டைம்ஸ் நவ் சர்வே: உ.பியில் பலத்த அடி வாங்கும் பாஜக.. கெத்து காட்டும் மாயா- அகிலேஷ் கூட்டணி!

2019 லோக் சபா தேர்தலில் உத்தர பிரதேசத்தில் பாஜக மோசமாக தோல்வி அடையும் என்று டைம்ஸ் நவ் - விஎம்ஆர் கருத்து கணிப்பில் தெரிவிக்கப்பட்டு உள்ளது.

Published: Wednesday, January 30, 2019, 20:43 [IST]

Subscribe to Oneindia Tamil

Recommended Video

தேர்தலில் பாஜக பெரிய அடி வாங்கும்... கருத்து கணிப்பில் தகவல்

டெல்லி: 2019 லோக் சபா தேர்தலில் உத்தர பிரதேசத்தில் பாஜக மோசமாக தோல்வி அடையும் என்று டைம்ஸ் நவ் - விஎம்ஆர் கருத்து கணிப்பில் தெரிவிக்கப்பட்டு உள்ளது. அங்கு தேர்தல் முடிவுகள் சென்ற முறை போல இருக்காது என்கிறார்கள்.

லோக் சபா தேர்தல் விறுவிறுப்பு இப்போதான் தொடங்கி வருகிறது. தேர்தலுக்கு முந்தைய கருத்து கணிப்புகள் இப்போதே வெளி வர தொடங்கி இருக்கிறது. இந்த கணிப்புகள் பாஜகவின் 5 வருட ஆட்சி எப்படி இருந்தது என்று கணிக்க உதவுகிறது.

தற்போது லோக்சபா தேர்தல் குறித்து டைம்ஸ் நவ் - விஎம்ஆர் கருத்து கணிப்பு மாநில வாரியாக வெளியாகி உள்ளது.

கோவாவில் நிலை

டைம்ஸ் நவ் - விஎம்ஆர் கருத்து கணிப்பின் படி, கோவாவில் இரண்டு இடங்களில் பாஜக ஒரு இடத்தில் வெல்லும். காங்கிரஸ் கூட்டணியும் கோவாவில் ஒரு இடத்தில் மட்டுமே வெல்லும். மற்ற கட்சிகளுக்கு ஒரு இடம் கூட கிடைக்காது.

யூனியன் பிரதேசம்

டைம்ஸ் நவ் - விஎம்ஆர் கருத்து கணிப்பின் படி, டாமன் டையூவில் இருக்கும் ஒரு இடத்தில் பாஜக கூட்டணிதான் வெற்றிபெறும். அதேபோல் பெரும்பாலான யூனியன் பிரதேசங்களில் பாஜக கூட்டணிதான் வெல்லும் என்று கூறப்பட்டு இருக்கிறது.

உத்தர பிரதேச நிலை

டைம்ஸ் நவ் - விஎம்ஆர் கருத்து கணிப்பின் படி, உத்தர பிரதேசத்தில் 80ல் 27 இடங்களில் பாஜக வெல்லும்.பகுஜன் சமாஜ் - சமாஜ் வாதி கூட்டணி 51 இடங்களை கைப்பற்றும். காங்கிரஸ் கூட்டணி இரண்டு இடங்களை வெல்லும். மற்ற கட்சிகளுக்கு ஒரு இடம் கூட கிடைக்காது.

இதுதான்

உத்தர பிரதேசத்தில் சென்ற முறை பாஜக 70க்கும் அதிகமான இடங்களை வென்றது. ஆனால் இந்த் முறை அப்படி இருக்காது என்று கூறப்படுகிறது. இதுதான் பாஜகவின் வெற்றியை இந்த தேர்தலில் கேள்வி குறியாகும் என்று கூறுகிறார்கள்.

Published On January 30, 2019