கல்வியறிவு...முதலிடத்தில் கேரளா...பின்தங்கிய ஆந்திரா... 8வது இடத்தில் தமிழ்நாடு!!

Updated: Monday, September 7, 2020, 15:16 [IST]

Subscribe to Oneindia Tamil

டெல்லி: நாட்டிலேயே கேரளா தவிர மற்ற தென் மாநிலங்கள் அனைத்தும் கல்வியறிவில் பின்தங்கி இருக்கும் அதிர்ச்சி செய்தி வெளியாகி இருக்கிறது. வழக்கம்போல் இந்தப் பட்டியலில் கேரள மாநிலம் 6.2%த்துடன் முதல் இடத்தில் இருக்கிறது. ஆந்திரா 66.4%த்துடன் மிகவும் பின் தங்கியுள்ளது. இந்தப் பட்டியலில் தமிழ்நாடு 82.9%த்துடன் 8வது இடத்தில் உள்ளது.

இந்தியாவிலேயே ஆந்திர மாநிலம் மிகவும் பின்தங்கி இருப்பது அதிர்ச்சி அளிக்கும் செய்தியாக வெளியாகி இருக்கிறது. பீகார் மாநிலம் 70.9%த்துடன் ஆந்திராவை பின்னுக்குத் தள்ளியுள்ளது. தேசிய சராசரியான 77.7%த்தைவிடதெலங்கானா மாநிலம் வெறும் 72.8%த்துடன் பின் தங்கியுள்ளது. அசாம் 85.9%, கர்நாடகா 77.2%, உத்தரகண்ட் மாநிலம் 87.6%, பஞ்சாப் 83.7%, தமிழ்நாடு 82.9%, மேற்குவங்கம் 80.5%, அரியானா 80.4% பெற்றுள்ளன.

Literacy Rates: Kerala maintains first Tamil Nadu in 8th place, Andhra worst

டெல்லி 88.7%, இமாசலப்பிரதேசம் 86.6%, உத்தரப்பிரதேசம் 73%, ராஜஸ்தான் 69.7% கல்வியறிவு பெற்றுள்ளன. கேரளாவில் ஆண்களுக்கும், பெண்களுக்கும் இடையிலான கல்வியறிவு வித்தியாசம் 2.2%ஆக இருக்கிறது. இது தேசிய அளவில் 14.4%ஆக இருக்கிறது. ஆண்கள் கல்வியறிவு 84.7%ஆகவும், பெண்களின் கல்வியறிவு 70.3%ஆகவும் உள்ளது.

ஆந்திர மாநிலம் கல்வியறிவில் பின்தங்கி இருந்தபோதும் ஆண்களுக்கும், பெண்களுக்கும் இடையிலான வித்தியாசம் 13.9%ஆக இருக்கிறது. இதுவே, ராஜஸ்தானில் 23.2% ஆகவும், பீகாரில் 19.2% ஆகவும், உத்தரப்பிரதேசத்தில் 18.4% ஆகவும் உள்ளது.

நகர்ப்புறங்களில் ஆண்களுக்கும், பெண்களுக்கும் இடையிலான கல்வியறிவில் கேரளாவில்தான் குறைந்த அளவாக 1.9% உள்ளது. தெலங்கானாவில் இது 23.4%ஆகவும், ஆந்திராவில் 19.2%ஆகவும் இருக்கிறது.

அதேபோல் நகர்ப்புறத்தில் இருக்கும் ஆண்களின் கல்வியறிவுக்கும், கிராமத்தில் இருக்கும் பெண்களின் கல்வியறிவுக்கும் இடையிலான வித்தியாசம் 27.2%ஆக இருக்கிறது. இது ஆந்திராவில் 38%ஆகவும், ராஜஸ்தானில் 38.5%ஆகவும் இருக்கிறது.

கேரளாவில் கிராமத்தில் இருக்கும் பெண்களின் கல்வியறிவு 80%த்துக்கும் அதிகமாக இருக்கிறது. 22 பெரிய மாநிலங்களில் 13 மாநிலங்களில் மட்டும் 70%த்துக்கும் குறைவான கல்வியறிவு உள்ளது. இவற்றில் நான்கில் 60%த்துக்கும் குறைவாக இருக்கிறது.

தேசிய புள்ளிவிவர அலுவலக (NSO) தகவலில் இருந்து வெளியாகியுள்ளது. இது 2017-2018ஆம் ஆண்டுக்கான, 7 வயது மற்றும் அதற்கு மேல் இருப்பவர்களிடம் இருந்து எடுக்கப்பட்ட புள்ளி விவரம்.