இலங்கை நாடாளுமன்ற தேர்தல் முடிவுகள் LIVE: தேசிய மக்கள் சக்தி 141; ஐமச 35; தமிழரசு கட்சி 7-ல் வெற்றி

Updated: Friday, November 15, 2024, 12:16 [IST]

Subscribe to Oneindia Tamil

டெல்லி: இலங்கை நாடாளுமன்ற தேர்தலில் ஜனாதிபதி அனுர குமார திசநாயக்கவின் தேசிய மக்கள் சக்தி கூட்டணி பெரும்பான்மைக்கு தேவையான 113 இடங்களுக்கும் அதிகமாக 141 இடங்களில் வென்றுள்ளது. ஐக்கிய மக்கள் சக்தி அணி 35 இடங்களிலும் இலங்கை தமிழரசுக் கட்சி 7 இடங்களிலும் வென்றுள்ளது.

இலங்கை நாடாளுமன்ற தேர்தல் தொடர்பான லைவ் அப்டேட்டுகளை இந்தப் பக்கத்தில் காணலாம்

srilanka parliament election 2024 srilanka

Nov 15, 2024, 12:23 pm IST

இலங்கை நாடாளுமன்ற தேர்தல் முடிவுகள் (196)

தேசிய மக்கள் சக்தி 141 (6,863,186 வாக்குகள்) ஐக்கிய மக்கள் சக்தி 35 (1,968,716 வாக்குகள்) இலங்கை தமிழரசு கட்சி 7 (257,813 வாக்குகள்) புதிய ஜனநாயக முன்னணி 3 (500,835 வாக்குகள்) ஶ்ரீலங்கா பொதுஜன பெரமுன 2 (350,429 வாக்குகள்) ஶ்ரீலங்கா முஸ்லிம் காங்கிரஸ் 2 (87,038 வாக்குகள்) ஐக்கிய தேசியக் கட்சி 1 (66,234 வாக்குகள்) ஜனநாயக தமிழ் தேசியக் கூட்டணி 1 (65,382 வாக்குகள்) அகில இலங்கை தமிழ் காங்கிரஸ் 1 (39,894வாக்குகள்) அகில இலங்கை மக்கள் காங்கிரஸ் 1 (33,911வாக்குகள்) சுயேட்சை குழு (17) 1 (27,855வாக்குகள்) இலங்கை தொழிலாளர் கட்சி 1 (17,710வாக்குகள்)

Nov 15, 2024, 12:00 pm IST

141-ல் தேசிய மக்கள் சக்தி வெற்றி

இலங்கை நாடாளுமன்றத் தேர்தலில் 196 இடங்களுக்கான முடிவுகள் அறிவிக்கப்பட்டுள்ளன. இதில் 141 இடங்களை தேசிய மக்கள் சக்தி அணியும் ஐக்கிய மக்கள் சக்தி அணி 35 இடங்களையும் இலங்கை தமிழரசுக் கட்சி 7 இடங்களையும் கைப்பற்றி உள்ளன

Nov 15, 2024, 10:53 am IST

பெரும்பான்மை பெற்றது தேசிய மக்கள் சக்தி

இலங்கை நாடாளுமன்ற தேர்தலில் தேசிய மக்கள் சக்தி 123 இடங்களில் வென்று பெரும்பான்மை பலம் பெற்றுள்ளது. இலங்கை நாடாளுமன்றத்தில் பெரும்பான்மைக்கு தேவை 113 இடங்கள்.

Nov 15, 2024, 10:46 am IST

கல்முனை கோட்டையை இழந்த முஸ்லிம் காங்கிரஸ்

ஶ்ரீலங்கா முஸ்லிம் காங்கிரஸின் கோட்டையாக திகழ்ந்தது கல்முனை. ஆனால் இந்த முறை கல்முனை தேர்தல் தொகுதியில் தேசிய மக்கள் சக்தி 18,165 வாக்குகளைப் பெற்று வென்றுள்ளது. 2-வது இடம் பெற்ற முஸ்லிம் காங்கிரஸ் கட்சிக்கு 9,650 வாக்குகள்தான் கிடைத்தன

Nov 15, 2024, 10:41 am IST

மாஜி கேப்டன் தில்ஷான் தோல்வி

இலங்கை கிரிக்கெட் அணியின் முன்னாள் கேப்டன் டி.எம்.தில்ஷான், களுத்துறையில் தோல்வி அடைந்தார்.

