மோகித் ஜோஷி.. இன்போசிஸ்-க்கு குட்பை! செங்கம்பளம் விரித்த டெக் மஹிந்திரா!!

இன்போசிஸ் தலைவர் மோகித் ஜோஷி ராஜினாமா செய்துவிட்டு டெக் மஹிந்திராவில் இணைந்துள்ளார்.

டெல்லி: இன்போசிஸ் தலைவர் பதவியில் இருந்து மோகித் ஜோஷி ராஜினாமா செய்துள்ளார். மேலும் மோகித் ஜோஷியை டெக் மஹிந்திரா நிறுவனம் மேலாண்மை இயக்குநர் மற்றும் தலைமை செயல் அதிகாரியாக நியமித்துள்ளது.

டெல்லி செயின்ட் ஸ்டீபன் கல்லூரியில் இளங்கலை பட்டம் பெற்றவர் மோகித் ஜோஷி. டெல்லி பல்கலைக் கழகத்தில் எம்பிஏ பட்டம் பெற்றார். இன்போசிஸ் நிறுவனத்தில் 23 ஆண்டுகளாக பல்வேறு பதவிகளில் பணிபுரிந்தவர் மோகித் ஜோஷி. Edgeverve Systems நிறுவனத்தின் தலைவராகவும் இருந்தார். இன்போசிஸ் நிறுவனத்தில் இணைவதற்கு முன்பாக ANZ Grindlays, ABN AMRO நிறுவனங்களில் பணிபுரிந்தார்.

தற்போது இன்போசிஸ் தலைவர் பதவியில் இருந்து விலகி இருக்கிறார் மோகித் ஜோஷி. அத்துடன் டெக் மஹிந்திரா நிறுவனத்தில் இணைந்துள்ளார்.

டெக் மஹிந்திரா நிறுவனத்தின் மேலாண்மை இயக்குநர், தலைமை செயல் அதிகாரியாகவும் மோகித் ஜோஷி நியமிக்கப்பட்டிருக்கிறார். தற்போது அப்பதவியில் இருப்பவர் சிபி குர்நானி. அவர் டிசம்பர் 19-ந் தேதி ஓய்வு பெறுகிறார். அப்போது மோகித் ஜோஷி டெக் மஹிந்திரா நிறுவனத்தின் மேலாண்மை இயக்குநர், தலைமை செயல் அதிகாரியாக பொறுப்பேற்பார்.

English summary

Infosys President Mohit Joshi Resigned from the Post. He also appointed as Tech Mahindra Managing Director and CEO.