பாஜக தலைவர் அமித் ஷாவிற்கு பன்றிக்காய்ச்சல்.. எய்ம்ஸ் மருத்துவமனையில் அனுமதி

பாஜக தேசிய தலைவர் அமித் ஷாவிற்கு பன்றிக்காய்ச்சல் ஏற்பட்டுள்ளது.

டெல்லி: பாஜக தேசிய தலைவர் அமித் ஷாவிற்கு பன்றிக்காய்ச்சல் ஏற்பட்டுள்ளது.

பாஜக தேசிய தலைவர் அமித் ஷா தற்போது லோக் சபா தேர்தல் பணிகளில் தீவிரமாக செயல்பட்டு வருகிறார். இன்னும் மூன்று நாட்களில் அவர் மேற்கு வங்கத்தில் ரத யாத்திரைக்காக செல்ல வேண்டி இருந்தது. தனது தேர்தல் பிரச்சாரத்தை மேற்கு வங்கத்தில் இருந்து தொடங்க திட்டமிட்டு இருந்தார்.

இந்த நிலையில் நேற்று திடீர் என்று அவருக்கு உடல் நலக்குறைவு ஏற்பட்டது. நெஞ்சில் லேசான வலியும், தொடர் இருமலும், மூச்சு பிரச்சனையும் இருந்துள்ளது. இதனால் அமித் ஷா டெல்லி எய்ம்ஸ் மருத்துவமனையில் அனுமதிக்கப்பட்டார்.

Spoke to @AmitShah ji who is undergoing treatment for Swine Flu at AIIMS and inquired about his health. I pray for his speedy recovery.

— Rajnath Singh (@rajnathsingh) January 16, 2019

அவர் மருத்துவர்களால் சோதிக்கப்பட்டதில், அவருக்கு எச்1என்1 வைரஸ் தாக்கப்பட்டு இருப்பது தெரிந்தது. அதன்படி அவருக்கு பன்றிக்காய்ச்சல் ஏற்பட்டதாக மருத்துவர்கள் தெரிவித்தனர்.

தற்போது அமித் ஷாவிற்கு எய்ம்ஸ் மருத்துவமனையில் சிகிச்சை அளிக்கப்பட்டு வருகிறது. இவருடைய தற்போதைய உடல்நிலை குறித்த முழுமையான தகவல் இன்னும் வெளியாகவில்லை.

We're sorry to hear senior BJP leaders Shri @AmitShah & Shri @arunjaitley are unwell. We wish them a speedy recovery.

— Congress (@INCIndia) January 16, 2019

இவர் விரைவில் உடல்நிலை தேறி வர வேண்டும் என்றும் மத்திய பாஜக அமைச்சர் ராஜ்நாத் சிங் டிவிட் செய்துள்ளார். அதேபோல் அமித் ஷா உடல் நலம் பெற வேண்டும் என்று காங்கிரஸ் கட்சியும் டிவிட் செய்துள்ளது.

English summary

Bharatiya Janata Party (BJP) President Amit Shah getting treatment in AIIMS for swine flu.