டங்ஸ்டன் சுரங்க உரிமம் வழங்கும் மசோதா- நாடாளுமன்றத்தில் என்ன நடந்தது? கனிமொழி ரிலீஸ் செய்த வீடியோ!

டெல்லி: டங்ஸ்டன் சுரங்க உரிமம் வழங்கும் மசோதாவை நாடாளுமன்றத்தில் திமுக கடுமையாக எதிர்த்தது என்பதற்கு ஆதாரமான வீடியோ பதிவை நாடாளுமன்ற திமுக குழுத் தலைவர் கனிமொழி எம்பி தமது எக்ஸ் பக்கத்தில் வெளியிட்டுள்ளார். முன்னதாக தமிழ்நாடு சட்டசபையில் முதல்வர் மு.க.ஸ்டாலினும் நாடாளுமன்றத்தில் டங்ஸ்டன் சுரங்க உரிமம் வழங்கும் மசோதாவை திமுக எதிர்த்தது என தெரிவித்திருந்தார்.

இது தொடர்பான கனிமொழி எம்பியின் சமூக வலைதளப் பதிவு: மணிப்பூர் பற்றிய விவாதத்தை நடத்த வேண்டும் என்றும், இந்த கனிம வள மசோதாவே அதானிக்காக இந்நாட்டின் கனிம வளங்களை வாரிக்கொடுக்கும் முயற்சி என்றும், 28.07.2023 அன்றே நாங்கள் இதை எதிர்த்துப் போராடினோம்.

டங்ஸ்டன் உள்ளிட்ட "பகுதி-D" கனிமங்களுக்கு உரிமம் வழங்கும் அதிகாரத்தை ஒன்றிய அரசு கட்டுப்பாட்டில் கொண்டுவந்த இந்த மசோதாவை மாநிலங்களவையில் அ.தி.மு.க. ஆதரிக்காமல் இருந்திருந்தால் இன்று டங்ஸ்டன் விவகாரமே வந்திருக்காது. திமுக உள்ளிட்ட எதிர்க்கட்சி நாடாளுமன்ற உறுப்பினர்கள் இந்த மசோதாவை எதிர்த்துப் போராடியது இந்த காணொளியில் தெள்ளத் தெளிவாகத் தெரிகிறது.

முதலமைச்சர் மு.க.ஸ்டாலின் அவர்கள் எப்போதும் ஆதாரமில்லாமல் பேசமாட்டார். தொடர்ந்து மக்களை ஏமாற்றுவதற்காக மாற்றி மாற்றிப் பேசிக் கொண்டிருக்கிறார் எடப்பாடி பழனிசாமி. இவ்வாறு கனிமொழி எம்பி தெரிவித்துள்ளார்.

English summary

Senior DMK leader and MP Kanimozhi stated that the DMK opposed the Tungsten Mining Bill in Parliament.