அடேங்கப்பா.... ஆம் ஆத்மியிடம் ரூ500 கோடி நஷ்ட ஈடு கேட்டு டெல்லி பாஜக தடாலடி நோட்டீஸ்
டெல்லி: டெல்லி பாஜக தலைவர் மனோஜ் திவாரியை கிண்டலடிக்கும் வகையில் சமூக வலைதளங்களில் வீடியோ வெளியிட்டது தொடர்பாக ஆம் ஆத்மி கட்சியிடம் ரூ500 கோடி நஷ்ட ஈடு கேட்டு நோட்டீஸ் அனுப்பப்பட்டுள்ளது.
டெல்லி சட்டசபைக்கான தேர்தல் பிப்ரவரி 8-ந் தேதி நடைபெற உள்ளது. ஆட்சியை தக்க வைக்க ஆம் ஆத்மியும் ஆட்சியை எப்படியாவது பிடிக்க பாஜகவும் மும்முரம் காட்டுகின்றன.
இந்நிலையில் ஆம் ஆத்மியின் பிரசார பாடல் ஒன்றுக்கு டெல்லி பாஜக தலைவர் மனோஜ் திவாரி நடனம் ஆடுவது போல ஒரு வீடியோ வெளியிடப்பட்டது. ஆம் ஆத்மியினர் சமூக வலைதளங்களில் இந்த வீடியோவை வெளியிட்டனர்.
இதனால் கடும் அதிருப்தி அடைந்த மனோஜ் திவாரி, என்னுடைய வீடியோவை வைத்து இப்படி தவறாக சித்தரிக்க ஆம் ஆத்மிக்கு யார் அதிகாரம் கொடுத்தது? என கோபம் அடைந்தார். அத்துடன் டெல்லி முதல்வர் அரவிந்த் கேஜ்ரிவாலை கேலி செய்யும் வீடியோவையும் பாஜக வெளியிட்டது.
இந்நிலையில் ஆம் ஆத்மி மீது தேர்தல் ஆணையத்திடம் மனோஜ் திவாரி புகார் கொடுத்துள்ளார். மேலும் ரூ500 கோடி நஷ்ட ஈடு கேட்டு ஆம் ஆத்மிக்கு டெல்லி பாஜக நோட்டீஸும் அனுப்பியுள்ளது.
களைகட்டுகிறது களம்!
Click it and Unblock the Notifications
Sign in with Google