இந்தியாவில் ஒருநாள் கொரோனா பாதிப்பு 4,435; 163 நாட்களுக்குப் பின் கிடுகிடுவென அதிகரித்தது!

டெல்லி: இந்தியாவில் ஒருநாள் கொரோனா பாதிப்பு மிக வேகமாக அதிகரித்து வருகிறது. தற்போதைய நிலையில் இந்தியாவில் கொரோனாவுக்கு சிகிச்சை பெறுவோர் எண்ணிக்கை 23,000-த்தை தாண்டியது. ஒருநாள் கொரோனா பாதிப்பு தொடர்ந்து 4,000-த்தை தாண்டி பதிவாகி உள்ளது.

உலக நாடுகளில் மொத்த கொரோனா பாதிப்பு எண்ணிக்கை 684,289,335. உலகம் முழுவதும் இதுவரை கொரோனா மரணங்களின் எண்ணிக்கை 6,833,794. உலக நாடுகளில் கொரோனாவால் பாதிக்கப்பட்டு குணமடைந்தவர்கள் எண்ணிக்கை 657,255,870.

உலக நாடுகளில் நேற்று மட்டும் 64,183 பேருக்கு புதியதாக கொரோனா தொற்று உறுதி செய்யப்பட்டது. தென் கொரியாவில் 13,375; ஜப்பானில் 9,406; பிரேசிலில் 8,656 ஆக ஒருநாள் கொரோனா பாதிப்பு பதிவாகி உள்ளது. கொரோனா பாதிப்பு அதிகமாக இருக்கும் முதல் 10 நாடுகளில் இந்தியா தற்போது 6-வது இடத்தில் உள்ளது. இந்தியாவில் ஒருநாள் கொரோனா பாதிப்பு 4,435 ஆக அதிகரித்துள்ளது. இந்தியாவில் மொத்த கொரோனா பாதிப்பு எண்ணிக்கை 44,733,719; இந்தியாவில் கொரோனாவால் மரணம் அடைந்தவர்களின் எண்ணிக்கை 530,916. நாட்டில் கொரோனா பாதிப்பில் இருந்து குணமடைந்தோர் எண்ணிக்கை 44,179,712.

இந்தியாவில் நேற்று செவ்வாய்க்கிழமையன்று ஒருநாள் கொரோனா பாதிப்பு 3,038 ஆக இருந்தது. கடந்த 163 நாட்களுக்குப் பின்னர் 4,500ஐ ஒருநாள் கொரோனா பாதிப்பு நெருங்கி உள்ளது. நமது நாட்டில் கொரோனாவுக்கு சிகிச்சை பெறுகிற ஆக்டிவ் கேஸ்கள் 23,091 ஆகும். நாட்டில் நேற்று கொரோனாவால் மொத்தம் 9 பேர் பலியாகி உள்ளனர்.

கொரோனா நிலவரம் தொடர்பான மத்திய அரசு அறிக்கை:

நாடு தழுவிய தடுப்பூசி இயக்கத்தின் கீழ் இதுவரை மொத்தம் 220.66 கோடி தடுப்பூசி டோஸ்கள் வழங்கப்பட்டுள்ளன. இதில் 95.21 கோடி இரண்டாம் தவணை தடுப்பூசி டோஸ்களும், 22.86 கோடி முன்னெச்சரிக்கை டோஸ்களும் அடங்கும். கடந்த 24 மணி நேரத்தில் 1,979 டோஸ் தடுப்பூசிகள் அளிக்கப்பட்டுள்ளன.

இந்தியாவில் தற்போது 23,091 பேர் கொவிட் தொற்றால் பாதிக்கப்பட்டுள்ளனர். இது 0.05 சதவீதமாகும். தொற்றிலிருந்து மீண்டவர்களின் விகிதம் 98.76 சதவீதம். கடந்த 24 மணி நேரத்தில் 2,508 பேர் பாதிப்பிலிருந்து மீண்டுள்ளனர். இதுவரை குணமடைந்தவர்களின் எண்ணிக்கை மொத்தம் 4,41,79,712 பேர். கடந்த 24 மணி நேரத்தில் 4,435 பேருக்கு புதிதாக தொற்று பாதிப்பு உறுதி செய்யப்பட்டுள்ளது.

தினசரி பாதிப்பு விகிதம் 3.38% வாராந்திர பாதிப்பு விகிதம் 2.79%. இதுவரை மொத்தம் 92.21 கோடி சோதனைகள் நடத்தப்பட்டுள்ளன. கடந்த 24 மணி நேரத்தில் 1,31,086 சோதனைகள் நடத்தப்பட்டுள்ளன.

English summary

India has Recored 4,435 Coronavirus Cases in the last 24 hours.