Nov 15, 2024, 10:40 am IST

தோல்வி அடைந்த மாஜி அமைச்சர்கள்

மஹிந்த அமரவீர, ரமேஷ் பத்திரன, மனுஷ நாணயக்கார, காஞ்சன விஜேசேகர , ரொஷான் ரணசிங்க, எஸ்.எம்.சந்திரசேன, துமிந்த திஸாநாயக்க, பவித்ரா வன்னியாராச்சி, ரஞ்சித் சியம்பலாபிட்டிய, பிரேமித பண்டார தென்னகோன், ரோஹன திஸாநாயக்க

Nov 15, 2024, 10:32 am IST

டக்ளஸ் தேவானந்தா தோல்வி

இலங்கை நாடாளுமன்றத் தேர்தலில் தோல்வி அடைந்த தமிழ் கட்சிகளின் தலைவர்கள்: டக்ளஸ் தேவானந்தா, பிள்ளையான், மனோ கணேசன், செல்வராசா கஜேந்திரன்

Nov 15, 2024, 10:29 am IST

அம்பாறையில் அனுர கட்சி

திகாமடுல்ல மாவட்டம் அம்பாறை தொகுதியில் தேசிய மக்கள் கட்சி வென்றுள்ளது.

Nov 15, 2024, 10:26 am IST

கல்குடாவில் தமிழரசு கட்சி வெற்றி

மட்டக்களப்பு மாவட்டம் கல்குடாவில் தமிழரசு கட்சி வெற்றி பெற்றுள்ளது. தேசிய மக்கள் சக்தி கூட்டணிக்கு 4-வது இடம்தான் கிடைத்தது.

Nov 15, 2024, 9:26 am IST

97 இடங்களுடன் தேசிய மக்கள் சக்தி முன்னிலை

தேசிய மக்கள் சக்தி 4,473,384 வாக்குகள் 97 இடங்கள்; ஐக்கிய மக்கள் சக்தி 1,409,193 வாக்குகள் 26 இடங்கள்; தமிழரசுக் கட்சி 127,206 வாக்குகள் 3 இடங்கள்; புதிய ஜனநாயக முன்னணி 317,311 வாக்குகள் 2 இடங்கள்; ராஜபக்சேவின் ஶ்ரீலங்கா பொதுஜன பெரமுன 243,354 வாக்குகள் 2 இடங்கள்; ரணிலின் ஐக்கிய தேசிய கட்சி 66,234 வாக்குகள்; ஒரு இடம்

Nov 15, 2024, 9:00 am IST

88 இடங்களுடன் தேசிய மக்கள் சக்தி முன்னிலை

இலங்கை நாடாளுமன்ற தேர்தலில் இதுவரையிலான முடிவுகள்: தேசிய மக்கள் சக்தி 88; ஐக்கிய மக்கள் சக்தி 24; புதிய ஜனநாயகக் கட்சி 2; ஶ்ரீலங்கா பொதுஜன பெரமுனா 2; இலங்கை தமிழரசுக் கட்சி 2; ஐக்கிய தேசியக் கட்சி-1 ஜனநாயக தமிழ் தேசிய கூட்டணி 1, இலங்கை தொழிலாளர் கட்சி-1 இடங்களைப் பெற்றுள்ளன

Nov 15, 2024, 8:57 am IST

வன்னியில் 5 கட்சிகளின் எம்பிக்கள்

வன்னியில் தேசிய மக்கள் சக்தி, ஐக்கிய மக்கள் சக்தி, இலங்கை தமிழரசுக் கட்சி, ஜனநாயக தமிழ்த் தேசியகூட்டணி, இலங்கை தொழிலாளர் கட்சி ஆகியவற்றுக்கு எம்பி பதவி இடங்கள் கிடைத்துள்ளன

Nov 15, 2024, 8:55 am IST

மன்னாரையும் பறிகொடுத்த தமிழர் கட்சிகள்

மன்னாரில் சஜித் பிரேமதாசவின் ஐக்கிய மக்கள் சக்தி கூட்டணி வெற்றி பெற்றுள்ளது

Nov 15, 2024, 7:47 am IST

சாவகச்சேரியையும் பறிகொடுத்த தமிழர் கட்சிகள்

யாழ்ப்பாணம் சாவகச்சேரி தேர்தல் தொகுதியிலும் ஈழத் தமிழர் கட்சிகள் தோல்வியைத் தழுவிவிட்டன.

