கொரோனா பிரச்சினைகளுக்கு இடையே.. ஜிப்ரிஷ் சவாலில் ஜெயித்த ஸ்மிருதி..!

மத்திய அமைச்சர் ஸ்மிருதி இரானியின் ஜிப்ரிஷ் சவால் வீடியோ வைரலாகியுள்ளது.

டெல்லி: மத்திய அமைச்சர் ஸ்மிருதி இரானி இன்ஸ்டாகிராமில் ஜிப்ரிஷ் சவால் விளையாடிய வீடியோ வைரலாகியுள்ளது.

மத்திய அமைச்சர்களில் மிகவும் கூலாக இருப்பவர் ஸ்மிருதி இரானி. அவர் சமூகவலைதளங்களில் எப்போதும் ஆக்டிவாக இருப்பவரும்கூட. குறிப்பாக இன்ஸ்டாகிராமில், அவருக்கு பாலோயர்கள் அதிகம்.

தனது பழைய புகைப்படங்கள், குடும்ப புகைப்படங்கள், வீடியோக்கள் உள்ளிட்டவைகளை அவர் தொடர்ந்து பகிர்ந்து வருகிறார். இதற்காகவே சமூகவலைதளங்களில் அவருக்கு மிகப்பெரிய ரசிகர் வட்டம் இருக்கிறது.

இந்நிலையில் அமைச்சர் ஸ்மிருதி தற்போது ஜிப்ரிஷ் சவால் விளையாடிய வீடியோ ஒன்றை இன்ஸ்டாகிராமில் வெளியிட்டுள்ளார். அதில் அவர், தனக்கு கொடுக்கப்பட்ட ஒரு புதிருக்கு சரியாக விடையளிக்கிறார். மற்றொரு புதிருக்கு அவரால் சரியான விடை கூற முடியவில்லை.

இந்த வீடியோ சமூகவலைதளங்களில் வைரலாக பரவி வருகிறது. கொரோனா பாதிப்பால் நாடே திணறி வரும் வேளையில், மன அழுத்தத்தில் சிக்காமல் இருக்க ஸ்மிருதி இப்படியாக பொழுதைக் கழித்து வருகிறார் போலும்.

ஜிப்ரிஷ் சவால் என்பது என்னவென்றால், முழுமையான அர்த்தம் பெறாத வாக்கியம் ஒன்று கொடுக்கப்படும். அதை பத்து நொடிகளில் யூகித்து சரியான பதில் அளிக்க வேண்டும். நடிகர், நடிகையர் உள்பட பலரும் இந்த விளையாட்டை தான் தற்போது விளையாடி வருகின்றனர் என்பது குறிப்பிடத்தக்கது.

English summary

The union minister Smriti Irani's gibberish challenge video on insta goes viral in social media.