இந்தியாவுக்கு பதிலடியாக ஆர்.எஸ்.எஸ். இயக்கத்துக்கு கனடா தடையா? உண்மை என்ன?

Updated: Thursday, September 21, 2023, 19:36 [IST]

Subscribe to Oneindia Tamil

டெல்லி: இந்தியாவுக்கு பதில் தரும் வகையில் மத்தியில் ஆளும் பாஜகவின் தாய் அமைப்பான ஆர்.எஸ்.எஸ். இயக்கத்துக்கு கனடா தடை விதித்துவிட்டதாக சமூக ஊடகங்களில் தீயாக பரவும் தகவல் வதந்தி என உறுதியாகி உள்ளது.

இந்தியா- கனடா இடையேயான உறவில் பெரும் சிக்கல் உருவாகி உள்ளது. கனடாவில் சீக்கிய பயங்கரவாதி நிஜ்ஜார் மர்மமான முறையில் சுட்டுக் கொல்லப்பட்டார். காலிஸ்தான் புலிப் படை என்ற பெயரில் இந்தியாவில் சீக்கியர்களுக்கான தனி நாடு -காலிஸ்தான் கோரிக்கையை முன்வைத்து இந்த அமைப்பை நிஜ்ஜார் நடத்தி வந்தார்.

Sikh Terrorists Row: Canada Muslim Council Urges to ban RSS

நிஜ்ஜார் விவகாரம்: 1990களில் இந்தியாவில் சிறையில் அடைக்கப்பட்டிருந்த நிஜ்ஜார் ஜாமீனில் விடுதலையாகி கனடாவுக்கு தப்பி ஓடினார். அங்கிருந்து பயங்கரவாத செயல்களில் ஈடுபட்ட நிலையில் நிஜ்ஜார் கொல்லப்பட்டார். ஆனால் நிஜ்ஜார் கொலையில் இந்தியாவுக்கு பங்கு இருக்கிறது என கனடா பகிரங்கமாக குற்றம் சாட்டியது. அத்துடன் கனடாவுக்கான இந்திய தூத்ர அதிகாரியையும் அந்நாட்டில் இருந்து வெளியேற உத்தரவிட்டது. இதற்கு நமது மத்திய அரசும், இந்தியாவில் இருந்து கனடா தூதரக மூத்த அதிகாரியை வெளியேற உத்தரவிட்டது.

இந்தியர்களுக்கு எச்சரிக்கை: இதனைத் தொடர்ந்து கனடாவில் வசிக்கும் இந்துக்கள் அனைவரையும் வெளியேற உத்தரவிட்டு சீக்கிய பயங்கரவாத அமைப்பு எச்சரிக்கை விடுத்திருந்தது. மேலும் கனடாவில் உள்ள இந்தியர்கள் பாதுகாப்பாக இருக்க வேண்டும் என மத்திய அரசும் அறிவுறுத்தல் விடுத்திருந்தது.

கனடாவில் ஆர்.எஸ்.எஸ். தடை?: இந்நிலையில் மத்தியில் ஆளும் பாஜகவின் தாய் அமைப்பான ஆர்.எஸ்.எஸ். இயக்கத்தை கனடா அரசு அதிகாரப்பூர்வமாக தடை செய்துவிட்டதாக சமூக வலைதளங்களில் காட்டுத் தீ போல தகவல்கள் பரவி வருகின்றன. ஆனால் இதுவரை கனடா அரசு அதிகாரப்பூர்வமாக ஆர்.எஸ்.எஸ்.இயக்கத்துக்கு தடை விதித்ததாக அறிவிக்கவில்லை.

ஆர்.எஸ்.எஸ். தடையா? உண்மை என்ன?: அதே நேரத்தில் கனடாவை சேர்ந்த முஸ்லிம் கவுன்சில் ஒன்றுதான், பாஜகவின் தாய் அமைப்பான ஆர்.எஸ்.எஸ். இயக்கத்தை அந்நாட்டில் தடை செய்ய வேண்டும் என வலியுறுத்தி உள்ளது. மேலும் கனடாவில் ஆர்.எஸ்.எஸ். இயக்கம் எப்படியான இந்துத்துவா செயல்படுகளில் ஈடுபடுகிறது என்பதையும் அந்த கவுன்சில் பட்டியல் போட்டு விவரித்துள்ளது. இதனடிப்படையிலேயே கனடாவில் ஆர்.எஸ்.எஸ். இயக்கம் தடை செய்யப்பட்டுவிட்டது என்கிற வதந்தி காட்டுத் தீயாக பரவிக் கொண்டிருக்கிறது.