கொரோனா பாதிப்பு- உலக நாடுகளில் ஈரானை பின்தள்ளி 10-வது இடத்தில் இந்தியா

டெல்லி: உலக நாடுகளில் கொரோன பாதிப்பில் ஈரானை பின்தள்ளி 10-வது இடத்தில் இந்தியா உள்ளது. இந்தியாவில் அதிகரித்து வரும் கொரோனா நோயாளிகள் எண்ணிக்கையால் துருக்கியையும் இந்தியா பின் தள்ள வாய்ப்புள்ளது.

உலகம் முழுவதும் கொரோனாவால் பாதிக்கப்பட்டோர் எண்ணிக்கை 54,97,998 ஆக அதிகரித்துள்ளது. கொரோனா மரணங்கள் எண்ணிக்கையானது 3,46,685 ஆகவும் உயர்ந்துள்ளது.

கொரோனாவால் பாதிக்கப்பட்டோரில் 23,01,990 பேர் குணமடைந்தும் உள்ளனர். கொரோனாவால் அமெரிக்காதான் மிக மோசமாக பாதிக்கப்பட்டுள்ளது. அமெரிக்காவில் 16,86,436 பேர் கொரோனாவால் பாதிக்கப்பட்டுள்ளனர். மேலும் 99,300 பேர் கொரோனாவால் மரணித்துள்ளனர்.

2-வது இடத்தில் பிரேசில் உள்ளது. கடந்த சில வாரங்களாக ரஷ்யாதான் 2-வது இடத்தில் இருந்தது. தற்போது ரஷ்யாவை பிரேசில் பின் தள்ளியது. பிரேசிலில் கொரோனா பாதிப்பு எண்ணிக்கை 3.63,618 ஆக இருக்கிறது. பிரேசிலில் கொரோனா மரணங்கள் எண்ணிக்கை 22,716 ஆகவும் உள்ளது. 3-வது இடத்தில் உள்ள ரஷ்யாவில் கொரோனா பாதிப்பு 3,44,481 ஆக இருக்கிறது. ரஷ்யாவில் 3,541 பேர் கொரோனாவால் மரணமடைந்துள்ளனர்.

கொரோனா பாதிப்பில் ஸ்பெயின் 4-வது இடத்தில் கொரோனா மரணங்களில் இங்கிலாந்து 4-வது இடத்திலும் இருக்கிறது. ஸ்பெயினில் கொரோனா பாதிப்பு எண்ணிக்கை 2,82,852 ஆக இருக்கிறது. இங்கிலாந்தில் கொரோனா மரணங்கள் எண்ணிக்கை 36,793 ஆக உயர்ந்துள்ளது. ஸ்பெயினில் கொரோனா மரணங்கள் 28,752ஆக இருக்கிறது. இங்கிலாந்தில் கொரோனா பாதிப்பு 2,59,559 ஆக உள்ளது.

உலக நாடுகளில் இந்தியா 11-வது இடத்தில் இருந்து வந்தது. தற்போது 10-வது இடத்தில் இருந்த ஈரானை பின் தள்ளி அந்த இடத்துக்கு இந்தியா நகர்ந்துள்ளது. இந்தியாவில் கொரோனா பாதிப்பு எண்ணிக்கை 1,38,536 ஆக உள்ளது. இந்தியாவில் கொரோனா மரணங்கள் எண்ணிக்கை 4,024 ஆக உள்ளது. ஈரானில் கொரோனா பாதிப்பு 1,35,701 ஆகவும் கொரோனா மரணங்கள் எண்ணிக்கை 7,417 ஆகவும் உள்ளது.

English summary

India on Sunday overtook Iran to become the 10th biggest hot spot of the Coronavirus cases.