"தலைவா".. சூப்பர் ஸ்டாரை புகழ்ந்த கிரிக்கெட் சூப்பர் ஸ்டார் சச்சின்.. வைரல் ட்விட்

Updated: Tuesday, October 26, 2021, 20:31 [IST]

Subscribe to Oneindia Tamil

டெல்லி: நடிகர் ரஜினிகாந்துக்கு தாதா சாகேப் பால்கே விருது வழங்கப்பட்டதற்கு முன்னாள் கிரிக்கெட் வீரர் சச்சின் டெண்டுல்கர் வாழ்த்து தெரிவித்துள்ளார்.

இந்திய சினிமா உலகில் மத்திய அரசால் வழங்கப்படும் மிக உயரிய விருதுதான் தாதா சாகேப் பால்கே விருது. திரை உலகில் நீண்ட காலம் சாதித்த கலைஞர்களுக்கு இந்த விருது வழங்கப்படும். திரைத்துறையின் தந்தை என்று போற்றப்படும் தயாரிப்பாளர் தாதா சாகேப் பால்கே பெயரில் இந்த வாழ்நாள் சாதனையாளர் விருது வழங்கப்படுகிறது.

தமிழ் சினிமா உலகில் கே.பாலசந்தர், சிவாஜி கணேசன் ஆகிய கலைஞர்கள் இந்த உயரிய விருதை பெற்றுள்ளனர்.

யார் பெற்றுள்ளனர்

இந்திய அளவில் இந்த உயரிய விருதை அமிதாப் பச்சன் , லதா மங்கேஷ்கர், சத்யஜித் ரே போன்றவர்களும் பெற்று இருக்கிறார்கள். கடந்த 2019ம் வருடம் நடிகர் ரஜினிகாந்திற்கு இந்த விருது அறிவிக்கப்பட்டது. இதையடுத்து நேற்று டெல்லியில் ரஜினிகாந்திற்கு தாதா சாகேப் பால்கே வழங்கப்பட்டது. அதேபோல் நடிகர்கள் தனுஷ், விஜய் சேதுபதி, இயக்குனர் வெற்றிமாறன் ஆகியோருக்கு பல்வேறு பிரிவுகளில் தேசிய விருதுகள் வழங்கப்பட்டது.

சச்சின்

இந்த நிலையில் தாதா சாகேப் பால்கே விருது பெற்ற நடிகர் ரஜினிகாந்திற்கு பல பிரபலங்கள் வாழ்த்து தெரிவித்து வருகிறார்கள். ரஜினிகாந்திற்கு முன்னாள் கிரிக்கெட் வீரர் சச்சின் டெண்டுல்கரும் வாழ்த்து தெரிவித்துள்ளார். சச்சின் டெண்டுல்கர் செய்துள்ள ட்வீ ட்டில், வெகு சில நடிகர்கள் மட்டுமே தங்கள் படம் வெளியாகும் போதெல்லாம் பெரிய அதிர்வலைகளை ஏற்படுத்தி இருக்கிறார்கள். அதில் தலைவர் ரஜினிகாந்தும் ஒருவர்.

தலைவா

தலைவர் ரஜினிகாந்த் ஒவ்வொரு முறையும் திரையில் அதிர்வலையை ஏற்படுத்தி உள்ளார். அதோடு தொடர்ந்து தனது படைப்புகளால் பார்வையாளர்களை கவர்ந்து வருகிறார். தாதா சாகேப் பால்கே விருது பெற்றதற்கு நடிகர் ரஜினிகாந்துக்கு வாழ்த்துக்கள், என்று சச்சின் டெண்டுல்கர் குறிப்பிட்டுள்ளார். ரஜினிகாந்தை "தலைவா" என்று அழைத்து சச்சின் டெண்டுல்கர் ட்வீ ட் செய்துள்ளார்.

சச்சின்

ரஜினியை பல இடங்களில் பிடிக்கும் என்று சச்சின் நேரடியாக குறிப்பிட்டு இருக்கிறார். இந்த நிலையில்தான் சச்சினின் இந்த ட்வீ ட்டை ரசிகர்கள் பலர் ஷேர் செய்து வருகிறார்கள். அதோடு கமெண்ட் பாக்சில் சச்சின் ரஜினி இருவரும் சேர்ந்து எடுத்துக்கொண்ட புகைப்படங்களை பதிவிட்டு வருகிறார்கள்.