இளநிலை மருத்துவ படிப்பு.. மாநில ஒதுக்கீட்டு இடங்களுக்கு கலந்தாய்வு தொடங்கும் தேதி அறிவிப்பு
டெல்லி: இளநிலை மருத்துவ படிப்புகளுக்கான கலந்தாய்வு தொடங்கும் தேதியை மருத்துவ கலந்தாய்வு குழு வெளியிட்டுள்ளது. மாநில ஒதுக்கீட்டு இடங்களுக்கு கலந்தாய்வு ஆகஸ்ட் 21 ல் தொடங்கும் என கலந்தாய்வுக் குழு அறிவித்துள்ளது. இளநிலை மருத்துவ படிப்புகளுக்கான மருத்துவ கலந்தாய்வு வரும் ஆகஸ்ட் 14 ஆம் தேதி தொடங்கும் என தெரிவிக்கப்பட்டுள்ளது.
2024-25 கல்வி ஆண்டில் இளநிலை மருத்துவ படிப்புகளுக்கான மருத்துவ கலந்தாய்வு நடைபெறும் தேதியை மருத்துவ கலந்தாய்வு குழு அறிவித்துள்ளது. இதன்படி, இளநிலை மருத்துவ படிப்புகளுக்கான மருத்துவ கலந்தாய்வு வரும் ஆகஸ்ட் 14 ஆம் தேதி தொடங்கும் என தெரிவிக்கப்பட்டுள்ளது.
அகில இந்திய இடங்களுக்கு ஆகஸ்ட் 14 முதல் 23 வரை முதல் சுற்று மருத்துவ கலந்தாய்வு நடைபெற உள்ளது. அகில இந்திய இடங்களுக்கு 2 ஆம் சுற்று கலந்தாய்வு செப்டம்பர் 5 ல் தொடங்கி செப்டம்பர் 13 ஆம் தேதி வரை நடைபெறும். செப்டம்பர் 26 முதல் அக்டோபர் 5 ஆம் தேதி வரை அகில இந்திய இடங்க்களுக்கு 3 ஆம் சுற்று கலந்தாய்வு நடைபெறும் என அறிவிக்கப்பட்டுள்ளது.
இந்த நிலையில் தான் மாநில ஒதுக்கீட்டு இடங்களுக்கான கலந்தாய்வு வரும் ஆகஸ்ட் 21 ஆம் தேதி தொடங்க இருப்பதாக மருத்துவ கலந்தாய்வு குழு அறிவித்துள்ளது. ஆகஸ்ட் 21 ஆம் தேதி முதல் 29 ஆம் தேதி வரை கலந்தாய்வு நடைபெறுகிறது. மாநில ஒதுக்கீடு இடங்களுக்கான 2-வது சுற்று கலந்தாய்வு செப்டம்பர் 11 ஆம் தேதி முதல் 20 ஆம் தேதி வரை நடைபெற உள்ளது. மாநில ஒதுக்கீட்டு இடங்களுக்கான 3-வது சுற்று கலந்தாய்வு அக்டோபர் 3 ஆம் தேதி முதல் 12-ம் தேதி வரை நடைபெறுகிறது.
அக்டோபர் 1 ஆம் தேதி முதல் மருத்துவ படிப்பு வகுப்புகள் தொடங்கும் என்று தெரிவிக்கப்பட்டுள்ளது. மேலும், மாநில ஒதுக்ககீட்டு இடங்களுக்கான கலந்தாய்வில் இடம் பெற்றவர்கள் செப்டம்பர் 5 ஆம் தேதிக்குள் கல்லூரியில் சேர வேண்டும் என்று தெரிவிக்கப்பட்டுள்ளது. தமிழகத்தில் நடப்பாண்டு 1,52,920 பேர் நீட் தேர்வு எழுதி 8,998, மாணவர்கள் தேர்ச்சி பெற்றுள்ளனர் என்பது கவனிக்கத்தக்கது.
Click it and Unblock the Notifications
Sign in with Google