“அறம் வெல்லும்” நெகிழ்ந்து போன விக்ரமன்.. வீட்டுக்கே வந்த ஆசிரியர்! பிக்பாஸில் சொன்னாரே.. இவர்தானா?

பிக்பாஸ் நிகழ்ச்சியில் பங்கேற்று பெரும் மக்கள் ஆதரவை பெற்ற விக்ரமன் பள்ளியில் தனக்கு ஆதரவாக இருந்ததாக கூறிய ஆசிரியர் வெங்கடாசலத்தை அறிமுகப்படுத்தி இருக்கிறார்.

Published: Wednesday, March 15, 2023, 20:06 [IST]

Subscribe to Oneindia Tamil

டெல்லி: கடந்த ஜனவரி மாதம் விஜய் டிவியில் நடந்து முடிந்த பிக்பாஸ் நிகழ்ச்சியில் கலந்துகொண்ட விடுதலை சிறுத்தைகள் கட்சியை சேர்ந்த விக்ரமன், பள்ளி காலத்தில் தனக்கு உதவியதாக கூறிய வெங்கடாசலம் என்ற ஆசிரியரை ட்விட்டரில் அறிமுகம் செய்து இருக்கிறார்.

விஜய் டிவியில் ஒளிபரப்பாகி கடந்த ஜனவரி மாதம் நிறைவடைந்த பிக்பாஸ் நிகழ்ச்சியில் பத்திரிகையாளரும் விடுதலை சிறுத்தைகள் கட்சியின் கொள்கை பரப்பு செயலாளருமான விக்ரமன் கலந்துகொண்டு 2 வது பரிசை வென்றார்.

இதில் அம்பேத்கர், பெரியார், அண்ணா போன்ற பெரும் தலைவர்களின் முற்போக்கான கருத்துக்களை பேசிய விக்ரமன், சக போட்டியாளர்களுக்கு மரியாதை கொடுத்து விளையாடியதால் பெரும் ஆதரவை பெற்றார்.

முற்போக்கான கருத்துக்கள்

பிக்பாஸ் நிகழ்ச்சியில் பிற்போக்கான கருத்துக்கள், உருவ கேலி, பாலின கேலி, தொழிலை கேலி செய்வது போன்று போட்டியாளர்கள் தரக்குறைவாக பேசினால் உடனுக்குடன் அவர் கண்டித்து வந்தார். குறிப்பிட்ட தரப்பினர், சமூகத்தினர் மீது யாராவது பிக்பாஸில் விமர்சித்தாலும் அதை விக்ரமன் முதல் ஆளாக தட்டிக்கேட்டு வந்தார்.

தொடர் கருத்துக்கள்

பெண்கள் என்றால் சமையல் வேலைதான் செய்ய வேண்டும், என்ன மகளாக இருந்தால் வெட்டுவேன், இந்த வயதில் இப்படிதான் பேச வேண்டும் என்று கூறிய ஜிபி முத்துவை கண்டித்தார். பிக்பாஸ் வெற்றியாளர் அஜீம் மற்ற போட்டியாளர்களை தரக்குறைவாக ஒருமையில் பேசியபோது, ஒரு பெண் போட்டியாளரை தள்ளியபோதும், பெண்களை, திருநங்கைகளை இழிவுபடுத்தும் வகையில் நடந்துகொண்டபோதும் அவரை விக்ரமன் கண்டித்தார் .

அறம் வெல்லும்

இதனால் விக்ரமனை கொண்டாடி தீர்த்த மக்கள், அவர் தெரிவித்த அறம் வெல்லும் என்ற வார்த்தையை டீ சர்டாக தயாரித்து அனுப்பியதுடன் பொங்கல் அன்று கோலத்தில் எழுதி ஆதரவளித்தார்கள். விக்ரமன் பிக்பாஸ் கோப்பையை வெல்வார் என்று ஒட்டுமொத்த மக்களும் எதிர்பார்த்த நிலையில், அஜீம் வெற்றியாளராக அறிவிக்கப்பட்டார்.

திருமாவளவனுடன் சந்திப்பு

இதனை ஏற்கமுடியாமல் சமூக வலைதளங்களில் விஜய் டிவியை புறக்கணிக்க வேண்டும் என்றெல்லாம் ஹேஷ்டேக்குகளை மக்கள் டிரெண்ட் செய்து வந்தனர். யூடியூப் சேனல்களும் போட்டிப்போட்டுக் கொண்டு விக்ரமனை நேர்காணல் எடுத்தும், ரசிகர் சந்திப்பு நிகழ்ச்சிகளையும் நடத்தியும் வருகின்றன. போட்டி முடிந்த பிறகு தனக்கு ஆதரவளித்த திருமாவளவனை சந்தித்து வாழ்த்து பெற்றார்.

சட்ட உதவி மையம்

இலவச சட்ட உதவி மையம் அமைப்பேன் என்று பிக்பாஸ் வீட்டிற்குள் தெரிவித்த விக்ரமன், பிக்பாஸ் போட்டியில் வெற்றிபெற்றால் அந்த பரிசுத் தொகை இதற்கு உதவும் என்றார். ஆனால், அதில் வெற்றிபெறாவிட்டாலும் வெளியில் வந்த பிறகு அந்த சட்ட உதவி மையத்தை அமைப்பதற்கான வேலையில் தீவிரமாக இறங்கி செயல்பட்டு வருகிறார்.

ஆசிரியர் வெங்கடாசலம்

அதற்கு அறம் வெல்லும் என்று பெயர் சூட்டவும் அவர் முடிவு செய்து இருக்கிறார். இந்த நிலையில் தனக்கு பள்ளியில் உறுதுணையாக இருந்த ஆசிரியர் வெங்கடாசலத்தை ட்விட்டரில் அறிமுகம் செய்துள்ளார் விக்ரமன். இவர் தனக்கு செய்த உதவிகளை பிக்பாஸ் வீட்டில் பலமுறை பேசியுள்ளார் விக்ரமன்.

வீடு தேடி வந்து ஆதரவு

இதுகுறித்து ட்விட்டரில் அவர் பதிவிட்டு உள்ளதாவது, "நான் பள்ளிக் கல்வியை தொடர்வதற்கு உந்துதலாயிருந்த என் இயற்பியல் ஆசிரியர் திரு.வெங்கடாசலம் அவர்கள் என் இல்லத்திற்கே வந்து நம் அறம்வெல்லும் அறக்கட்டளையில் இணைந்து பணியாற்ற வேண்டும் எனும் தனது விருப்பத்தை வெளிப்படுத்தினார். பெருமிதமடைந்தேன். நன்றி தெரிவித்தேன்." என்று குறிப்பிட்டார்.

Published On March 15, 2023