அனைவருக்கும் குறைந்தபட்ச வருமானம்.. பல நாளாக பிளான் போட்ட பாஜக.. முந்திக்கொண்டு அறிவித்த ராகுல்!
பாஜக திட்டமிட்டு வைத்திருந்த ''சமமாக குறைந்தபட்ச வருமானம் வழங்கும்'' திட்டத்தை காங்கிரஸ் கட்சி துணிந்து தனது தேர்தல் வாக்குறுதியாக அறிவித்து இருக்கிறது.
Recommended Video
டெல்லி: பாஜக திட்டமிட்டு வைத்திருந்த ''சமமாக குறைந்தபட்ச வருமானம் வழங்கும்'' திட்டத்தை காங்கிரஸ் கட்சி துணிந்து தனது தேர்தல் வாக்குறுதியாக அறிவித்து இருக்கிறது. இது பாஜகவிற்கு பின்னடைவாக பார்க்கப்படுகிறது.
2019 லோக் சபா தேர்தலுக்கு பின் காங்கிரஸ் ஆட்சிக்கு வந்தால் இந்தியாவில் உள்ள அனைத்து ஏழைகளுக்கும் சமமாக குறைந்தபட்ச வருமானம் வழங்கப்படும் என்று காங்கிரஸ் தலைவர் ராகுல் காந்தி தெரிவித்துள்ளார். இதை காங்கிரஸ் வாக்குறுதியாக வெளியிட்டு இருக்கிறது.
இது தேர்தல் களத்தில் பெரிய பரபரப்பை ஏற்படுத்தி உள்ளது. பாஜக இந்த திட்டத்தை குறித்து அறிவிப்பு வெளியிடும் என்று எதிர்பார்ப்பு நிலவி வந்தது குறிப்பிடத்தக்கது.
என் இந்த திட்டம் முக்கியம்
அனைவருக்கும் குறைந்தபட்ச வருமானம், Universal Basic Income ( UBI) , அனைவருக்கும் அடிப்படை சம்பளம் என்று சில பெயர்களில் இந்த திட்டம் உலகம் முழுக்க நடைமுறையில் இருக்கிறது. இதன் சாராம்சம் வெவ்வேறு நாடுகளில் மாறுபடும். பொதுவாக அனைவருக்கும் குறைந்த பட்ச ஊதியம் வழங்க இதில் வழிவகை செய்யப்படும். சில நாடுகளில் வேலை பார்க்காதவர்களுக்கு கூட குறைந்த பட்ச தொகை அளிக்கப்படும். இதனால் சம்பளம் வாங்காத நபரே இல்லை என்ற நிலையை உருவாக்க முடியும்.
சூப்பர் திட்டம்
இந்த திட்டம் மூலம் எப்போதும் விவசாயிகள் அதிக பலன் பெற வாய்ப்புள்ளது. அதாவது, விவசாயிகள் வறட்சியில் இருந்தால் கூட அவர்களுக்கு குறைந்தபட்ச அடிப்படை சம்பளம் ஒன்று அரசால் வழங்கப்படும். அதுபோல் வேலையில்லாத பட்டதாரிகளும் இதனால் பலன் பெறுவார்கள்.
காங்கிரஸ் அறிவிப்பை
இந்த திட்டத்தைதான் கொண்டு வர போவதாக காங்கிரஸ் அறிவித்துள்ளது. ஆனால் என்னமாதிரியான விதிகள் இதில் இருக்கும் என்பது குறித்த விரிவான விளக்கம் இன்னும் வெளியாகவில்லை. யாருக்கு எல்லாம் இந்த சம்பளம் கிடைக்கும் என்று காங்கிரஸ் இன்னும் கூறவில்லை.
பாஜக திட்டம்
பாஜக இந்த திட்டத்தை தனது தேர்தல் வாக்குறுதியாக அளிக்க இருந்தது. அதேபோல் சமயத்தில் இதற்காக லோக் சபாவில் திட்டம் ஒன்றை இந்த பட்ஜெட்டில் தாக்கல் செய்யவும் முடிவு செய்து இருந்ததாக கூறப்படுகிறது. ஆனால் இதுகுறித்து பாஜக அதிகாரப்பூர்வமாக எதுவும் கூறவில்லை.
ராகுல் அதிரடி
இந்த நிலையில்தான் பாஜகவை முந்திக்கொண்டு ராகுல் காந்தி அதிரடியாக தற்போது அந்த திட்டத்தை கையில் எடுத்துள்ளார். இது தேர்தலின் போது காங்கிரஸ் கட்சிக்கு உதவும் என்று கூறுகிறார்கள். பாஜகவிற்கு எப்படி 10% இடஒதுக்கீடு உதவுமோ அதேபோல் காங்கிரஸ் கட்சிக்கு இது உதவும் என்று கூறுகிறார்கள்.
Click it and Unblock the Notifications
Sign in with Google