ராஜஸ்தானில் காங்கிரஸ் வெல்லும்.. பாஜகவிற்கு ட்விஸ்ட் தந்த இந்தியா டிவி கணிப்பு.. முடிவுகள் என்ன?

Updated: Thursday, November 30, 2023, 20:31 [IST]

Subscribe to Oneindia Tamil

டெல்லி : ராஜஸ்தானில் இதுவரை வந்த கணிப்புகள் எல்லாமே பாஜகவே வெற்றி பெற வாய்ப்பு உள்ளதாக கணித்துள்ளன. இந்நிலையில் திடீர் திருப்பமாக India TV-CNX நடத்திய கருத்துக்கணிப்பில் காங்கிரஸ் கட்சியே ராஜஸ்தானில் அதிக இடங்களை வெல்லும் என கூறப்பட்டுள்ளது, அதேநேரம் பாஜவும் கணிசமான இடங்களில் வெல்ல வாய்ப்பு உள்ளதாகவும் கூறியுள்ளது.

ராஜஸ்தானில் தற்போது முதல்வர் அசோக் கெலாட் தலைமையில் காங்கிரஸ் கட்சி கடந்த ஐந்து வருடங்களாக ஆட்சி செய்து வருகிறது. ராஜஸ்தான் மாநிலத்தை பொறுத்தவரைக் காங்கிரஸ் மற்றும் பாஜக இடையே தான் எப்போதுமே நேரடி போட்டி நிலவி வருகிறது நம்மூரில் உள்ள அதிமுக திமுக போல், அங்கு பாஜகவும் காங்கிரஸ் கட்சிகளும் ஆட்சி செய்து வருகின்றன.

India TV-CNX Exit Polls on Rajasthan Election 2023: Hung Assembly Predicted; Congress, BJP In Close Fight

ராஜஸ்தான் மாநிலத்தில் கடந்த நவம்பர் 25ஆம் தேதி சட்டசபைத் தேர்தல் ஒரே கட்டமாக 199 தொகுதிகளுக்கு நடந்து முடிந்தது. ஒரு தொகுதியில் காங்கிரஸ் வேட்பாளர் மரணம் அடைந்தததால் ஒத்திவைக்கப்பட்டது. ராஜஸ்தானில் 199 தொகுதிகளுக்கு நடந்த தேர்தலில் சுமார் 75% வாக்குகள் பதிவானது. ராஜஸ்தான் மாநிலத்தில் இவ்வளவு அதிகமான வாக்குகள் பதிவானது வியப்பை ஏற்படுத்தி உள்ளது. ஐந்து வருடங்கள் ஆண்ட கட்சி அடுத்த முறை ராஜஸ்தானில் மாறிவிடும். இதுதான் எதார்த்தமான ஒன்றாக ராஜஸ்தானில் காலம் காலமாக இருக்கிறது. இந்நிலையில் அதிகப்படியான வாக்கு சதவீதம் பதிவானதால் ஆட்சி மாற்றத்திற்கான அறிகுறி என்று சொல்கிறார்கள்.

ஏனெனில் ராஜஸ்தான் மாநிலத்தைப் பொறுத்தவரைக் கடந்த காலங்களில் முந்தைய தேர்தலைக் காட்டிலும் குறைந்த வாக்குகள் பதிவான 7 தேர்தல்களில் ஆளும் தரப்பு மூன்று முறை ஆட்சி ஆட்சியை தக்கவைத்துள்ளது. அதேநேரம் முந்தைய தேர்தலைக் காட்டிலும் அதிக வாக்குகள் பதிவான 7 தேர்தல்களில் ஒரே ஒரு முறை மட்டும் ஆட்சியைத் தக்க வைத்துக் கொண்டன. ஆனால், இவை அனைத்தும் 1990களில் நடந்தவை. அதன் பிறகு எந்தவொரு கட்சியாலும் அங்கே ஆட்சியைத் தக்க வைக்க முடியவில்லை. மாறி மாறி ஆட்சி செய்து வருகின்றன.

இந்நிலையில் தெலுங்கானா சட்டசபை தேர்தல் இன்று நடந்து முடிந்த நிலையில், ஐந்து மாநிலங்களில் நடந்து முடிந்த சட்டசபை தேர்தல் தொடர்பாக கருத்துக்கணிப்புகளை பிரபல செய்தி ஊடகங்கள் வெளியிட்டு வருகின்றன. அந்த வகையில், ராஜஸ்தான் மாநிலத்தில் India TV-CNX நடத்திய கருத்துக்கணிப்பில் பாஜக 80-90 இடங்களில் மட்டுமே வெல்ல வாய்ப்பு உள்ளது என்றும், காங்கிரஸ் கட்சி 94-104 இடங்களில் வென்று ஆட்சியை பிடிக்க வாய்ப்பு உள்ளதாகவும் கணித்துள்ளது.