பட்ஜெட்டில் கல்வி, சுகாதாரத்திற்கு இந்தியா ஒதுக்கிய தொகை.. சீனா-அமெரிக்காவுடன் எவ்வளவு வித்தியாசம்?

டெல்லி: மிகுந்த எதிர்பார்ப்புகளுக்கு இடையே இந்தியாவில் இன்று பட்ஜெட் தாக்கல் செய்யப்பட்டுள்ளது. இந்தியா தனது பட்ஜெட்டில் தாக்கல் முக்கிய துறைகளுக்கு ஒதுகப்பட்டுள்ள தொகை எவ்வளவு என்பதையும் அமெரிக்கா, சீனா ஆகிய நாடுகள் அதே துறைக்கு எவ்வளவு ஒதுக்கியுள்ளன என்பது பற்றிய விவரங்களை இங்கு பார்க்கலாம.

இந்தியா உலகின் அதிக மக்கள் தொகை நாடும், ஐந்தாவது பெரிய பொருளாதார நாடு என்ற பெருமையை பெற்றது. உலக அளவில் வளர்ந்த நாடுகளுக்கு இணையாக பெரிய பொருளாதாரத்தை கொண்டுள்ள இந்தியா, வரும் 2047 ஆம் ஆம் ஆண்டுக்குள் வளர்ந்த பாரதம் என்ற இலக்கை நோக்கி பயணித்து வருகிறது. அதற்கு ஏற்றபடியே திட்டங்களை வகுத்து வருவதாக மத்திய அரசு கூறி வருகிறது.

இதனால் இந்தியா தாக்கல் செய்யும் பட்ஜெட் உலக அளவில் கவனம் பெறுவது வழக்கம். இந்தியாவில் ஆண்டு தோறும் பிப்ரவரி 1 ஆம் தேதி பட்ஜெட் தாக்கல் செய்யப்படுகிறது. அந்த வகையில், இன்று பட்ஜெட் தாக்கல் செய்யப்பட்டது. மத்தியில் ஆளும் பாஜக அரசு தனது மூன்றாவது ஆட்சி காலத்தில் தாக்கல் செய்யும் முதல் முழு பட்ஜெட் இதுவேயாகும்.

எனவே இந்த பட்ஜெட் மீதான எதிர்பார்ப்பு அதிகரித்தது. அந்த வகையில், பட்ஜெட்டில் பல்வேறு முக்கிய அறிவிப்புகள் வெளியாகின. இந்தியா முக்கிய துறைகளுக்கு எவ்வளவு ஒதுக்கியது என்பது பற்றிய விவரங்களை பார்க்கலாம்.

இந்திய பட்ஜெட் 2025 -2026:

* கல்வித் துறைக்கு 1,28,650 கோடி ரூபாய்
* சுகாதாரத் துறைக்கு 98,311 கோடி ரூபாய்
* உள்துறைக்கு 2,33,211 கோடி ரூபாய்

* ஐடி மற்றும் டெலிகாம் துறைக்கு 95,298 ரூபாய்
* கிராமப்புற வளர்ச்சிக்கு 2,66,817 கோடி ரூபாய்
* நகர்ப்புற வளர்ச்சிக்கு 96,777 கோடி ரூபாய்
* போக்குவரத்துக்கு 5,48,649 கோடி ரூபாய்
* எரிசக்த்து துறைக்கு 81,174 கோடி ரூபாய்

அமெரிக்க பட்ஜெட் (2025):

அமெரிக்காவில் மொத்த பட்ஜெட்டின் மதிப்பு சுமார் 6 டிரில்லியன் டாலர் ஆகும். இதில் பாதுகாப்பு துறைக்கு மட்டும் சுமார் 886 பில்லியன் டாலர் நிதி ஒதுக்கீடு செய்யப்பட்டுள்ளது. சமூக பாதுகாப்பிற்காக 1.3 டிரில்லியன் டாலர் ஒதுக்கீடு செய்யப்பட்டுள்ளது. மருத்துவம் மற்றும் மருத்துவ உதவிக்கு என்று 1.5 டிரில்லியன் டாலர் நிதி ஒதுக்கீடு செய்யப்பட்டுள்ளது. கல்வி, உள்கட்டமைப்பு மற்றும் அறிவியல் ஆராய்ச்சிக்காக அமெரிக்கா சுமார் 1.6 டிரில்லியன் டாலர் ஒதுக்கீடு செய்துள்ளது.

சீனா பட்ஜெட்:

* கல்வித்துறை - 290 பில்லியன் டாலர்
* சமூக நலம் மற்றும் வறுமை ஒழிப்பு - 70 - 100 பில்லியன் டாலர்
* பொது பாதுகாப்பு மற்றும் சட்ட அமலாக்கம் - சுமார் 30 - 45 பில்லியன் டாலர்
* சுகாதாரம் - சுமார் 160 - 190 பில்லியன் டாலர் ஆகும்.

English summary

Delhi: The budget was presented in India today amidst high expectations. Here you can see the details of how much money India has allocated for key sectors in its budget and how much the US and China have allocated for the same sector.