Nov 15, 2024, 7:46 am IST

கல்முனையை இழந்த ஹக்கீம்

கல்முனையில் ஶ்ரீலங்கா முஸ்லிம் காங்கிரஸ் தலைவர் ஹக்கீம் தோல்வியைத் தழுவினார்

Nov 15, 2024, 7:45 am IST

பதுளையை பறிகொடுத்த தமிழர்கள்

மலையகத் தமிழர்கள் பதுளை மாவட்டத்தில் தொடர்ந்து வென்று வந்த நிலையில் இந்த முறை தோல்வியைத் தழுவிவிட்டனர்.

Nov 15, 2024, 7:39 am IST

தோற்றுப்போன மாஜி அமைச்சர்கள்

இலங்கை நாடாளுமன்ற தேர்த்அலில் ஷசீந்திர ராஜபக்சே, காஞ்சனா விஜேசேகர, மகிந்த அமரவீர, மனுஷ நாணயக்கார, ரமேஷ் பத்திரன, வடிவேல் சுரேஷ், அரவிந்த்குமார், பிரமித்த பண்டார தென்னக்கோன், ரோஹன திசாநாயக்க உள்ளிட்ட மாஜி அமைச்சர்கள் தோல்வியடைந்தனர்.

Nov 15, 2024, 7:27 am IST

யாழ்ப்பாணம் கோப்பாய் தேர்தல் தொகுதி முடிவுகள்

யாழ்ப்பாணம் கோப்பாய் தேர்தல் தொகுதியில் தேசிய மக்கள் சக்தி 9,570; இலங்கை தமிழரசு கட்சி 4,047; ஜனநாயக தமிழ் தேசிய கூட்டணி 3,025; சுயேட்சைக் குழு (17) 2,743, அகில இலங்கை தமிழ் காங்கிரஸ் 2,679 வாக்குகள் பெற்றுள்ளன.

Nov 15, 2024, 7:25 am IST

மலையகத் தமிழரின் நுவரெலியா மாவட்டம்

மலையகத் தமிழர்களின் நுவரெலியா மாவட்டத்தில் தேசிய மக்கள் சக்தி 5, ஐக்கிய மக்கள் சக்தி 2, ஐக்கிய தேசிய கட்சி 1 இடம் பெற்றுள்ளன.

Nov 15, 2024, 7:08 am IST

யாழ்ப்பாணம் கோப்பாய் தொகுதி முடிவுகள்

யாழ்ப்பாணம் கோபாய் தேர்தல் தொகுதியிலும் தேசிய மக்கள் சக்தியே வெற்றி பெற்றுள்ளது.

Nov 15, 2024, 7:06 am IST

மாத்தளை மாவட்ட முடிவுகள்

மாத்தளை மாவட்டத்தில் தேசிய மக்கள் சக்தி- 4 ; ஐக்கிய மக்கள் சக்தி 1 இடத்தைக் கைப்பற்றியது.

Nov 15, 2024, 7:01 am IST

வாக்கு சதவீதம் விவரம்:

வாக்கு சதவீதம் விவரம்: தேசிய மக்கள் சக்தி 71.44% ஐக்கிய மக்கள் சக்தி 18.29% புதிய ஜனநாயக முன்னணி 4.09% ஶ்ரீலங்கா பொதுஜன பெரமுன 2.98%

Nov 15, 2024, 6:42 am IST

35 இடங்களில் ஜனாதிபதி கூட்டணி வெற்றி

இதுவரை முடிவுகள் அறிவிக்கப்பட்ட 47 இடங்களில் 35 இடங்களை ஜனாதிபதி அனுர குமார திசநாயக்கவின் தேசிய மக்கள் சக்தி அணி கைப்பற்றியுள்ளது

Nov 15, 2024, 6:28 am IST

யாழ். உடுப்பிட்டியிலும் ஜேவிபி அணி வெற்றி

யாழ்ப்பாணம் மாவட்டம் உடுப்பிட்டி தேர்தல் தொகுதியிலும் ஜேவிபி இடம் பெற்றுள்ள தேசிய மக்கள் சக்தி அணியே வெற்றி பெற்றுள்ளது. இங்கும் தமிழர் கட்சிகள் தோல்வியைத் தழுவி உள்ளன

Nov 15, 2024, 6:24 am IST

திருகோணமலையில் தமிழரசு கட்சிக்கு 1 எம்பி

திருகோணமலை மவட்டத்தில் 4 இடங்களில் ஜனாதிபதி அனுர குமார திசநாயக்கவின் தேசிய மக்கள் சக்தி 2, சஜித் பிரேமதாசவின் ஐக்கிய மக்கள் சக்தி 1, இலங்கை தமிழரசு கட்சி 1 இடத்தைப் பெற்றுள்ளன.

