புதுச்சேரி முதல்வராகிறார் என்ஆர் காங்கிரஸ் ரங்கசாமி : இந்தியா டுடே எக்சிட் போல்

டெல்லி : புதுச்சேரி சட்டசபை தேர்தலில் என்ஆர் காங்கிரஸ் கூட்டணி வெற்றி பெற்று ஆட்சியை பிடிக்கும் என இந்தியா டுடே நடத்திய தேர்தலுக்கு பிந்தைய கருத்துக்கணிப்பு முடிவுகள் தெரிவிக்கின்றன.

புதுச்சேரியில் மொத்தமுள்ள 30 சட்டசபை தொகுதிகளுக்கும் ஏப்ரல் 6 ம் தேதி ஒரே கட்டமாக தேர்தல் நடைபெற்றது. இதன் முடிவுகள் மே 2 ம் தேதி வெளியாக உள்ளது. இந்நிலையில் இந்தியா டு - ஆக்சிஸ் மை இந்தியா நிறுவனங்கள் இணைந்து நடத்திய தேர்தலுக்கு பிந்தைய கருத்துக்கணிப்பு இன்று வெளியிடப்பட்டது.

இதில் என்ஆர் காங்கிரஸ் - பாஜக கூட்டணி 20 முதல் 24 இடங்களில் வெற்றி பெற்று ஆட்சியை பிடிக்கும். என்ஆர் காங்கிரஸ் கட்சியின் தலைவர் ரங்கசாமி முதல்வராவார் என தெரிவிக்கப்பட்டுள்ளது. காங்கிரஸ் கூட்டணி 6 முதல் 10 இடங்களை கைபற்றும் என தெரிவிக்கப்பட்டுள்ளது.

ஓட்டு சதவீதத்தை பொறுத்தவரை என்ஆர் காங்கிரஸ் கூட்டணி 52 சதவீதம் ஓட்டுக்களையும், காங்கிரஸ் கூட்டணி 37 சதவீதம் ஓட்டுக்களையும் பெறும். மற்ற கட்சிகள் 11 சதவீதம் ஓட்டுக்களை பெறும் என கணிக்கப்பட்டுள்ளது.

English summary

BJP-All India NR Congress alliance winning in Puducherry : India today exit poll