கொரோனாவின் பாதிப்பு 11 ஆயிரத்தை தாண்டியது- 400ஐ நெருங்கும் உயிரிழப்பு- INDIA COVID-19 TRACKER

டெல்லி: இந்தியாவில் கொரோனாவின் பாதிப்பு 11 ஆயிரத்தை தாண்டியது என்றும் உயிரிழந்தோர் எண்ணிக்கை 400ஐ நெருங்குகிறது என்றும் INDIA COVID-19 TRACKER புள்ளி விவரங்கள் தெரிவிக்கின்றன.

இந்தியாவில் கொரோனாவால் பாதிக்கப்பட்டோர் எண்ணிக்கை 10,815; உயிரிழந்தோர் எண்ணிக்கை 353 என்கிறது மத்திய அரசின் சுகாதாரத்துறை அமைச்சக புள்ளி விவரம்.

ஆனால் INDIA COVID-19 TRACKER -ன் புள்ளி விவரங்கள் இதில் இருந்து வேறுபடுகிறது. இதன்படி இந்தியாவில் கொரோனாவால் பாதிக்கப்பட்டோர் எண்ணிக்கை 11 ஆயிரத்தை தாண்டியுள்ளது.

அதாவது மொத்தம் 11,487 பேர் கொரோனாவால் பாதிக்கப்பட்டுள்ளனர்; கொரோனாவால் உயிரிழந்தோர் எண்ணிக்கையும் 393 ஆக அதிகரித்துள்ளது என்கிறது. கொரோனா பாதிப்புக்குள்ளாகி குணமடைந்தவர்கள் எண்ணிக்கை 1,361 என்கிறது INDIA COVID-19 TRACKER.

இதனடிப்படையில் மாநிலங்களில் மகாராஷ்டிராவில்தான் மிக அதிகமாக 2,684 பேர் பாதிக்கப்பட்டுள்ளனர்; 178 பேர் பலியாகி உள்ளனர். இதற்கு அடுத்து மத்திய பிரதேசத்தில் 53 பேரும் டெல்லியில் 30 பேரும் மரணமடைந்துள்ளனர். குஜராத்தில் 28, தெலுங்கானாவில் 18, பஞ்சாப்பில் 13 பேரும் தமிழகத்தில் 11 பேரும் பலியாகி உள்ளனர்.

டெல்லியில் 1561 பேரும் தமிழகத்தில் 1204 பேரும் ராஜஸ்தானில் 1005 பேரும் கொரோனாவால் பாதிக்கப்பட்டுள்ளதாக கூறுகிறது INDIA COVID-19 TRACKER.

English summary

According to the INDIA COVID-19 TRACKER, Coronavirus cases in India crosses 11,000.