கேரளா பாஜக வேட்பாளர்கள் அறிவிப்பு- நடிகர் சுரேஷ் கோபி திருச்சூரில் போட்டி

டெல்லி: கேரளா சட்டசபை தேர்தலில் போட்டியிடும் பாஜக வேட்பாளர்கள் அறிவிக்கப்பட்டுள்ளனர். நடிகர் சுரேஷ் கோபி திருச்சூர் தொகுதியில் போட்டியிடுகிறார்.

கேரளா சட்டசபை தேர்தலில் மொத்தம் உள்ள 140 தொகுதிகளில் 115-ல் பாஜக போட்டியிடுகிறது. இதில் 112 தொகுதிகளுக்கான வேட்பாளர்களை பாஜக இன்று அறிவித்தது.

கேரளா மாநில பாஜக தலைவர் சுரேந்திரன் 2 தொகுதிகளில் போட்டியிடுகிறார். காசர்கோடு மாவட்டம் மஞ்சேஸ்வரம், பத்தனம்திட்டா மாவட்டம் கோன்னி தொகுதிகளில் சுரேந்திரன் போட்டியிடுகிறார்.

பாஜகவில் அண்மையில் இணைந்த மெட்ரோமேன் ஶ்ரீதரன், பாலக்காடு தொகுதியில் போட்டியிடுகிறார். தர்மடம் தொகுதியில் போட்டியிடும் கேரளா முதல்வர் பினராயி விஜயனை எதிர்த்து பாஜக மூத்த தலைவர் சி.கே. பத்மநாபன் களம் காண்கிறார்.

நடிகர் சுரேஷ் கோபி திருச்சூர் சட்டசபை தொகுதியில் போட்டியிடுகிறார். கேரளா முன்னாள் டிஜிபி ஜேக்கப் தாமஸ் இரிஞ்சலகுட தொகுதியிலும் முன்னாள் அமைச்சரும் ஐ.ஏ.எஸ். அதிகாரியுமான ராஜ்யசபா எம்.பி. அல்போன்ஸ் கன்னன்தானம் காஞ்சிரபள்ளி தொகுதியிலும் போட்டியிடுகின்றனர்.

English summary

BJP releases a list of 112 candidates for Kerala Assembly elections today.