91 நாட்களில் குறைவான பாதிப்பு.. 24 மணி நேரத்தில் 42,640 பேருக்கு கொரோனா; 1,167 மரணங்கள்
டெல்லி: நாட்டில் கடந்த 91 நாட்களில் குறைவான பாதிப்பாக கடந்த 24 மணிநேரத்தில் 42,640 பேருக்கு கொரோனா தொற்று உறுதி செய்யப்பட்டுள்ளது. மேலும் நேற்று ஒருநாளில் மட்டும் 1,167 பேர் உயிரிழந்துள்ளனர்.
உலக நாடுகளின் மொத்த கொரோனா பாதிப்பு எண்ணிக்கை 18 கோடியை எட்டியுள்ளது. அதேபோல் கொரோனா மரணங்கள் எண்ணிக்கையும் 38 லட்சத்தை தாண்டியுள்ளது.
91 நாட்களில் குறைந்த பாதிப்பு
இந்தியாவில் கடந்த சில வாரங்களாக கொரோனா பாதிப்பு வெகுவாக குறைந்து கொண்டே வருகிறது. கடந்த 24 மணிநேரத்தில் 42,640 பேருக்கு கொரோனா தொற்று உறுதி செய்யப்பட்டது. இது கடந்த 91 நாட்களில் மிக குறைவான பாதிப்பு ஆகும்.
24 மணி நேரத்தில் 1,167 பேர் மரணம்
இந்தியாவில் மொத்த கொரோனா பாதிப்பு எண்ணிக்கை 2,99,77,861. நாட்டில் கடந்த 24 மணிநேரத்தில் 1,167 பேர் கொரோனாவால் உயிரிழந்துள்ளனர். இந்தியாவின் மொத்த கொரோனா மரணங்கள் எண்ணிக்கை 3,89,302 ஆகும்.
தற்போதைய ஆக்டிவ் கேஸ்கள்
கொரோனா சிகிச்சைக்குப் பின் டிஸ்சார்ஜ் ஆனவர்கள் எண்ணிக்கை 81,839. மொத்த டிஸ்சார்ஜ் எண்ணிக்கை 2,89,26,038. இந்தியாவில் தற்போது கொரோனாவுக்கு சிகிச்சை பெறுவோர் எண்ணிக்கை 6,62,521.
28 கோடி பேருக்கு தடுப்பூசி
இன்று காலை நிலவரப்படி இதுவரை நாட்டில் மொத்தம் 28,87,66,201 பேருக்கு கொரோனா தடுப்பூசி போடப்பட்டுள்ளது. நேற்று ஒரே நாளில் நாடு முழுவதும் 80,95,314 தடுப்பூசிகள் போடப்பட்டு சாதனை நிகழ்த்தப்பட்டது குறிப்பிடத்தக்கது.