இத்தனை நடைமுறைகளா? லோக்சபா தேர்தலில் வாக்குகள் எப்படி எண்ணப்படும்.. முழு விபரம்!

Updated: Thursday, May 23, 2019, 7:32 [IST]

Subscribe to Oneindia Tamil

Recommended Video

Lok Sabha Elections Results 2019: தேர்தல் முடிவுகள் உங்க தொகுதியில் எத்தனை சுற்றில் முடிவு தெரியும்?

டெல்லி: லோக்சபா தேர்தல் வாக்கு எண்ணிக்கை இன்று நடைபெறுகிறது. இந்த வாக்கு எண்ணிக்கையில் விவிபாட் வாக்குகளை எண்ணுவது உட்பட பல முக்கியமான நடைமுறைகள் கடைபிடிக்கப்படும் என்பது குறிப்பிடத்தக்கது.

மோடி தலைமையிலான ஆட்சி முடிந்ததை அடுத்து, கடந்த மார்ச் மாதம் தேர்தல் ஆணையம் தேர்தல் தேதிகளை அறிவித்தது. அதன்படி லோக்சபா தேர்தல் 7 கட்டங்களாக நடைபெற்றது.

Lok Sabha Elections Counting 2019: Step by Step process explanations

542 தொகுதிகளில் தேர்தல் நடைபெற்றது. ஏப்ரல் 11ம் தேதி தொடங்கிய தேர்தல் மே 19ம் தேதி நிறைவு பெற்றது. நடந்து முடிந்த இந்த 17வது லோக்சபா தேர்தலுக்கான வாக்கு எண்ணிக்கை இன்று காலை நடைபெற இருக்கிறது.

லோக்சபா தேர்தலில் வாக்குகளை எண்ண பின்வரும் படிகள் பின்பற்றப்படும்:

வாக்குகளை எண்ண நியமிக்கப்பட்டு இருக்கும் பணியாளர்கள் எல்லோரும் 5 மணிக்கு மையத்திற்கு அழைத்து வரப்படுவார்கள்.

வாக்கு எண்ணிக்கை, கண்காணிப்பு அதிகாரிகளின் முன்னிலையில் 8 மணிக்கு தொடங்கும்.

தேர்தல் கண்காணிப்பு அதிகாரிகளுடன் சேர்த்து வேட்பாளர்கள் நியமித்த கண்காணிப்பு ஏஜென்ட்கள் பணிக்கு இருப்பார்கள்.

வாக்கு எண்ணிக்கைக்கு முன் வாக்குப்பதிவு எந்திரங்கள் அதிகாரிகள் முன்னிலையில் சோதனை செய்யப்படும்.

முதலில் தபால் வாக்குகள் எண்ணப்பட்டு முடிவுகள் அறிவிக்கப்படும்.

ஒரு சுற்று வாக்கு எண்ணிக்கை முடிந்த பின் மேற்பார்வையாளர் அதை கையெழுத்திட்டு, பின் வேட்பாளர்களிடம் அளிப்பார். அதை பரிசோதித்து ஒப்புதல் வழங்கப்பட்ட பின், மீண்டும் மேற்பார்வையாளர் கையெழுத்திடுவார்.

அதன்பின் அது கரும்பலகையில் எழுதப்படும். அதன் பின்பே ஒரு சுற்றுக்கான முடிவுகள் அறிவிக்கப்படும்.

அனைத்து பணிகளும் வீடியோ எடுக்கப்படும்.

ஒரு தொகுதிக்கு மொத்தம் 5 விவிபாட் எந்திரங்களின் ஒப்புகை சீட்டுகள் தேர்வு செய்யப்பட்டு அதன் வாக்குகள் எண்ணப்படும்.

இதில் தவறு இருப்பது கண்டுபிடிக்கப்பட்டால், விவிபாட் வாக்குகள் மீண்டும் எண்ணப்பட்டு, முடிவுகள் அறிவிக்கப்படும்.

இந்த எந்திரங்கள் கணினி ரேண்டம் எண் மூலம் ரேண்டமாக (சீரின்றி) தேர்வு செய்யப்படும்.

மொத்தம் ஒரு சுற்று வாக்குகளை 14 மேஜைகள் போட்டு எண்ணுவார்கள். இதனால் ஒரு சுற்று வாக்குகளை எண்ண 30 நிமிடமும் ஆகும். முடிவுகளை அறிவிக்க 10 நிமிடம் ஆகும். இதனால் மொத்தமாக ஒரு சுற்றை எண்ண 40 நிமிடங்கள் ஆகும் என்பது குறிப்பிடத்தக்கது.