டெல்லி எக்ஸிட் போல்: சமூகம் வாரியாக அரசியல் கட்சிகள் பெறும் வாக்குகள் எவ்வளவு? Axis My India கணிப்பு

டெல்லி: 70 தொகுதிகளை கொண்ட டெல்லி சட்டமன்றத்திற்கு ஒரே கட்டமாக நேற்று தேர்தல் நடந்து முடிந்திருக்கிறது. இந்நிலையில் சமூகம் வாரியாக அரசியல் கட்சிகள் எவ்வளவு வாக்குகளை பெறும் என்கிற கணிப்பை Axis My India வெளியிட்டிருக்கிறது.

இந்த முறை 602 ஆண் வேட்பாளர்கள், 96 பெண் வேட்பாளர்கள், 1 மாற்று பாலினத்தவர் என மொத்தம் 699 பேர் வேட்பாளர்களாக களம் இறங்கினர். இதற்கு முன்னர் கடந்த 2020ல் நடைபெற்ற சட்டமன்ற தேர்தலில் 668 வாக்காளர்கள் இருந்தனர். அதை ஒப்பிடும்போது இந்த முறை 31 வேட்பாளர்கள் அதிகம்.

அரசியல் நிலவரத்தை பொறுத்தவரையில், என்னதான் மத்தியில் ஆட்சியில் இருந்தாலும் தலைநகர் டெல்லியில் ஆட்சியை பிடிக்கவில்லையே என்று பாஜகவுக்கு நீண்ட காலமாக ஏக்கம் இருந்து வந்தது. எனவே இந்த தேர்தலில் எப்படியாவது ஆட்சியை பிடித்துவிட வேண்டும் என்று பாஜக தீவிரமான முயற்சிகளை மேற்கொண்டது. மறுபுறம் ஆம் ஆத்மிக்கும் கடுமையான நெருக்கடி இருந்தது.

குறிப்பாக கட்சியின் பெயர் குற்றப்பத்திரிக்கையில் இடம் பெற்றிருந்தது. அதாவது டெல்லி மதுபான கொள்கை வழக்கில் ஆம் ஆத்மி தலைவர்கள் பலர் மீதும் குற்றச்சாட்டு எழுந்திருந்தது. அதேபோல இந்த வழக்கில் ஒட்டுமொத்த கட்சியின் மீதே விசாரணை அமைப்புகள் குற்றம் சாட்டியிருந்தன. இந்தியாவிலேயே ஒரு அரசியல் கட்சியின் பெயர் குற்றப்பத்திரிகையில் சேர்க்கப்பட்டது இதுதான் முதல் முறை. அதேபோல முதலமைச்சராக இருந்த ஒருவர் கைது செய்யப்பட்டதும் அரவிந்த் கெஜ்ரிவால் விஷயத்தில்தான் நடந்தது.

இவையெல்லாம் இந்த தேர்தலில் எதிரொலித்தன. டெல்லியை பொறுத்தவரை 83.49 லட்சம் ஆண்கள், 71.74 லட்சம் பெண்கள் மற்றும் 1,267 மூன்றாம் பாலினத்தைச் சேர்ந்தவர்கள் என மொத்தம் 1.55 கோடி வாக்காளர்கள் இருக்கின்றனர். இதில் 2.08 லட்சம் பேர் முதல் தலைமுறை வாக்காளர்களாவார்கள்.

இந்நிலையில் எந்த கட்சிகளுக்கு எந்த சமூகத்தை சேர்ந்தவர்கள் அதிக வாக்குகளை அளித்திருக்கிறார்கள் என்கிற விவரத்தை Axis My India வெளியிட்டிருக்கிறது. அதன்படி பாஜக கூட்டணிக்கு அனைத்து சமூகத்தினர் ஓட்டும் 48% என்கிற அளவில் இருக்கிறது. தனித்தனியாக பார்த்தால்,

பால்மிகி - 35
ஜாதவ் -28
தலித்(SC) -39
ஜாட் -63
குஜ்ஜர் -56
ஓபிசி -58
முஸ்லீம் -5
பஞ்சாபி -46
பிராமணர் -66
ராஜ்புத் -61
சீக்கியர் -24
பொது -68
மற்றவர்கள்-47

ஆம் ஆத்மி கட்சியை பொறுத்த அளவில், அனைத்து சமூகத்தை சேர்ந்தவர்களின் வாக்குகள் 42% பதிவாகியுள்ளன.

பால்மிகி - 53
ஜாதவ் -60
தலித்(SC) -51
ஜாட் -28
குஜ்ஜர் -37
ஓபிசி -34
முஸ்லீம் -74
பஞ்சாபி -45
பிராமணர் -27
ராஜ்புத் -32
சீக்கியர் -69
பொது -25
மற்றவர்கள்-42

காங்கிரஸ் கட்சியை பொறுத்த அளவில் அனைத்து சமூகத்தை சேர்ந்தவர்களின் வாக்குகள் 7% பதிவாகியுள்ளன.

பால்மிகி - 10
ஜாதவ் -7
தலித்(SC) -8
ஜாட் -6
குஜ்ஜர் -5
ஓபிசி -6
முஸ்லீம் -15
பஞ்சாபி -6
பிராமணர் -4
ராஜ்புத் -5
சீக்கியர் -3
பொது -5
மற்றவர்கள்-7

என வாக்குகள் பதிவாகியுள்ளன. இருப்பினும் தேர்தல் முடிவுகள் வெளியான பின்னர்தான் உண்மை நிலவரம் தெரிய வரும்.

English summary

The election for the 70-seat Delhi Assembly was conducted in a single phase yesterday. In this situation, Axis My India has released an estimate of the vote share different political parties will receive based on community-wise analysis.