு பிறப்பித்துள்ளார். இதனால் ராஜ்யசபாவுக்கும், லோக்சபாவுக்கும் இன்று பெரும்பாலான பாஜக எம்பிக்கள் வந்துள்ளனர்.

English summary

bjp Whip important order to all bjp mps, should compulsory attend parliament today over amit shah talk about kasmir issue