Nov 15, 2024, 6:18 am IST

வன்னி மாவட்டம் வவுனியா தேர்தல் தொகுதி

வன்னி மாவட்டம் வவுனியாவில் தேசிய மக்கள் சக்தி 19,786; ஐக்கிய மக்கள் சக்தி 10,736; இலங்கை தொழிலாளர் கட்சி8,354; ஜனநாயக தேசிய கூட்டணி 6,556; ஜனநாயக தமிழ் தேசிய கூட்டணி 5,886 வாக்குகள் பெற்றுள்ளன

Nov 15, 2024, 5:48 am IST

வட்டுக்கோட்டையிலும் தமிழர் கட்சிகள் தோல்வி

தனித் தமிழீழமே தீர்வு என ஈழத் தமிழரின் தந்தை செல்வா தீர்மானம் நிறைவேற்றிய யாழ்ப்பாணம் மாவட்டம் வட்டுக்கோட்டை தேர்தல் தொகுதியிலும் ஈழத் தமிழர் கட்சிகள், சிங்கள ஜேவிபியின் தேசிய மக்கள் சக்தியிடம் தோல்வியைத் தழுவி இருக்கின்றன.

Nov 15, 2024, 5:43 am IST

33 இடங்களில் தேசிய மக்கள் சக்தி முன்னிலை

இலங்கை நாடாளுமன்ற தேர்தல் வாக்கு எண்ணிக்கையில் இறுதி முடிவுகள் அறிவிக்கப்பட்ட 43 இடங்களில் 33 இடங்களை ஜனாதிபதி அனுர குமர திசநாயக்கவின் ஜேவிபியை உள்ளடக்கிய தேசிய மக்கள் சக்தி கைப்பற்றியுள்ளது. சஜித் பிரேமதாசவின் ஐக்கிய மக்கள் சக்தி 7 இடங்களில் வென்றுள்ளது.

Nov 15, 2024, 5:40 am IST

மட்டக்களப்பு தபால் வாக்குகளில் தமிழரசு கட்சி முன்னிலை

மட்டக்களப்பு மாவட்ட தபால் வாக்குகளில் இலங்கை தமிழரசு கட்சி 5,236 வாக்குகளையும் தேசிய மக்கள் சக்தி 3,412 வாக்குகளையும் கருணாவின் தமிழ் மக்கள் விடுதலைப் புலிகள் 1,383 வாக்குகளையும் பெற்றன

Nov 15, 2024, 5:38 am IST

முல்லைத்தீவில் தமிழரசு கட்சி வெற்றி

வன்னி மாவட்டம் முல்லைத்தீவு தேர்தல் தொகுதியில் இலங்கை தமிழரசு கட்சி வெற்றி பெற்றுள்ளது. இலங்கை தமிழரசு கட்சி 14,297 வாக்குகளையும் தேசிய மக்கள் சக்தி 7,789 வாக்குகளையும் பெற்றுள்ளன.

1:29 AM, 14 Nov

இலங்கையில் நாடாளுமன்றத் தேர்தல் வாக்குப்பதிவு இன்று நடைபெறுகிறது. மொத்தம் உள்ள 225 உறுப்பினர்களுக்கான இடங்களில் 196 இடங்கள் நேரடியாக மக்கள் மூலம் தேர்வு செய்யப்படுகிறது. மீதமுள்ள 29 இடங்கள், கட்சிகள் பெற்ற வாக்குகளின் சதவீத அடிப்படையில் பிரதிநிதித்துவ முறையில் தேர்வு செய்யப்படும். நாடாளுமன்றத்தில் பெரும்பான்மையைப் பெற குறைந்தது 113 இடங்கள் தேவை.

