இந்தியாவில் கொரோனா பாதிப்பு 26 ஆயிரத்தை தாண்டியது- மரணங்கள் எண்ணிக்கை 825

டெல்லி: இந்தியாவில் கொரோனாவால் 825 பேர் மரணித்துள்ளதாக https://www.covid19india.org/ இணையதளத்தின் புள்ளி விவரம் தெரிவித்துள்ளது.

இந்தியாவில் கொரோனாவால் 24,942 பேர் பாதிக்கப்பட்டுள்ளனர்; 779 பேர் மரணமடைந்துள்ளனர் என்று மத்திய சுகாதாரத்துறை அமைச்சகம் தெரிவித்துள்ளது. ஆனால் https://www.covid19india.org/ இணையதளத்தில் இந்தியாவில் பாதிப்புகளும் மரணங்களும் கூடுதல் என தெரிவிக்கப்பட்டுள்ளது.

அதில் மாநிலங்களில் மகாராஷ்டிராவில்தான் உச்சகட்டமாக 7,628 பேர் பாதிக்கப்பட்டும் 323 பேர் மரணமடைந்தும் உள்ளனர். 2-வது இடத்தில் குஜராத் உள்ளது. இங்கு 3071 பேர் கொரோனாவால் பாதிக்கப்பட்டுள்ளனர். அத்துடன் 133 பேர் கொரோனாவால் மரணித்துப் போயுள்ளனர்.

இதனையடுத்து 3-வது இடத்தில் டெல்லி உள்ளது. டெல்லியில் 2625 பேர் கொரோனாவால் பாதிக்கப்பட்டிருக்கின்றனர். மொத்தம் 54 பேர் கொரோனாவால் உயிரிழந்துள்ளனர். ராஜஸ்தானில் 2083 பேரும் உத்தரப்பிரதேசத்தில் 1793 பேரும் தமிழகத்தில் 1821 பேரும் கொரோனாவால் பாதிக்கப்பட்டிருக்கின்றனர்.

மொத்தமாக இந்தியாவில் 26,283 பேர் கொரோனாவால் பாதிப்புக்குள்ளாகி இருகின்றனர். இதில் 5939 பேர் குணமடைந்துள்ளனர். 825 பேர் மரணமடைந்துள்ளனர்.

English summary

According to the https://www.covid19india.org, India's coronavirus cases crossed 26,000.