லடாக்கிற்கு மாநில அந்தஸ்து கேட்டு போராடிய பிரபல சுற்றுச்சூழல் போராளி.. டெல்லி அருகே கைது

இந்தியாவைச் சேர்ந்த 58 வயதான சுற்றுச்சூழல் ஆர்வலர் சோனம் வான்க்சுக் மற்றும் அவரது 100க்கும் மேற்பட்ட ஆதரவாளர்கள், டெல்லிக்கு செல்லும் முக்கிய நெடுஞ்சாலையில் போலீசாரால் தடுத்து நிறுத்தப்பட்டனர்.

இமயமலைப் பகுதியிலிருந்து தொடங்கிய ஒரு மாத கால சுற்றுச்சூழல் போராட்ட ஊர்வலத்தின் முடிவில் நிகழ்ந்தது.இந்த ஆர்வலர்கள் இந்தியா மற்றும் சீனாவின் எல்லைகளில் அமைந்துள்ள மலைப் பகுதியான லடாக்கில் காலநிலை மாற்றத்தின் தாக்கங்கள் குறித்த விழிப்புணர்வை ஏற்படுத்தவும், அந்தப் பகுதிக்கு அதிக அரசியல் சுயாட்சி கோரவும், சுமார் 1,000 கிலோமீட்டர் (620 மைல்) தூரம் கால்நடையாக பயணித்தனர்.

லடாக்கில் ஏற்பட்டுள்ள காலநிலை நெருக்கடியை வெளிச்சம் போட்டு காட்டவும், சிறந்த சுற்றுச்சூழல் ஆட்சிக்கு மாநில அந்தஸ்து கோரவும் நோக்கம் கொண்ட போராட்டக்காரர்கள், தலைநகரை நெருங்கும் போது சாலையில் தடுப்புகள் வைக்கப்பட்டு நிறுத்தப்பட்டனர். மகாத்மா காந்தியின் பிறந்தநாளை ஒட்டி டெல்லியில் அவர்கள் தங்கள் கோரிக்கையை வலியுறுத்த இருந்தனர். இருப்பினும், அவர்கள் நகரத்திற்குள் நுழைவதற்கு முன்பு போலீசாரால் தடுத்து நிறுத்தப்பட்டு, அவர்களின் திட்டங்கள் தடைபட்டன.

"நாங்கள் போலீஸ் நிலையத்தில் தடுத்து வைக்கப்பட்டுள்ளோம், எங்களது வழக்கறிஞர்களை சந்திக்க அனுமதி மறுக்கப்படுகிறது" என்று குழுவின் செய்தி தொடர்பாளர் பி. நம்ஜியல் ஏ.எஃப்.பி. செய்தி நிறுவனத்திற்கு தெரிவித்தார். அதிகாரிகளின் இந்த நடவடிக்கை கடுமையான விமர்சனத்தை எழுப்பியுள்ளது, இந்திய எதிர்க்கட்சித் தலைவர் ராகுல் காந்தி, போராட்டக்காரர்களின் உரிமைகளை மீறும் "ஏற்றுக்கொள்ள முடியாத" நடவடிக்கை என்று குற்றம் சாட்டினார்.

லடாக் பகுதி, இந்தியா, பாகிஸ்தான் மற்றும் சீனா ஆகிய நாடுகளால் அதிகமாக பாதுகாக்கப்படும் எல்லையில் அமைந்துள்ளது, ஒவ்வொரு நாடுகளும் இந்த தொலைதூர பிரதேசத்தின் ஒரு பகுதியை கோருகின்றன. இந்தப் பகுதி காலநிலை மாற்றத்தின் மையப் புள்ளியாக மாறியுள்ளது, பனிப்பாறைகள் உருகுவது, வெள்ளம் மற்றும் நிலச்சரிவு சம்பவங்கள் அதிகரித்துள்ளன. தற்போது, லடாக்கானது, மத்திய அரசாங்கத்தால் நேரடியாக நிர்வகிக்கப்படுகிறது.

வான்க்சுக் தலைமையிலான ஊர்வலம் என்பது சுற்றுச்சூழல் கவனத்திற்கான வேண்டுகோள் மட்டுமல்ல, லடாக்கிற்கு மாநில அந்தஸ்து வழங்குவதற்கான கோரிக்கையாகும். மாநில அந்தஸ்து வழங்குவது உள்ளூர் மக்களுக்கு சுற்றுச்சூழல் கொள்கைகளை சிறப்பாக நிர்வகித்து, அந்தப் பகுதியின் சுற்றுச்சூழல் அமைப்பை பாதுகாக்க உதவும் என்று வான்க்சுக் வாதிடுகிறார். "நம் நிலமே அச்சுறுத்தலில் இருக்கிறது" என்று ஊர்வலத்தை தொடங்கிய போது வான்க்சுக் கூறினார், "நாம் நடக்க வேண்டும், ஏனெனில் மௌனம் இனி ஒரு விருப்பம் இல்லை" என்று கூறி, அவர்களின் காரணத்தின் அவசரத்தை வலியுறுத்தினார்.

இதுகுறித்து ஏஎப்பி செய்தி நிறுவனம் கூறுகையில், 2014 இல் மோடி ஆட்சிக்கு வந்ததிலிருந்து, சுற்றுச்சூழல் மற்றும் சமூக பிரச்னைகளுக்காக குரல் கொடுப்பவர்களுக்கு மீது தொந்தரவு மற்றும் சட்டரீதியான மிரட்டல்கள் குறிப்பிடத்தக்க வகையில் அதிகரித்துள்ளன. வான்க்சுக் மற்றும் அவரது ஆதரவாளர்களை தடுத்து வைத்தது, அரசியல் மற்றும் சுற்றுச்சூழல் நெருக்கடிகளுக்கு மத்தியில் மாற்றத்திற்காக குரல் கொடுப்பவர்கள் எதிர்கொள்ளும் தடைகளின் மற்றொரு நினைவூட்டலாகும். இவ்வாறு அதில் தெரிவிக்கப்பட்டுள்ளது.

English summary

Sonam Wangchuk and 100 activists were detained by police during a climate protest in New Delhi. Their march aimed to raise awareness about Ladakh's environmental challenges and demand greater political autonomy for the region. The incident raises concerns about the treatment of activists in India.