உலக நாடுகளில் கொரோனா பாதிப்பு 3 கோடியை தொடுகிறது- உயிரிழப்புகள் 10 லட்சத்தை எட்டுகிறது

டெல்லி: உலக நாடுகளில் மொத்த கொரோனா பாதிப்பு எண்ணிக்கை 3 கோடியை நெருங்குகிறது. அதேபோல் கொரோனா மரணங்கள் எண்ணிக்கை 10 லட்சத்தைத் தொடும் நிலையில் உள்ளது.

உலகம் முழுவதும் கொரோனா பாதிப்பு எண்ணிக்கை 2,91,75,454. கொரோனா மரணங்கள் எண்ணிக்கை 9,27,986. கொரோனாவால் குணமடைந்தோர் எண்ணிக்கை 2,10,20,687.

உலக நாடுகளில் அமெரிக்காவில் ஒரேநாளில் மொத்தம் 31,857 பேருக்கு கொரோனா உறுதி செய்யப்பட்டது. இதனால் அங்கு மொத்த கொரோனா பாதிப்பு எண்ணிக்கை 67,08,458.

2-வது இடத்தில் உள்ள இந்தியாவில் ஒரே நாளில் 93,215 பேருக்கு கொரோனா உறுதியானது. இந்தியாவின் மொத்த கொரோனா பாதிப்பு 50 லட்சத்தை தொடும் நிலையில் உள்ளது. அதாவது இந்தியாவில் மொத்த கொரோனா பாதிப்பு எண்ணிக்கை 48,45,003.

இந்தியாவுக்கு அடுத்ததாக உள்ள பிரேசிலில் மொத்த கொரோனா பாதிப்பு எண்ணிக்கை 43,30,455. கொரோனா மரணங்களில் அமெரிக்கா முதலிடத்தில் உள்ளது. அமெரிக்காவில் மொத்தம் 1,98,520 பேர் கொரோனாவால் மாண்டு போயுள்ளனர்.

2-வது இடத்தில் உள்ள பிரேசிலில் 1,31,663 பேரும் இந்தியாவில் இதுவரை 79,754 பேரும் கொரோனாவால் உயிரிழந்துள்ளனர். இந்தியாவுக்கு அடுத்ததாக மெக்சிகோவில் கொரோனா மரணங்கள் எண்ணிக்கை 70,604 ஆக உள்ளது.

உலக நாடுகளில் கொரோனாவால் குணமடைந்தோர் மொத்த எண்ணிக்கை 2,10,20,687. அமெரிக்காவில் 39,74,716 பேரும் இந்தியாவில் 37,77,044 பேரும் கொரோனாவில் இருந்து மீண்டுள்ளனர். பிரேசிலில் 35,73,958 பேர் கொரோனாவால் பாதிக்கப்பட்டு குணமடைந்துள்ளனர்.

English summary

Total number of coronavirus cases worldwide close to 3 crore on Monday.