பிரதமர் மோடி பிறந்த நாள் .. இன்னைக்காவது லீவு விடலாம்ல..வெளுத்த காங்.- என்ன 'வாழ்த்து' தெரியுமா?

டெல்லி: பிரதமர் நரேந்திர மோடியின் 73-வது பிறந்த நாளை முன்னிட்டு மத்திய அமைச்சர்கள், பாஜக தலைவர்கள் வாழ்த்து தெரிவித்து வருகின்றனர். ஆனால் காங்கிரஸ் கட்சி தலைவர்களோ இன்றும் பிரதமர் மோடியை காட்டமாக விமர்சித்துள்ளனர்.

பிரதமர் மோடிக்கு ஜனாதிபதி திரவுபதி தொடங்கி தமிழ்நாடு முதல்வர் மு.க.ஸ்டாலின் வரை மாநில முதல்வர்கள் பலரும் வாழ்த்து தெரிவித்துள்ளனர். பிரதமர் மோடியின் பிறந்த நாளில் நாடு முழுவதும் இருசக்கர வாகனப் பேரணியை பாஜக நடத்துகிறது. இந்த பேரணி மூலம் மத்திய அரசின் திட்டங்களை மக்களிடம் பிரசாரம் செய்ய இருக்கிறது பாஜக.

மத்திய அமைச்சர்கள் அமித்ஷா,ராஜ்நாத்சிங் உள்ளிட்டோரும் வாழ்த்து தெரிவித்துள்ளனர். மத்திய இணை அமைச்சர் எல். முருகன் தமது ட்விட்டர் பக்கத்தில், மக்கள் நலன் விரும்பும் மாபெரும் தலைவர், சர்வதேசம் போற்றும் சமூக நீதி காவலர், புதிய இந்தியாவின் சிற்பி, பாரத அன்னையின் தவப்புதல்வன் "பார் போற்றும் உன்னத தலைவர்" பாரத பிரதமர் நரேந்திர மோடி ஜி அவர்களுக்கு தமிழக மக்கள் சார்பாக பணிவு மிகுந்த பிந்தநாள் வாழ்த்துக்களை அன்புடன் தெரிவித்துக் கொள்கிறேன். எல்லோருக்கும் சம வாய்ப்பு நாட்டின் வளர்ச்சியையே தன் இதய துடிப்பாக கொண்டிருக்கும் உன்னதத் தலைவர்..! ஒரு நாட்டின் பிரதமர் தன் நாட்டுக்கு மட்டும் பிரதமராக இல்லாமல் உலக தலைவர்கள் போற்றும் அகிம்சை வழி தலைவராக பாரதத்தாய் கண்ட வலிமை மிக்க பிரதமர் நீண்ட ஆயுளுடனும், பூரண நலத்துடனும் வாழ்ந்து, பாரத தேசத்தை வழிநடத்திச் செல்ல எல்லாம் வல்ல இறைவனை பிராத்திக்கின்றேன் என குறிப்பிட்டுள்ளார்.

பிரதமர் மோடிக்கு எதிர்க்கட்சித் தலைவர்கள் பலரும் வாழ்த்து தெரிவித்துள்ளனர். இவர்களில் மூத்த காங்கிரஸ் தலைவர் பிரமோத் திவாரி எம்.பி கருத்து தெரிவிக்கையில், இந்த முறை பிரதமராக தமது பிறந்த நாளை கொண்டாடுகிறார் மோடி. அடுத்த முறை முன்னாள் பிரதமராக தமது பிறந்த நாளை கொண்டாடுவார் மோடி என விமர்சித்துள்ளார்.

காங்கிரஸ் கட்சியில் இருந்து விலகிய ராஜ்யசபா எம்பியான கபில் சிபலோ, பிரதமர் மோடி அவர்களே! இன்று முதல் நீங்க சனாதனியாகிடுங்க என சாடியிருக்கிறார்.

இன்றைக்கு ஒரு நாள் லீவு விட்டு அட்டாக் பண்ணலாமே!

English summary

Congress Rajya Sabha MP Pramod Tiwari said that " He may celebrate this birthday as the Prime Minister, I wish him health and happiness...But next birthday, he will celebrate as former Prime Minister".