உலக நாடுகளில் கொரோனா பாதிப்பு 80 லட்சத்தை தாண்டியது- தொடர்ந்து 4-வது இடத்தில் இந்தியா

டெல்லி: உலக நாடுகளில் கொரோனா பாதிப்பு எண்ணிக்கை 80 லட்சத்தை தாண்டியுள்ளது. கொரோனா பாதிப்பில் உலக அளவில் இந்தியா தொடர்ந்து 4-வது இடத்தில் இருந்து வருகிறது.

உலக நாடுகளில் கொரோனா பாதிப்பு எண்ணிக்கை 80,66,806 ஆக அதிகரித்திருக்கிறது. கொரோனா மரணங்கள் எண்ணிக்கை 4,37,296 ஆக உயர்ந்துள்ளது.

கொரோனாவால் பாதிக்கப்பட்டு குணமடைந்தோர் எண்ணிக்கை 41,74,782 ஆகவும் அதிகரித்திருக்கிறது. கொரோனா பாதிப்பில் அமெரிக்கா தொடர்ந்து முதலிடத்தில் இருக்கிறது.

அமெரிக்காவில் கொரோனா பாதிப்பு எண்ணிக்கை 21,74,666 ஆகவும் மரணங்கள் எண்ணிக்கை 1,18,122 ஆகவும் உள்ளது. பிரேசிலில் கொரோனா பாதிப்பு எண்ணிக்கை 8,73,963 ஆகவும் கொரோனா உயிரிழப்புகள் எண்ணிக்கை 43,485 ஆகவும் இருக்கிறது.

3-வது இடத்தில் உள்ள ரஷ்யாவில் கொரோனா பாதிப்பானது 537,210 ஆக உள்ளது. ரஷ்யாவில் கொரோனா மரணங்கள் எண்ணிக்கை 7,091. கொரோனா பாதிப்பில் இந்தியா தற்போது 4-வது இடத்தில் இருக்கிறது.

இந்தியாவில் கொரோனா பாதிப்பு எண்ணிக்கை 3,42,841 ஆகவும் கொரோனா உயிரிழப்பு எண்ணிக்கை 9,914 ஆகவும் உயர்ந்துள்ளது.

English summary

Global coronavirus Cases crossed 80 lakhs on Tuesday.