அலறியடித்த 15 லட்சம் ஊழியர்கள்! நாடு முழுக்க வருமான வரித்துறை அனுப்பிய மெசேஜ்! ஷாக்கான சம்பளதாரர்கள்

டெல்லி: நடப்பு மதிப்பீட்டு ஆண்டு 2025-26-க்கான திருத்தப்பட்ட வருமான வரி அறிக்கையை (ITR) 15 லட்சத்திற்கும் அதிகமான வரி செலுத்துவோர் தாக்கல் செய்துள்ளதாக வருமான வரித் துறை செவ்வாய்க்கிழமை அன்று தெரிவித்தது. பலருக்கும் நோட்டிஸ் அனுப்பப்பட்ட நிலையில், பலரிடமும் விளக்கம் கேட்கப்பட்ட நிலையில், திருத்தப்பட்ட வருமான வரி அறிக்கையை தாக்கல் செய்துள்ளனர்.

அங்கீகரிக்கப்படாத அரசியல் கட்சிகள் அல்லது தொண்டு நிறுவனங்கள் தொடர்பான தவறான கழிவுகளைக் கோரிய அடையாளம் காணப்பட்ட வரி செலுத்துவோருக்கு அறிவுரைகளை அனுப்பும் 'NUDGE' பிரச்சாரத்தையும் வருமான வரித் துறை தொடங்கியுள்ளது.

நடப்பு மதிப்பீட்டு ஆண்டு

நடப்பு மதிப்பீட்டு ஆண்டு 2025-26-க்காக 15 லட்சத்திற்கும் மேற்பட்ட வருமான வரி அறிக்கைகள் ஏற்கனவே திருத்தப்பட்டுள்ளதாக வருமான வரித்துறை ஓர் அறிக்கையில் குறிப்பிட்டது. மேலும், 21 லட்சத்திற்கும் அதிகமான வரி செலுத்துவோர் தங்களது வருமான வரி விவரங்களை நடப்பு நிதியாண்டில் புதுப்பித்துள்ளதோடு, ₹2,500 கோடி மதிப்பிலான வரிகளையும் செலுத்தியுள்ளனர்.

வருமான வரித் துறை மேலும் தெரிவிக்கையில், "தொடர்புடைய வரி செலுத்துவோர் தங்களின் வருமான வரி அறிக்கைகளை ஆய்வு செய்யுமாறும், அத்துடன் கழிவுகள் மற்றும் விலக்கு கோரிக்கைகளின் சரியான தன்மையை சரிபார்க்குமாறும், தேவைப்பட்டால் டிசம்பர் 31, 2025-க்குள் தங்களது அறிக்கைகளை திருத்துமாறும் அறிவுறுத்தப்படுகிறார்கள். இதன் மூலம் மேலதிக விசாரணைகளைத் தவிர்க்க முடியும்." என்றது.

வருமான வரித் துறை

சட்டத்தின்படி முறையாகச் செய்யப்பட்ட உண்மையான கழிவு அல்லது விலக்கு கோரிக்கைகளைக் கொண்ட வரி செலுத்துவோர் வேறு எந்த நடவடிக்கையும் எடுக்கத் தேவையில்லை என்றும் துறை தெளிவுபடுத்தியது. நடப்பு மதிப்பீட்டு ஆண்டு 2025-26-க்கான திருத்தப்பட்ட வருமான வரி அறிக்கை தாக்கல் செய்வதற்கான கடைசி தேதி டிசம்பர் 31 ஆகும். ஜனவரி 1 முதல், தங்கள் வருமான வரி அறிக்கையில் மாற்றங்களைச் செய்ய விரும்பும் வரி செலுத்துவோர் புதுப்பிக்கப்பட்ட ITRஐ தாக்கல் செய்ய வேண்டும்.

போலியான கோரிக்கைகள்

இந்த மாத தொடக்கத்தில், மத்திய நேரடி வரிகள் வாரியம் (CBDT) தரவு பகுப்பாய்வு மூலம், பதிவுசெய்யப்பட்ட அங்கீகரிக்கப்படாத அரசியல் கட்சிகள் (RUPPகள்) அல்லது தொண்டு நிறுவனங்களுக்கு நன்கொடை அளிக்கப்பட்டதாக பெரும் தொகையான போலியான கோரிக்கைகள் செய்யப்பட்டிருப்பதைக் கண்டறிந்தது. இது வரி பொறுப்புகளைக் குறைப்பதற்கும், போலியான பணத்தைத் திரும்பப் பெறுவதற்கும் வழிவகுத்துள்ளது.

பதிவுசெய்யப்பட்ட அங்கீகரிக்கப்படாத அரசியல் கட்சிகளில் பல செயல்படாதவை, தங்கள் பதிவு செய்யப்பட்ட முகவரிகளில் இயங்காதவை, மற்றும் எந்தவொரு அரசியல் நடவடிக்கையிலும் ஈடுபடாதவை. இவை நிதி பரிமாற்றம், ஹவாலா பரிவர்த்தனைகள், எல்லை தாண்டிய பணப் பரிமாற்றங்கள் மற்றும் நன்கொடைகளுக்கான போலி ரசீதுகளை வழங்குவதற்கான இடைத்தரகர்களாகப் பயன்படுத்தப்பட்டன என்பதற்கு அமலாக்க நடவடிக்கைகளில் இருந்து ஆதாரங்கள் கிடைத்துள்ளதாக CBDT தெரிவித்தது.

இந்த பதிவுசெய்யப்பட்ட அங்கீகரிக்கப்படாத அரசியல் கட்சிகள் மற்றும் அறக்கட்டளைகளில் சிலவற்றிற்கு எதிராக வாரியம் தொடர்ச்சியான தேடல்களை நடத்தியது. அதன் அடிப்படியில் இவர்களுக்கு நோட்டீஸ் அனுப்பப்பட்டது. இது தொடர்பாக வருமான வரி செலுத்தும் பல ஆயிரம் ஊழியர்களுக்கு வருமான வரித் துறை சமீபத்தில் அனுப்பிய மின்னஞ்சல்களில் கடுமையான கேள்விகளை கேட்டு உள்ளது. இது தொடர்பாக உடனடியாக விளக்கம் அளிக்கும்படி அல்லது திருத்தப்பட்ட வருமான வரி ரிட்டர்ன் தாக்கல் செய்யப்படி மெயிலில் கோரி உள்ளது.

வருமான வரித் துறை பல்வேறு நபர்களுக்கு இன்று காலை நோட்டீஸ் அனுப்பியுள்ளதாக தகவல்கள் தெரிவிக்கின்றன. தவறான வருமான வரி கணக்கு தாக்கல் செய்தவர்களுக்கும் இந்த நோட்டீஸ்கள் அனுப்பப்பட்டுள்ளன. இது குறித்து விரிவான தகவல்கள் விரைவில் வெளியிடப்படும் என எதிர்பார்க்கப்படுகிறது.

தாக்கல் செய்யப்பட்ட வரிக் கணக்கிற்கும் (ITR) நிறுவனங்களால் வழங்கப்பட்ட படிவம் 16-க்கும் இடையில் உள்ள முரண்பாடுகள் குறித்து எச்சரித்துள்ளன. இந்தச் செய்தி வரி செலுத்துவோர் மத்தியில் கவலையையும் விவாதத்தையும் கிளப்பியுள்ளது.

English summary

Income Tax Department gets 15 lakhs revised returns after sending ITR notices