ஜாலி மூடில் அமித்ஷா.. கூட்டணி கட்சி தலைவர்களுக்கு நாளை ஸ்பெஷல் டின்னர்.. அப்படியே கொஞ்சம் ஆலோசனை

டெல்லி: தேசிய ஜனநாயக கட்சி தலைவர்கள் கூட்டத்திற்கு பாஜக தலைவர் அமித்ஷா அழைப்புவிடுத்துள்ளார். டெல்லியில் நாளை இந்த கூட்டம் நடைபெற உள்ளது.

நடைபெற்று முடிந்த லோக்சபா தேர்தலில் பாஜக கூட்டணி அமோக வெற்றி பெறும் என பெரும்பாலான எக்ஸிட் போல் முடிவுகள் கூறியுள்ளன. இந்த நிலையில், மகிழ்ச்சி கடலில் தத்தளித்து வருகிறார்கள் பாஜக தலைவர். இதன் ஒரு பகுதியாக, மத்திய அமைச்சர்கள் மற்றும் தேசிய ஜனநாயக கட்சி கூட்டணி தலைவர்களுடனான ஆலோசனை கூட்டத்திற்கு அமித்ஷா அழைப்புவிடுத்துள்ளார்.

நாளை இந்த கூட்டம் டெல்லியில் நடைபெறுகிறது. அப்போது அடுத்தகட்ட நடவடிக்கைகள் குறித்து அமித்ஷா தலைமையில் கூட்டணி கட்சிகளின் தலைவர்கள் ஆலோசனை நடத்த உள்ளனர். ஒருவேளை மெஜாரிட்டிக்கு சற்று குறைந்த தொகுதிகள் வந்தால் என்ன செய்வது, குடியரசு தலைவரிடம் ஆதரவு கடிதத்தை கொடுப்பது எப்போது என்பது பற்றியெல்லாம் இதில் ஆலோசிக்கப்படலாம் என தெரிகிறது.

மேலும், தேர்தல் பணிகளில் தோளோடு தோள் கோர்த்து நின்ற கூட்டணி கட்சி தலைவர்களை குஷிப்படுத்தும் நோக்கத்தில், அவர்களுக்கு டின்னர் விருந்து வழங்குவார் அமித்ஷா என்கிறது பாஜக வட்டாரம்.

English summary

Union Council of Ministers likely to meet tomorrow, BJP President Amit Shah to host a dinner for NDA leaders tomorrow, says ANI.