1:30 AM, 14 Nov

இலங்கை நாடாளுமன்றத் தேர்தல் வித்தியாசமானது. ஒரு வாக்காளர் ஒன்று அல்லது இரண்டு அல்லது மூன்று வேட்பாளர்களை தேர்வு செய்யலாம். அதேபோல, ஒரு கட்சி அல்லது சுயேட்சைக் குழுவை தேர்வு செய்ய வேண்டும். 3 வேட்பாளர்களை தேர்வு செய்துவிட்டு, கட்சியை தேர்வு செய்யாவிட்டால், அந்த வாக்கு செல்லாததாகி விடும். ஆனால், கட்சியை மட்டும் தேர்வு செய்து, வேட்பாளர்கள் யாரையும் தேர்வு செய்யாமல் இருந்தால், அந்த வாக்கு கட்சிக்கான வாக்காக கருதப்படும். ஒரு கட்சியைத் தேர்வுசெய்வதற்குப் பதிலாக 2 - 3 கட்சிகளைத் தேர்வு செய்தாலோ, வேட்பாளர்களைத் தேர்வு செய்யும்போது மூன்று பேருக்கு அதிகமாகவோ தேர்வு செய்தாலோ அந்த வாக்கு செல்லாத வாக்காக கருதப்படும்.

1:31 AM, 14 Nov

முதலில் வாக்காளர் தனக்கு வழங்கப்பட்ட வாக்குச் சீட்டில், விரும்பும் கட்சியின் சின்னத்திற்கு முன்பாக தேர்வு செய்வதற்கான குறியிட வேண்டும். அதன் பின்னர் வாக்குச் சீட்டின் கீழ் பகுதியிலுள்ள இலக்கங்களில், தான் விரும்பும் வேட்பாளர்களுக்கான இலக்கத்தின் மீது விருப்பக் குறி இட வேண்டும். (அதிகபட்சம் 3 பேர்)

6:03 AM, 14 Nov

காலை 7 மணிக்கு வாக்குப் பதிவு

இலங்கை நாடாளுமன்ற தேர்தல் வாக்குப் பதிவு காலை 7 மணிக்கு தொடங்குகிறது

6:03 AM, 14 Nov

225 எம்பிக்கள் தேர்வு

இலங்கை நாடாளுமன்றத்துக்கான 225 எம்.பிக்களைத் தேர்வு செய்ய 8,888 பேர் வேட்பாளர்களாக களம் காண்கின்றனர்.

6:04 AM, 14 Nov

1,71,40,354 வாக்காளர்கள்

இலங்கை நாடாளுமன்றத் தேர்தலில் வாக்களிக்க இருக்கும் வாக்காளர்களின் எண்ணிக்கை – 1,71,40,354

6:07 AM, 14 Nov

22 தேர்தல் மாவட்டங்கள்

இலங்கையில் மொத்தம் 25 நிர்வாக மாவட்டங்கள் இருந்த போதும் 22 தேர்தல் மாவட்டங்கள் என்ற அடிப்படையில் இந்த தேர்தல் நடத்தப்படுகிறது.

6:08 AM, 14 Nov

196+29

இலங்கை நாடாளுமன்றத் தேர்தலில் நேரடியாக 196 பேரும் தேசியப் பட்டியல் என்ற பிரிவின் கீழ் தேர்தலில் அரசியல் கட்சிகள் பெற்ற வாக்குகள் அடிப்படையில் 29 பேரும் என மொத்தம் 225 எம்பிக்கள் தேர்ந்தெடுக்கப்படுவர்.

6:10 AM, 14 Nov

3 பேருக்கு வாக்களிப்பு

இலங்கை நாடாளுமன்ற தேர்தலில் ஒரு வாக்காளர், 3 வேட்பாளர்களுக்கு வாக்களிக்கலாம். வேட்பாளர்கள் மற்றும் ஒரு அரசியல் கட்சிக்கு வாக்காளர்கள் வாக்களிக்கக் கூடிய முறை இலங்கை நாடாளுமன்ற தேர்தல் முறையாகும்.

6:10 AM, 14 Nov

பெரும்பான்மை 113

இலங்கை நாடாளுமன்றத் தேர்தலில் பெரும்பான்மைக்கு தேவை 113 இடங்கள்

6:12 AM, 14 Nov

8,888 பேர் போட்டி

மக்களால் நேரடியாக தேர்ந்தெடுக்கப்பட வேட்பு மனுத் தாக்கல் செய்தவர்கள் எண்ணிக்கை சுயேட்சைகள் உட்பட 8,361; தேசியப் பட்டியல் மூலம் தேர்வாக தாக்கல் செய்யப்பட்ட வேட்பு மனுக்கள் 527 என மொத்தம் 8,888 பேர் போட்டி

