இப்படித்தான் நடக்க போகிறது 7 கட்ட லோக்சபா தேர்தல்.. முழு விவரம் இதோ!

7 கட்டங்களாக நடக்க போகும் தேர்தல் தேதிகளை தேர்தல் ஆணையம் அறிவித்துள்ளது.

டெல்லி: நாடு முழுவதும் பரபரப்புடன் அதிக அளவில் எதிர்பார்க்கப்பட்ட எம்பி தேர்தல் தேதி இன்று அறிவிக்கப்பட்டது. இந்த தேர்தல் 7 கட்டங்களாக நடத்தவும் தீர்மானிக்கப்பட்டுள்ளது.

டெல்லியில் இது சம்பந்தமான அறிவிப்பினை தேர்தல் ஆணையர் சுனில் ஆரோரா செய்தியாளர்கள் முன்னிலையில் அறிவித்தார். முதல் கட்ட தேர்தல் ஏப்ரல் 11ம் தேதி தொடங்குகிறது. இதில் 22 மாநிலங்கள் அடங்குகிறது.

தமிழகத்தில் ஒரே கட்டமாக மக்களவை தேர்தல் நடைபெறுகிறது. இதில் 2-ம் கட்டத்தில் தமிழகத்தில் தேர்தல் நடத்தப்படுகிறது. அதன்படி பார்த்தால் ஏப்ரல் 18ம் தேதி தமிழகத்தில் தேர்தல் நடைபெறுகிறது.

தமிழகத்தில் 39 தொகுதிகளிலும் ஏப்ரல் 18-ம் வாக்குப்பதிவு நடைபெறும். புதுச்சேரியிலும் அன்றைய தினமே வாக்குப்பதிவு நடைபெறும்.

ஏப்ரல் 11ம் தேதி தொடங்கி மே மாதம் 19-ம் தேதி வரை 7 கட்டங்களாக வாக்குபதிவு நடைபெறும். அந்த 7 கட்ட வாக்குபதிவு தேதிகள் என்னென்ன தெரியுமா? இதோ அந்த பட்டியல்:

முதல்கட்ட வாக்குப்பதிவு: ஏப்ரல் 11ம் தேதி - 20 மாநிலங்களில் 91 தொகுதிகளுக்கும் நடைபெறுகிறது

2-ம் கட்ட வாக்குபதிவு: ஏப்ரல் 18-ம் தேதி - 13 மாநிலங்களில் 97 தொகுதிகளில் நடக்க உள்ளது

3ம் கட்ட வாக்குப்பதிவு: ஏப்ரல் 23-ம் தேதி 14 மாநிலங்களில் 115 தொகுதிகளுக்கு வாக்குப்பதிவு

4-ம் கட்ட வாக்குப்பதிவு: ஏப்ரல் 29-ம் தேதி 9 மாநிலங்களில் 71 தொகுதிகளில் நடக்க உள்ளது

5-ம் கட்ட வாக்குப்பதிவு: மே 6-ம் தேதி 7 மாநிலங்களில் உள்ள 51 தொகுதிகளில் நடக்க உள்ளது

6-ம் கட்ட வாக்குப்பதிவு: மே 12-ம் தேதி 7 மாநிலங்களில் உள்ள 59 தொகுதிகளில் நடக்க உள்ளது

7-ம் கட்ட வாக்குப்பதிவு: மே 19-ம் தேதி 7 மாநிலங்களில் உள்ள 59 தொகுதிகளில் நடக்க உள்ளது

அனைத்து கட்டமாக வாக்கு பதிவு நடந்து முடிந்தவுடன், வாக்கு எண்ணிக்கை மே 23-ம் தேதி நடக்க உள்ளது. இதற்கான வேட்புமனு தாக்கல் மார்ச் 19-ம் தேதி தொடங்குகிறது. வேட்பு மனுவை தாக்கல் செய்ய கடைசி தேதி மார்ச் 26 ஆகும். வேட்புமனுவை திரும்ப பெறும் கடைசி நாள் மார்ச் 29 ஆகும்

English summary

EC has announced the 7 phases in the polls and the dates in MP Election