ஜிஎஸ்டி மார்ச் வசூல்.. 1.13 லட்சம் கோடியிலிருந்து 28,309 கோடியாக சரிவு.. மத்திய அரசு அதிர்ச்சி!

இந்தியாவில் கடந்த மார்ச் மாதம் மொத்த ஜிஎஸ்டி வசூல் தொகை 28,309 கோடி ரூபாய்தான் தகவல் வெளியாகி உள்ளது.

Updated: Friday, May 1, 2020, 0:41 [IST]

Subscribe to Oneindia Tamil

டெல்லி: இந்தியாவில் கடந்த மார்ச் மாதம் மொத்தமாக வசூல் செய்யப்பட்ட ஜிஎஸ்டி வசூல் தொகை வெறும் 28,309 கோடி ரூபாய்தான் என்று தகவல் வெளியாகி உள்ளது.

உலகமே கொரோனா காரணமாக ஸ்தம்பிக்கும் நிலையை அடைந்துள்ளது. கொரோனா தாக்குதலால் உலக நாடுகள் எல்லாம் பெரும் பொருளாதார சரிவை சந்திக்க தொடங்கி உள்ளது. இந்தியாவிலும் கொரோனா காரணமாக பெரிய அளவில் பொருளாதார சரிவு ஏற்பட்டுள்ளது.

Coronavirus: GST Collection goes to Rs. 28, 309 Cr from 1.13 Rs Lakh Crore

இந்தியாவில் இந்த வருட இறுதியில் பொருளாதரம் மிக மோசமான சரிவை சந்திக்கும். பலர் வேலையை இழக்க வாய்ப்புள்ளது என்று கணிக்கப்பட்டுள்ளது. முக்கியமாக உற்பத்தி துறை, ஐடி துறை மற்றும் சுற்றுலா துறை பெரிய அளவில் பாதிக்கும் என்று கூறுகிறார்கள். இந்தியாவின் ஜிடிபி 2%க்கும் கீழ் குறையும் என்று கணிக்கப்பட்டுள்ளது.

இந்த நிலையில் இந்தியாவில் கடந்த மார்ச் மாதம் மொத்த ஜிஎஸ்டி வசூல் தொகை 28,309 கோடி ரூபாய்தான் தகவல் வெளியாகி உள்ளது. கடந்த வருடம் இதே மாதம் ஜிஎஸ்டி வசூல் தொகை 1.13 லட்சம் கோடி ரூபாய் செய்யப்பட்டது. சென்ற வருடத்துடன் ஒப்பிட்டு பார்க்கும் போது இது மிக மிக குறைவு ஆகும்.

இந்த மிக மோசமான ஜிஎஸ்டி வருவாய் மத்திய அரசுக்கு அதிர்ச்சியை ஏற்படுத்தி உள்ளது. தற்போது பொருளாதார சூழ்நிலை மிக மோசமாக இருக்கும் நிலையில் ஜிஎஸ்டி வருவாயும் குறைந்து இருப்பது பெரிய பாதிப்பை ஏற்படுத்தும். அரசின் நிதி கையிருப்பில் இது பெரிய பாதிப்பை ஏற்படுத்தும்.

ஏற்கனவே லாக் டவுன் காரணமாக பெரிய அளவில் நிதி இழப்பு ஏற்பட்டுள்ளது. இது மேலும் அதிகரிக்கும். ஜிஎஸ்டி வருவாயும் குறைந்து இருப்பதால் மத்திய அரசு பெரிய அளவில் பாதிக்கும் என்று கூறுகிறார்கள். லாக் டவுன் காரணமாக மக்கள் பொருட்கள் வாங்குவது குறைந்துள்ளது. ஆன்லைன் வர்த்தகம் மட்டுமே கொஞ்சம் நடக்கிறது.

அத்தியாவசிய பொருட்களை தவிர வேறு எதுவும் விற்பனை செய்யப்படுவது இல்லை. இதனால்தான் ஜிஎஸ்டி வருவாய் பெரிய அளவில் சரிந்து உள்ளது. இந்த ஜிஎஸ்டி வருவாய் இழப்பில் இருந்து மீள இன்னும் இரண்டு அல்லது மூன்று மாதங்களாவது ஆகும். மொத்தமாக லாக் டவுன் முடிந்து இயல்பு நிலை திரும்பினால் மட்டுமே இந்த வருவாய் இழப்பை ஈடுகட்ட முடியும் என்கிறார்கள்.