உ,பி, குஜராத் இடைத்தேர்தல்களில் பாஜக வெல்லும்- இந்தியா டுடே எக்ஸிட் போல் முடிவுகள்

டெல்லி: உத்தரப்பிரதேசம், குஜராத் மாநிலங்களில் நடைபெற்ற சட்டசபை இடைத்தேர்தல்களில் பாஜக அதிக இடங்களைக் கைப்பற்றும் என இந்தியா டுடே- ஆக்சிஸ் மை இன்டியா எக்ஸிட் போல் முடிவுகள் தெரிவிக்கின்றன.

பீகார் சட்டசபை தேர்தலுடன் 10 மாநிலங்களில் 54 தொகுதிகளுக்கும் இடைத்தேர்தல் நடைபெற்றது. மத்திய பிரதேசத்தில் 28 தொகுதிகளிலும் உத்தரப்பிரதேசத்தில் 7, குஜராத்தில் 8 தொகுதிகளிலும் இடைத்தேர்தல் வாக்குப் பதிவு நவம்பர் 3-ல் நடைபெற்றது.

இந்த இடைத்தேர்தல் முடிவுகள் தொடர்பாக எக்ஸிட் போல் முடிவுகள்- தேர்தலுக்கு பிந்தைய கருத்து கணிப்பு முடிவுகள் வெளியாகி உள்ளன.

இதன்படி உ.பி.யில் இடைத்தேர்தல் நடைபெற்ற 7-ல் பாஜக 5 முதல் 6 தொகுதிகளில் வெல்லுமாம்; சமாஜ்வாதி, பகுஜன் சமாஜ் கட்சிகள் தலா 1 முதல் 2 இடங்களில் வெல்லுமாம்.

குஜராத்தில் இடைத்தேர்தல் நடைபெற்ற 8 தொகுதிகளில் பாஜக 6 முதல் 7 தொகுதிகளில் வெல்லும் வாய்ப்பு உள்ளதாம். காங்கிரஸுக்கு 1 இடம் கிடைக்கலாம் அல்லது கிடைக்காமலும் போகுமாம்.

English summary

According to the India Today-Axis My India Exit Poll prediction, BJP shines UP, Gujarat Bypoll.