டே! மகனுங்களா! நான் உயிரோடு இருக்கேனா இல்லையா? எனக்கே சந்தேகமா இருக்கே..'அதகள' நித்தியானந்தா வீடியோ!

டெல்லி: சாமியார் நித்தியானந்தா தம்மை பற்றி வெளியான தகவல்களை மறுத்து தாம் நலமுடன் இருப்பதாக நேற்று இரவு முதலே சமூக வலைதளங்களில் தொடர்ந்து பதிவிட்டு வருகிறார். சாமியார் நித்தியானந்தா இன்று வெளியிட்ட வீடியோ ஒன்றில், தம்மை பற்றிய சமூக வலைதள கருத்துகளால் தாம் உயிரோடு இருக்கேனா இல்லையா என்பது தமக்கே சந்தேகமாக இருப்பதாக நகைச்சுவையாகவும் குறிப்பிட்டுள்ளார்.

"நான் வீழ்வேன் என நினைத்தாயோ?" என்ற தலைப்பில் வீடியோ ஒன்றை வெளியிட்டுள்ளார் நித்தியானந்தா. அதில், இன்னமும் ஆகக் குறைந்தபட்சம் 150 ஆண்டுகள் உயிரோடு இருப்பேன்; இந்து எதிரிகள், இந்து வெறுப்பாளர்கள் என்னுடைய நேரத்தை வீணடிக்கின்றனர். நான் வன்முறையை விரும்பாதவன்; என் மீது அவதூறு பரப்புபவர்களை தாக்கப் போவதும் இல்லை. "மகனுங்களா.. நான் 126 வயதில்தான் பேக் பண்ணிட்டு போலாம்னு இருந்தேன். வீணாப் போனவனுங்களா..ஏகப்பட்ட டைம் வேஸ்ட் பண்ணிட்டானுங்க..இதுக்கு மேல தொடர்ந்து செய்தீர்கள் என்றால் என் வாழ்நாளை 1,000 வருஷமாக்கிடுவேன்டா.. வேணாம். வம்பு பண்ணாதீங்க.. நான் வீழ்வேன் என்று நினைத்தாயோ என அதில் பேசியுள்ளார் நித்தியானந்தா.

உயிரோடு இருக்கேனா? எனக்கே சந்தேகமா இருக்கே...

நான் வீழ்வேன் என நினைத்தாயோ? pic.twitter.com/tejsYpsfQI

— KAILASA's SPH NITHYANANDA (@SriNithyananda) April 1, 2025

"நான் உயிரோட இருக்கேனா? என் சந்தேகத்தை தீர்த்து வையுங்க" என்ற தலைப்பில் வெளியிடப்பட்ட வீடியோ பதிவில் பேசியுள்ள நித்தியானந்தா, நிறைய பேர் நான் செத்துப் போய்ட்டேன்னு வீடியோ போட்டிருக்காங்க போல... ஹஹஹாஹா.. 3 மாதங்களில் 4,000 வீடியோக்கள் போட்டிருக்காங்க.. 4,000 கிளிப்ஸையும் எப்ப பார்த்து முடிக்கிறது? சிலபஸ் கவர் பண்ணி முடிக்காத எக்ஸாமுக்கு போற ஸ்டூடன்ட்ஸ் மாதிரி நான் வந்து உட்கார்ந்துகிட்டு இருக்கேன்.. எனக்கும் சந்தேகமாக இருக்கு.. நான் உயிரோடு இருக்கேனா இல்லையான்னு...எல்லா சோசியல் மீடியா, மெயின் ஸ்ட்ரீம் மீடியா, யூடியூப், ஃபேஸ்புக் எல்லாம் ஒன்றாக சேர்ந்து,பஞ்சாயத்து கூடி ஏதோ ஒரு வீடியோவைப் போட்டு, நான் உயிரோடுதான் இருக்கேனா இல்லையா? ஏதா ஒரு முடிவுக்கு வாங்கப்பா எப்படியோ எனக்கு வந்த சந்தேகத்தை தீர்த்து வையுங்க எனவும் கேட்டுக் கொண்டுள்ளார்.

நான் உயிரோட இருக்கேனா? என் சந்தேகத்தை தீர்த்து வையுங்க pic.twitter.com/0MQvUwkH99

— KAILASA's SPH NITHYANANDA (@SriNithyananda) April 1, 2025

English summary

Swami Nithyananda, rejecting the information about him, has been continuously posting on social media since last night, claiming that he is in good health.