எல்லாம் பொய்... நம்பாதீங்க! நீட் பிஜி தேர்வு ஒத்திவைப்பு என வெளியான தகவலுக்கு என்.பி.இ. மறுப்பு
டெல்லி: இந்த ஆண்டுக்கான முதுகலை நீட் தேர்வு தேதியை தள்ளிவைக்கப்பட்டு இருப்பதாக வெளியான சுற்றறிக்கை உண்மையானது அல்ல என்று தேசிய தேர்வு வாரியம் அறிவித்துள்ளது.
மே 21 ஆம் தேதி நீட் பிஜி தேர்வு
கடும் எதிர்ப்புகளுக்கு இந்த ஆண்டு இளங்கலை நீட் தேர்வு வருகிற ஜூலை 17 ஆம் தேதி நடைபெறும் என தேசிய தேர்வு முகமை அறிவித்தது. அதேபோல் முதுகலை நீட் தேர்வு மே 21 ஆம் தேதி நடைபெறும் என அறிவிக்கப்பட்டு உள்ளது. இந்த நிலையில் நீட் தேர்வை தள்ளி வைக்க வலியுறுத்தி இளங்கலை மருத்துவம் பயின்ற மருத்துவர்கள் குடியரசுத் தலைவர் ராம்நாத் கோவிந்துக்கு கடிதம் எழுதினர்.
மாணவர்கள் குமுறல்
2021 ஆம் ஆண்டு மருத்துவ மேற்படிப்புக்கான அனைத்து இந்திய கலந்தாய்வும் 2022 முதுகலை நீட் தேர்வும் ஒரே நேரத்தில் நடப்பது நடுத்தர மதிப்பெண் பெற்ற மாணவர்களை பாதிக்கும் என்பது மாணவர்களின் கருத்தாக உள்ளது. முதுகலை நீட் தேர்வுக்கு தயாராகி வரும் தங்களின் சுமையை உணர்ந்து தேர்வு தேதியை ஒத்திவைப்பது குறித்து பரிசீலிக்க வேண்டும் என அவர்கள் கோரிக்கை விடுத்துள்ளனர்.
இடைவெளி தேவை
அதேபோல், 2021 ஆம் ஆண்டு மருத்துவ மேற்படிப்புக்கான அனைத்து இந்திய கலந்தாய்வு நடைபெறும் நாளுக்கும் 2022 முதுகலை நீட் தேர்வு நடக்கும் நாட்களுக்கும் இடையே போதிய இடைவெளியை வழங்க வேண்டும் எனவும் அவர்கள் கேட்டுக்கொண்டுள்ளனர். கொரோனா பரவல் உச்சத்தில் இருந்தபோது மக்களுக்காக பணியாற்றிய தங்கள் கோரிக்கை ஏற்க வேண்டும் என அவர் வலியுறுத்தினர்.
ட்விட்டரில் டிரெண்டான ஹேஷ்டேக்குகள்
இதுகுறித்த தங்களின் கோரிக்கைகளை என்ற ஹேஷ்டேக்கை #POSTPONENEETPG_MODIJI ட்விட்டரில் டிரெண்ட் செய்த மாணவர்கள், தேசிய தேர்வு முகமையின் தலைமை இயக்குநருக்கு தங்கள் கோரிக்கைகள் சென்றடையும் வகையில் அவரது ட்விட்டர் கணக்கையும் இந்த பதிவுகளில் டேக் செய்து வருகின்றனர். மாணவர்களின் இந்த கோரிக்கைக்கு அரசு செவிசாய்க்க வேண்டும் என கல்வியாளர்களும் கோரிக்கை விடுத்துள்ளனர்.
என்.பி.இ மறுப்பு
இந்த நிலையில் நீட் பிஜி தேர்வு ஒத்திவைக்கப்பட்டு உள்ளதாக தேசிய தேர்வு வாரியம் அறிவிப்பு வெளியிட்டுள்ளது சமூக வலைதளங்களில் ஒரு சுற்றறிக்கை பரவியது. அதில் மாணவர்களின் கோரிக்கையை ஏற்று ஜூலை 9 ஆம் தேதி தேர்வு ஒத்திவைக்கப்பட்டுள்ளதாக குறிப்பிடப்பட்டு இருந்தது. இதனை மறுத்துள்ள தேசிய தேர்வு வாரியம் திட்டமிட்டபடி முதுகலை நீட் தேர்வு மே 21 ஆம் தேதி நடைபெறும் என அறிவித்துள்ளது.
Click it and Unblock the Notifications
Sign in with Google