கொரோனா ஒருநாள் பாதிப்பில் உலக நாடுகளில் அமெரிக்காவுக்கு அடுத்து இந்தியா 2-வது இடம்

டெல்லி: ஒருநாள் கொரோனா பாதிப்பில் உலக நாடுகளில் அமெரிக்காவை தொடர்ந்து இந்தியா 2-வது இடத்தில் இருக்கிறது. இந்தியாவில் ஒரே நாளில் 22,510 பேருக்கு கொரோனா உறுதி செய்யப்பட்டுள்ளது.

உலக நாடுகளில் கொரோனா பாதிப்பு எண்ணிக்கை 1,17,31,622 ஆக உயர்ந்துள்ளது. கொரோனா மரணங்கள் எண்ணிக்கை 5,40,116 ஆகவும் அதிகரித்துள்ளது.

கொரோனாவால் பாதிக்கப்பட்டு குணமடைந்தவர்கள் எண்ணிக்கை 66,23,119 ஆக இருக்கிறது. அமெரிக்காவில்தான் தொடர்ந்து பாதிப்புகள் அதிகமாக உள்ளன. அமெரிக்காவில் ஒரே நாளில் கொரோனாவால் பாதிக்கப்பட்டோர் எண்ணிக்கை 49,458 ஆக இருந்தது.

அமெரிக்காவை தொடர்ந்து இந்தியாவில் ஒரே நாளில் கொரோனாவால் பாதிக்கப்பட்டோர் எண்ணிக்கை 22,510 ஆகும். ஒட்டுமொத்த கொரோனா பாதிப்பில் ரஷ்யாவை பின்னுக்கு தள்ளி இந்தியா 3-வது இடத்தில் இருக்கிறது. ஒருநாள் கொரோனா மரணங்களில் இந்தியா 2-வது இடத்தில் இருக்கிறது.

பிரேசிலில்தான் ஒரே நாள் கொரோனா மரணங்கள் மிக அதிகமாக இருந்தது. பிரேசிலில் ஒரே நாளில் 656 பேர் கொரோனாவால் மாண்டுபோயினர். இதனையடுத்து இந்தியாவில்தான் மிக அதிகபட்சமாக ஒரே நாளில் 474 பேர் உயிரிழந்துள்ளனர். அமெரிக்காவில் கொரோனா பாதிப்பு எண்ணிக்கை 30,39,705.

அமெரிக்காவில் கொரோனா மரணங்கள் எண்ணிக்கை 1,32,961. பிரேசிலில் மொத்த கொரோனா பாதிப்பு எண்ணிக்கை 16,26,071. இங்கு கொரோனா மரணங்கள் எண்ணிக்கையானது 65,556 ஆக உள்ளது. இந்தியாவில் கொரோனா பாதிப்பானது 7,.20,346 ஆக இருக்கிறது. கொரோனா மரணங்கள் எண்ணிக்கை 20,174 ஆகவும் உள்ளது.

இந்தியாவில் மகாராஷ்டிரா, தமிழகம், டெல்லி மாநிலங்களில் மிக மோசமான கொரோனா பாதிப்பு உள்ளது. மகாராஷ்டிராவில் 2,11,987 பேருக்கும் தமிழகத்தில் 1,14,978 பேருக்கும் கொரோனா பாதிப்பு உள்ளது. டெல்லியில் 1,00,823 பேருக்கு கொரோனா பாதிப்பு உறுதியாகி உள்ளது.

English summary

India's new cases of the coronavirus infection reached 22,510 on Monday.