6:13 AM, 14 Nov

வாக்குச் சாவடிகள்

இலங்கை நாடாளுமன்றத் தேர்தலில் வாக்களிக்க மொத்தம் 13,421 வாக்குச் சாவடிகள் அமைக்கப்பட்டுள்ளன

6:15 AM, 14 Nov

வாக்கு எண்ணிக்கை

நாடாளுமன்ற தேர்தல் வாக்குப் பதிவு முடிவடைந்த சில மணிநேரங்களில் வாக்கு எண்ணிக்கை தொடங்கும்; 2,034 இடங்களில் வாக்குகள் எண்ணப்படும்; 80,000 பேர் வாக்கு எண்ணும் பணிகளில் ஈடுபடுத்தப்படுகின்றனர்

6:16 AM, 14 Nov

தபால் வாக்குகள்

இலங்கை நாடாளுமன்றத் தேர்தலில் மொத்தம் 7,37,902 தபால் வாக்குகள் பதிவாகி உள்ளன.

6:20 AM, 14 Nov

நவம்பர் 21-ல் புதிய நாடாளுமன்ற கூட்டம்

நவம்பர் 21-ந் தேதி புதிய நாடாளுமன்ற கூட்டம் கூட்டப்படும் என இலங்கை ஜனாதிபதி அனுர குமாரதிசநாயக்க அறிவித்துள்ளார்

6:27 AM, 14 Nov

வாக்கு எண்ணிக்கை எப்போது?

வாக்குப் பதிவு முடிவடைந்த உடனேயே தபால் வாக்குகள் 4.15 மணிக்கும் பிற வாக்குகள் இரவு 7.15 மணிக்கும் எண்ணப்படும் என இலங்கை தேர்தல் ஆணையம் தெரிவித்துள்ளது.

6:32 AM, 14 Nov

களம் காணும் கட்சிகள்

ஜனாதிபதி அனுர குமார திசநாயக்கவின் ஜேவிபியை உள்ளடக்கிய 21 கட்சிகளின் தேசிய மக்கள் சக்தி, சஜித் பிரேமதாச தலைமையிலான ஐக்கிய மக்கள் சக்தி கூட்டணி, புதிய ஜனநாயக முன்னணி, ராஜபக்சேக்களின் ஶ்ரீலங்கா பொதுஜன பெரமுனா, ஶ்ரீலங்கா முஸ்லிம் காங்கிரஸ், இலங்கை தமிழரசுக் கட்சி, தமிழ் தேசியமக்கள் முன்னணி, ஈழ மக்கள் ஜனநாயகக் கட்சி, ஐக்கிய ஜனநாயகக் குரல் உள்ளிட்டவை களம் காணும் கட்சிகள்

6:42 AM, 14 Nov

தமிழர் பகுதிகளில் என்ன நிலவரம்?

யாழ்ப்பாணம் மாவட்டத்தில் 6 எம்பி பதவிகளுக்கு 396 வேட்பாளர்கள் போட்டி; 5,93,187 பேர் வாக்காளர்கள் வன்னி மாவட்டத்தில் 6 எம்பி இடங்களுக்கு 459 வேட்பாளர்கள் போட்டி; 3,06,081 பேர் வாக்காளர்கள் மட்டக்களப்பு மாவட்டத்தில் 5 எம்பி இடங்களுக்கு 392 வேட்பாளர்கள் போட்டி; 4,49,686 பேர் வாக்காளர்கள் திருகோணமலை மாவட்டத்தில் 4 இடங்களுக்கு 217 வேட்பாளர்கள் போட்டி; 3.15,925 பேர் வாக்காளர்கள்

6:51 AM, 14 Nov

விடுமுறை

வாக்களிப்பதற்காக தேவையான விடுமுறையை வழங்க நிறுவனங்களுக்கு தேர்தல் ஆணையம் அறிவுறுத்தல் விடுத்துள்ளது

7:02 AM, 14 Nov

வாக்குப் பதிவு தொடக்கம்

இலங்கை நாடாளுமன்றத் தேர்தலுக்கான வாக்குப் பதிவு இன்று காலை 7 மணிக்கு தொடங்கியது; இந்த வாக்குப் பதிவு மாலை 4 மணி வரை நடைபெறும்

