அயோத்தி ராமர் கோவில் திறப்பு விழா.. எத்தனை மாநிலங்கள் ஜன. 22-ல் விடுமுறை அறிவித்துள்ளன தெரியுமா?

டெல்லி: அயோத்தி ராமர் கோவில் திறப்பு விழா நடைபெறும் ஜனவரி 22-ந் தேதி மத்திய அரசு அரை நாள் விடுமுறையை அறிவித்துள்ளது. அதேபோல திரிபுரா முதல் ஒடிஷா வரை பல மாநிலங்களும் ஜனவரி 22-ந் தேதியை விடுமுறை நாளாக அறிவித்துள்ளன.

அயோத்தியில் ராமர் கோவில் வரும் 22-ந் தேதி திறக்கப்படுகிறது. ராமர் கோவில் திறப்பு விழா நாடு முழுவதும் பெரும் உற்சாகமான திருவிழாவாக கொண்டாடப்பட்டு வருகிறது. அயோத்தியில் ஒவ்வொரு நாளும் பல்வேறு ஆன்மீக நிகழ்வுகள் நடத்தப்பட்டு வருகின்றன.

இதனிடையே அயோத்தி ராமர் கோவில் திறப்பு விழாவை முன்னிட்டு ஜனவரி 22-ந் தேதியன்று மத்திய அரசு அரை நாள் விடுமுறை அறிவித்துள்ளது. அன்றைய தினம் மத்திய அரசின் அனைத்து நிறுவனங்களும் பிற்பகல் 2.30 மணி வரை மட்டும் இயங்கும் என அறிவிக்கப்பட்டுள்ளது.

இதேபோல மாநில அரசுகளும் ஜனவரி 22-ந் தேதி விடுமுறை அறிவித்துள்ளன.

திரிபுரா: திரிபுரா மாநிலத்தில் அனைத்து அரசு அலுவலகங்கள், கல்வி நிறுவனங்களும் ஜனவரி 22-ந் தேதி பிற்பகல் 2.30 மணிவரை மட்டும் இயங்கும். அதாவது அரை நாள் விடுமுறை அறிவிக்கப்பட்டுள்ளது.

சத்தீஸ்கர்: சத்தீஸ்கர் மாநிலத்திலும் ஜனவரி 22-ல் அரை நாள் விடுமுறை அறிவிக்கப்பட்டுள்ளது. அனைத்து அரசு அலுவலகங்களும் பகல் 2.30 மணி வரை மட்டும் இயங்கும்.

உ.பி: உத்தரப்பிரதேசத்தில் ஜனவரி 22-ந் தேதி விடுமுறை அறிவிக்கப்பட்டுள்ளது. கல்வி நிறுவனங்கள், மதுபான கடைகள் அனைத்தும் அன்றைய தினம் மூடப்படும்.

ம.பி: மத்திய பிரதேச மாநிலத்திலும் பள்ளிகள் அனைத்துக்கும் விடுமுறை அறிவிக்கப்பட்டுள்ளது. அனைத்து வர்த்தக நிறுவனங்கள், மதுபான கடைகளும் அன்றைய தினம் மூடப்படும்.

கோவா: கோவா மாநிலத்தில் ஜனவரி 22-ந் தேதி முழுநாள் விடுமுறை அறிவிக்கப்பட்டுள்ளது. அரசு ஊழியர்கள், கல்வி நிறுவனங்கள் உள்ளிட்டவை அன்றைய தினம் மூடப்பட்டிருக்கும்

ஹரியானா: ஹரியானாவிலும் கல்வி நிறுவனங்கள், மதுபான கடைகள் உள்ளிட்டவை எதுவும் ஜனவரி 22-ந் தேதி இயங்காது என அறிவிக்கப்பட்டிருக்கிறது.

ஒடிஷா: பாஜக அல்லாத பிஜூ ஜனதா தளம் ஆளும் ஒடிஷா மாநில அரசும் ஜனவரி 22-ந் தேதி விடுமுறை அறிவித்துள்ளது. அதே நேரத்தில் மாஜிஸ்திரே, வருவாய் நீதிமன்றங்கள் அரை நாள் மட்டும் இயங்கும்.

அஸ்ஸாம், ஹரியானா: அஸ்ஸாம் மாநில அரசும் அரை நாள் விடுமுறை அறிவித்துள்ளது. அனைது அரசு அலுவலகங்கள், கல்வி நிறுவனங்கள் ஜனவரி 22-ந் தேதியன்று பகல் 2.30 மணி வரை மட்டுமே இயங்கும். பாஜக ஆளும் ராஜஸ்தான் மாநில அரசும் அரை நாள் விடுமுறை அறிவித்துள்ளது.

English summary

Here the details of which states declared holiday on January 22 ahead of Ram Mandir Inauguration.