மக்களவை தேர்தலில் சீட் தராமல் ஏமாற்றிய பாஜக.. காங்கிரசுக்கு தாவிய எம்.பி. உதித் ராஜ்
டெல்லி: வடமேற்கு டெல்லி தொகுதியில் போட்டியிட மீண்டும் தனக்கு வாய்ப்பு வழங்காததால், பாஜக மீது அதிருப்தியில் இருந்த எம்.பி. உதித் ராஜ் இன்று காங்கிரஸ் கட்சி தலைவர் ராகுல் காந்தி முன்னிலையில் அக்கட்சியில் இணைந்தார்.
தற்போது வடமேற்கு டெல்லி தொகுதியின் எம்பியாக இருப்பவர் உதித் ராஜ். டெல்லியில் மொத்தம் 7 மக்களவைத் தொகுதிகள் உள்ளன. இதில் 6 தொகுதிகளுக்கான பாஜக வேட்பாளர்கள் கடந்த திங்கட்கிழமை மாலை அறிவிக்கப்பட்டனர். ஆனால், வடமேற்குத் தொகுதி வேட்பாளர் மட்டும் அறிவிக்கப்படாமல் இருந்தது,
இதனால் மீண்டும் அத்தொகுதியில் போட்டியிட வாய்ப்பு கேட்டிருந்த உதித் ராஜ் அதிர்ச்சியடைந்தார். இதனையடுத்து அன்று மாலை தனது ட்விட்டர் பக்கத்தில் கருத்து ஒன்றை பதிவிட்டார். அதில் மீண்டும் நான் என் தொகுதியில் இருந்து போட்டியிடுவேன் நம்புகிறேன். பாஜகவில் இருந்து மீண்டும் போட்டியிட வேட்புமனுவை தாக்கல் செய்வேன் என்ற நம்பிக்கை உள்ளது.
பாஜகவில் இருந்து நான் விலக பாஜகவே வழிவகுக்காது என்று நம்புகிறேன் என கூறியிருந்தார். ஆனால் அவரது எதிர்பார்ப்பு வீண் போனது. வடமேற்கு டெல்லி தொகுதியின் பாஜக வேட்பாளராக பிரபல சூஃபி பாடகர் ஹன்ஸ் ராஜ் ஹன்ஸ் நேற்று முறைப்படி அறிவிக்கப்பட்டார்.
இதனால் உதித் ராஜ் ஆத்திரமடைந்தார். பின்னர் அளித்த பேட்டியில், வடமேற்கு டெல்லியில் மீண்டும் போட்டியிட வாய்ப்புப் தருவதாகக் கூறி, நம்பவைத்து பாரதிய ஜனதா தன்னை ஏமாற்றி விட்டதாக சாடினார். பாஜகவின் முக்கியத் தலைவர்கள் ராஜ்நாத் சிங், நிதின் கட்கரி உள்ளிட்ட பலருடன் பேசிய போது கூட, எனக்கு போட்டியிட வாய்ப்பு வழங்கப்படும் என்று அவர்கள் உறுதியாகத் தெரிவித்தனர்.
ஆனால் தலித் மக்களின் குரலாக ஒலிக்கும் தலித் தலைவர் ஒருவர் போட்டியிடுவதை பாஜக விரும்பவில்லை. மாறாக, தங்களது கைப்பொம்மையான தலித் வேட்பாளர் ஒருவரை வேட்பாளராக நிறுத்தவே பாஜக தலைமை விரும்புவது இதன் மூலம் தெளிவாகிவிட்டது என்று சரமாரியாக குற்றம்சாட்டினார்.
இந்நிலையில் இன்று காலை காங்கிரஸ் கட்சியின் தலைவர் ராகுல் காந்தியை சந்தித்து பேசினார் உதித் ராஜ். இச்சந்திப்பின் முடிவில் எம்பி உதித்ராஜ் பாரதிய ஜனதா கட்சியிலிருந்து விலகி காங்கிரஸ் கட்சியில் தன்னை இணைத்து கொண்டார்.
-
மேகதாதுவில் அணை கட்ட தமிழகத்தின் அனுமதி தேவையில்லை.. கர்நாடக முதல்வரானதும் டிகே சிவக்குமார் பேச்சு -
பலே ஆளுங்க அண்ணாமலை.. ‘பயோ’வைப் பாருங்களேன்! பிள்ளையையும் கிள்ளி.. தொட்டிலையும் ஆட்டி.. பரபர பாஜக! -
டெல்லி கொடுத்த ஸ்வீட் பாக்ஸ்.. அப்படியே அமுக்கிய தலைகள்! அடுக்கிய அண்ணாமலை! காங்கிரஸில் கலகம்! -
Annamalai: புதிய கட்சியா.. பாஜகவில் நீடிப்பாரா.. நாளை 12 மணிக்கு முடிவை அறிவிக்கும் அண்ணாமலை? -
அண்ணாமலை தொடங்கும் புதிய கட்சி.. இணையும் பிரபல பிஸ்னஸ் மேன், திமுக மாஜி அமைச்சர்? அவங்களா? -
அமித் ஷாவுக்கே அடங்காத அண்ணாமலை! சைலண்டாய் டெல்லியில் பார்த்த வேலை! ஆர்வக்கோளாறில் ஆதரவாளர்கள்! -
நீங்க போயிட்டு வாங்க அண்ணாமலை.. அமித் ஷா ஓகே சொல்லிட்டாராம்.. தொடங்கிய ஆபரேஷன் துரந்தர்! -
அண்ணாமலை தலைவராக இருந்தால் இந்த வெற்றி கூட வந்திருக்காது.. பாஜக துணை தலைவர் கேபி ராமலிங்கம் விளாசல் -
சித்தராமையாவிற்கு புது பொறுப்பு.. காங்கிரஸில் முக்கிய முடிவுகளை எடுக்கும் செயற்குழுவில் இடம் -
அண்ணாமலை விலகுகிறாரா இல்லையா.. நாளை உடையும் மர்மம்.. டெல்லியில் நாளுக்கு நாள் உச்சம்பெறும் டிராமா! -
பாஜக பருப்பு இனி வேகாது.. 6 வருஷத்துக்கு பின் அண்ணாமலைக்குத் தெரிந்த உண்மை! உடைத்த ஜோதிமணி எம்பி! -
முடிவுக்கு வந்த சித்தராமையா யுகம்! கர்நாடகாவின் புதிய முதலமைச்சராக பதவியேற்றார் டிகே சிவக்குமார்
Click it and Unblock the Notifications
Sign in with Google