7:11 AM, 14 Nov

இடியுடன் கூடிய மழை எச்சரிக்கை

இலங்கை நாடாளுமன்ற தேர்தல் வாக்குப் பதிவு நடைபெறும் நிலையில் இடியுடன் கூடிய கனமழை பெய்யும் என வானிலை மையம் எச்சரிக்கை விடுத்துள்ளது

7:14 AM, 14 Nov

மாவட்டங்களில் இருந்து தேர்வாகும் 196 எம்பிக்கள்

கொழும்பு- 18, கம்பஹா - 19, களுத்துறை- 11, கண்டி 12, மாத்தளை 5, நுவரெலியா 8, காலி 9, மாத்தறை 7, அம்பாந்தோட்டை 7, யாழ்ப்பாணம் 6, வன்னி 6, மட்டக்களப்பு 5, திகாமடுல்ல 7, திருகோணமலை 4, குருநாகல் 15, புத்தளம் 8, அனுராதபுரம் 9, பொலன்னறுவை 5, பதுளை 9, மொனராகலை 6, இரத்தினபுரி 11, கேகாலை 9 என 196 எம்.பிக்கள் தேர்ந்தெடுக்கப்படுவர்

7:16 AM, 14 Nov

உஷார் நிலையில் பாதுகாப்பு படை

நாடாளுமன்றத் தேர்தல் நடைபெறும் நிலையில் இலங்கை போலீஸ் மற்றும் ராணுவத்தினர் உஷார் நிலையில் நிறுத்தப்பட்டுள்ளனர்

7:33 AM, 14 Nov

பெரும்பான்மை நெருக்கடியில் அனுர

இலங்கை ஜனாதிபதி அனுர குமார திசநாயக்கவின் கூட்டணி, நாடாளுமன்றத்தில் பெரும்பான்மையைப் பெற்றாக வேண்டிய நெருக்கடியில் தேர்தல் இன்று நடைபெறுகிறது

7:43 AM, 14 Nov

என்ன சிக்கல்?

இலங்கையில் ஜனாதிபதிக்கு நிறைவேற்று அதிகாரம் என்பது உண்டு; ஆனால் நாடாளுமன்றத்தில் ஜனாதிபதியின் கட்சிக்கு அல்லது அணிக்கு பெரும்பான்மை இல்லை எனில் மசோதாக்களை நிறைவேற்ற முடியாத நெருக்கடி ஏற்படும்; ஆகையால் ஜனாதிபதி அனுர அணிக்கு பெரும்பான்மை பெற வேண்டிய கட்டாயம் உருவாகி உள்ளது

7:45 AM, 14 Nov

ரணில், ராஜபக்சேக்கள் இல்லாத களம்

இலங்கை தேர்தலில் அந்நாட்ட்ன் அரசியல் முகங்களான ரணில் விக்கிரமசிங்க, மகிந்த ராஜபக்சே போன்றவர்கள் இந்த தேர்தல் களத்தில் களம் காணவில்லை

7:56 AM, 14 Nov

இறுதி முடிவுகள் எப்போது?

இலங்கை நாடாளுமன்றத் தேர்தல் இறுதி முடிவுகள் நாளை முற்பகலுக்குள் முழுமையாக வெளியாகும் என்பது எதிர்பார்ப்பு

8:03 AM, 14 Nov

விடுமுறைகள் ரத்து

புதிய நாடாளுமன்றம் கூடுவதால் இலங்கையில் நவம்பர் 22 வரை அனைத்து நாடாளுமன்ற ஊழியர்களின் விடுமுறைகள் ரத்து செய்யப்பட்டுள்ளன

8:04 AM, 14 Nov

குவிக்கப்பட்ட பாதுகாப்பு படையினர்

நாடாளுமன்ற தேர்தல் பணியில் 63,145 போலீசார் ஈடுபடுத்தப்பட்டுள்ளனர். 3,200 சிறப்பு அதிரடி படையினரும், 11,000 ராணுவ வீரர்களும் பாதுகாப்பு நடவடிக்கைகளில் ஈடுபடுத்தப்பட்டுள்ளனர்

8:08 AM, 14 Nov

இலங்கையின் பொருளாதார நெருக்கடி நிலையை எதிர்கொள்ளக் கூடிய உறுப்பினர்களை தேர்வு செய்து அனுப்ப வேண்டும்; இது இலங்கையின் முதலீடு என நினைத்து மக்கள் வாக்களிக்க வேண்டும்- "பெப்ரல்" ராேஹன ஹெட்டியாரச்சி