சரித்திர சம்பவம்..குறைவான வாக்கு வித்தியாசத்தில் வென்ற ஒரே 'சிட்டிங் பிரதமர்' நரேந்திர மோடி மட்டும்!

டெல்லி: இந்தியாவின் சரித்திரத்தில் சிட்டிங் பிரதமர் ஒருவர் லோக்சபா தேர்தலில் போட்டியிட்டு மிக குறைவான வாக்கு வித்தியாசத்தில் வென்று 'சரித்திரத்தில்' இடம்பிடித்துள்ளார் நரேந்திர மோடி.

நாட்டின் முதல் லோக்சபா தேர்தல் 1952-ல் நடைபெற்றது. நேரு முதல் நரேந்திர மோடி வரை பிரதமர்களாக பதவி வகித்துள்ளனர். ஒவ்வொருவரும் தேர்தல் களத்தில் பல்வேறு சரித்திரங்களைப் படைத்திருக்கின்றனர்.

1984-ம் ஆண்டு லோக்சபா தேர்தலில் போட்டியிட்ட ராஜீவ் காந்தி 72.38% வாக்குகள் வித்தியாசத்தில் பெரும் வெற்றியைப் பெற்றார். ராஜீவ் காந்தியின் தாத்தா ஜவஹர்லால் நேரு கூட அதிகபட்சமாக 33.46% வாக்கு வித்தியாசத்தில்தான் வென்றிருந்தார். ராஜீவ் காந்தியின் தாயார் இந்திரா காந்தி அம்மையாரும் அதிகபட்சமாக 35.24% வாக்குகள் வித்தியாசத்தில்தான் வென்றிருந்தார்.

1991-ம் ஆண்டு காபந்து (இடைக்கால ) பிரதமராக இருந்த சந்திரசேகர் மிக மிக குறைவாக 12.78% வாக்குகள் வித்தியாசத்தில் வென்றிருந்தார்.

அதேநேரத்தில் பதவியில் இருந்து கொண்டு தேர்தலில் போட்டியிட்ட பிரதமர்களிலேயே மிக குறைவான வாக்கு வித்தியாசத்தில் வென்றது நரேந்திர மோடிதான் என்கிறது ஹிந்துஸ்தான் டைம்ஸ் புள்ளி விவரம். 1991-ல் நரசிம்மராவ் 13.56% வாக்கு வித்தியாசத்தில் வெற்றி பெற்றதுதான் இதுவரை 'குறைந்த வாக்கு வித்தியாசத்தில் வென்றவர்' சாதனையாக இருந்தது.

நாட்டின் பிரதமர்கள்- தேர்தலில் போட்டியிட்ட ஆண்டு- பெற்ற வாக்கு சதவீதம்

ராஜீவ் காந்தி	1984	72.38%
ராஜீவ் காந்தி	1989	50.22%
நரேந்திர மோடி	2019	45.22%
இந்திரா காந்தி	1971	40.47%
வாஜ்பாய்	2004	37.4%
இந்திரா காந்தி	1967	35.24%
ஜவஹர்லால் நேரு	1962	33.46%
சரண் சிங்	1980	33.33%
நரசிம்மராவ்	1996	30.97%
ஜவஹர்லால் நேரு	1957	21.88%
ஜவஹர்லால் நேரு	1952	19.49%
வாஜ்பாய்	1999	16.4%
நரசிம்மராவ்	1991	13.56%
நரேந்திர மோடி	2024	13.49%

(நன்றி: ஹிந்துஸ்தான் டைம்ஸ்)

English summary

Narendra Modi got Top in the Lowest Winning Margin of Sitting Indian Prime Ministers in the Elections.