5 தென் மாநிலங்களுக்கும் ரூ 11,527.86 கோடி- உ.பி.க்கு மட்டும் ரூ 13,088 கோடி தந்த மத்திய பாஜக அரசு!

டெல்லி: நாட்டின் மாநிலங்களுக்கான வரிப் பகிர்வை மத்திய அரசு விடுவித்துள்ளது. ஆந்திரா, தெலுங்கானா, தமிழ்நாடு, கர்நாடகா, கேரளா ஆகிய 5 தென் மாநிலங்களுக்கு மொத்தம் ரூ11,527.86 கோடி ஒதுக்கி இருக்கிறது மத்திய அரசு. ஆனால் ஒரே ஒரு உத்தரப்பிரதேச மாநிலத்துக்கு மட்டும்
ரூ.13,088.51 கோடியை வழங்கி உள்ளது மத்திய அரசு.

நாட்டின் அனைத்து மாநிலங்களுக்கும் பண்டிகை காலங்கள், புத்தாண்டை முன்னிட்டு மொத்தம் ரூ.72,961.21 கோடி வரிப் பகிர்வை மத்திய அரசு வழங்கி உள்ளது.

இதில் 5 தென் மாநிலங்களுக்கான மத்திய அரசின் வரிப் பகிர்வு விவரம்:

* ஆந்திரா ரூ. 2952.74 கோடி
* கர்நாடகா ரூ2660.88 கோடி
* கேரளா ரூ 1404.50 கோடி
* தமிழ்நாடு ரூ 2976.10 கோடி
* தெலுங்கானா ரூ 1533.64 கோடி

5 தென் மாநிலங்களுக்கும் மொத்தம் ரூ 11,527.86 கோடி வரிப் பங்காக ஒதுக்கீடு செய்துள்ளது மத்திய அரசு.

ஆனால் ஒரே ஒரு உத்தரப்பிரதேச மாநிலத்துக்கு மட்டுமே 5 தென் மாநிலங்களுக்கு மொத்த நிதியை விட கூடுதலாக மொத்தம் ரூ 13,088.51 கோடியை வரிப் பங்காக மத்தியில் ஆளும் பாஜக அரசு ஒதுக்கீடு செய்துள்ளது.

English summary

Centre released Rs 13,088.51 crore to UP; But 5 Southern States get ரூ 11,527.86 crore in the Tax Devolution.