திரிபுரா பிப்.16; மேகாலயா, நாகாலாந்து பிப்.27-ல் சட்டசபை தேர்தல்; மார்ச் 2-ல் வாக்கு எண்ணிக்கை!

டெல்லி: திரிபுரா மாநில சட்டசபைக்கு பிப்ரவரி 16-ந் தேதியும் மேகாலயா, நாகாலாந்து மாநிலங்களுக்கு பிப்ரவரி 27-ந் தேதியும் சட்டசபை தேர்தல்கள் நடைபெற உள்ளன. 3 மாநில சட்டசபை தேர்தல்களில் ப்திவானா வாக்குகள் மார்ச் 2-ந் தேதி எண்ணப்பட்டு முடிவுகள் அறிவிக்கப்படும் என தேர்தல் ஆணையம் அறிவித்துள்ளது.

நாகாலாந்து மாநில சட்டசபையின் பதவிக் காலம் மார்ச் 12-ல் முடிவடைகிறது. மேகாலயா மாநில சட்டசபையின் பதவிக் காலம் மார்ச் 15, திரிபுரா மாநில சட்டசபையின் பதவிக் காலம் மார்ச் 22-ல் முடிவடைகிறது. இதனையடுத்து 3 மாநில சட்டசபைகளுக்கும் தேர்தல் நடத்தப்பட உள்ளது.

மேகாலயா

மேகாலயா மாநிலத்தில் மொத்தம் 60 சட்டசபை தொகுதிகள் உள்ளன. இம்மாநிலத்தில் ஆட்சி அமைக்க தேவையான பெரும்பான்மை 31 எம்.எல்.ஏக்கள்.

மேகாலயாவில் என்.பி.பி, திரிணாமுல் காங்கிரஸ், காங்கிரஸ், யுடிபி, பாஜக, பிடிஎப் ஆகியவை பிரதான அரசியல் கட்சிகள்.

2018-ம் ஆண்டு தேர்தல் முடிவுகள்: காங்கிரஸ் 21, என்.பி.பி 20, யுடிபி 6, பிடிஎப் 4, சுயேட்சைகள் 3, பாஜக 2, ஹெச்எஸ்பிடிபி 2;என்சிபி 1, கேஹெச்என்ஏஎம்-1

மேகாலயா சட்டசபையில் தற்போதைய நிலைமை: என்.பி.பி. 21, திரிணாமுல் காங்கிரஸ் 9, காங்கிரஸ்- 0; யுடிபி 8, பாஜக 3, பிடிஎப் 2

மேகாலயாவில் என்பிபி தலைமையில் பாஜகவை உள்ளடக்கிய கூட்டணி ஆட்சி நடைபெற்று வந்தது. இம்மாநிலத்தின் முதல்வர் என்பிபி கட்சியின் கான்ராட் சங்மா.

நாகாலாந்து

நாகாலாந்து மாநிலத்தில் மொத்தம் 60 சட்டசபை தொகுதிகள் உள்ளன. இம்மாநிலத்திலும் ஆட்சி அமைக்க தேவையான பெரும்பான்மை 31 எம்.எல்.ஏக்கள்.

நாகாலாந்தில் என்டிபிபி, பாஜக, என்பிஎப், ஜேடியூ ஆகியவை பிரதான அரசியல் கட்சிகள்

2108-ம் ஆண்டு நாகாலாந்து தேர்தல் முடிவுகள்: என்பிஎப்- 26; என்டிபிபி 18; பாஜக- 12

நாகாலாந்து சட்டசபையில் தற்போதைய பலம்: என்டிபிபி 42; பாஜக- 12; என்பிஎப் 4

நாகலாந்து மாநிலத்தில் என்டிபிபி தலைமையில் பாஜகவை உள்ளடக்கிய கூட்டணி ஆட்சி நடைபெற்று வருகிறது. இம்மாநில முதல்வராக நெய்பியு ரியோ பதவி வகித்து வருகிறார்.

திரிபுரா

திரிபுரா மாநிலத்திலும் மொத்தம் 60 சட்டசபை தொகுதிகள் உள்ளன. இங்கும் பெரும்பான்மைக்கு 31 எம்.எல்.ஏக்கள் தேவை.

திரிபுராவின் பிரதான அரசியல் கட்சிகள் பாஜக, மார்க்சிஸ்ட் கட்சி, காங்கிரஸ், இடதுசாரிகள்.

2018 தேர்தலில் பாஜக 36; மார்க்சிஸ்ட் கட்சி 16; காங்கிரஸ் 8 இடங்களில் வென்றன.

தற்போது திரிபுரா சட்டசபையில் பாஜக 33; மார்க்சிஸ்ட் கட்சி -15; காங்கிரஸ் 1 , ஐபிஎப்டி-4; காலி-7

திரிபுரா மாநில முதல்வராக பாஜகவின் மாணிக் சஹா இருந்து வருகிறார்.

English summary

The Election Commission will announce the Schedule for the Meghalaya, Nagaland, Tripura Assembly polls today.