வெற்றி மிதப்பில் பாஜக.. 4 மாநில தேர்தலில் காங்கிரஸ்தான் மொத்தமாக அதிக ஓட்டு வாங்கியது தெரியுமா?

டெல்லி: சத்தீஸ்கர், மத்திய பிரதேசம் மற்றும் ராஜஸ்தான் மாநிலங்களில் ஆட்சியை கைப்பற்றிய மகிழ்ச்சியின் உச்சத்தில் இருக்கிறது பாஜக. தெலுங்கானாவில் மட்டும் காங்கிரஸ் ஆட்சியை கைப்பற்றிவிட்டது.

மாநில சட்டசபை தேர்தலில் பாஜக வெற்றிக்கும் காங்கிரஸ் சந்தித்த தோல்விகளுக்கும் ஏராளமான காரணங்கள் முன்வைக்கப்பட்டு விவாதங்கள் களைகட்டி வருகின்றன. இது ஒரு பக்கம் இருக்க தேர்தல் புள்ளி விவரங்களை வைத்தும் சமூக வலைதளங்களில் விவாதங்கள் நடைபெற்று வருகின்றன.

நமது கண்ணில் "நடந்து முடிந்த 4 மாநிலத் தேர்தல்ல காங்கிரஸ் பெற்ற வாக்குகள் 4,90,69,462; பாஜக பெற்ற வாக்குகள் 4,81,29,325 இப்ப சொல்லுங்க. மக்கள் யார் பக்கம்??" என்ற ஒரு பதிவும் தென்பட்டது. இது உண்மைதானா? என சற்றே புள்ளி விவரங்களை ஆராய்ந்து பார்த்தோம்.

சத்தீஸ்கர் மாநிலம்:

பாஜக பெற்ற வாக்குகள்: 7,234,968
காங்கிரஸ் பெற்ற வாக்குகள்: 6,602,586

மத்திய பிரதேச மாநிலம்:

பாஜக பெற்ற வாக்குகள்: 2,11,08,771
காங்கிரஸ் பெற்ற வாக்குகள்: 1,75,64,353

ராஜஸ்தான் மாநிலம்:

பாஜக பெற்ற வாக்குகள்: 16,523,568
காங்கிரஸ் பெற்ற வாக்குகள்: 15,666,731

தெலுங்கானா மாநிலம்:

பாஜக பெற்ற வாக்குகள்: 3,257,511
காங்கிரஸ் பெற்ற வாக்குகள்: 9,235,792

4 மாநில தேர்தல்களில் பாஜக பெற்ற மொத்த வாக்குகள்: 4,81,24,818
4 மாநில தேர்தல்களில் காங்கிரஸ் பெற்ற மொத்த வாக்க்கள்: 4,90,69,462

தேர்தல் அரசியல் என்பது சொற்ப வாக்கு சதவீதத்தில் பெரும் வெற்றியைத் தரக் கூடியதுதான். மத்திய பிரதேசத்தில் காங்கிரஸைவிட 8% கூடுதலாக வாக்கு பெற்ற பாஜக 99 இடங்களை கூடுதலாகவும் அள்ளியது என்பதும் நினைவில் கொள்வோம்.

English summary

According to the data, Congress got more votes than BJP in 4 State Assembly Elections.