இந்திய அளவில் மொத்த கொரோனா பாதிப்பில் தமிழகம் 3-வது இடம்; ஆக்டிவ் கேஸ்களில் 5-வது இடம்

டெல்லி: இந்திய அளவில் மொத்த கொரோனா பாதிப்பில் தமிழகம் 3-வது இடத்திலும் கொரோனாவுக்கு சிகிச்சை பெறுவோர் (ஆக்டிவ் கேஸ்கள்) எண்ணிக்கையில் 5-வது இடத்திலும் இருக்கிறது.

இந்திய அளவில் மொத்த கொரோனா பாதிப்பு எண்ணிக்கை 36,19,169 ஆகும். இதில் குணமடைந்தோர் எண்ணிக்கை 27,72,928 ஆக உள்ளது. கொரோனா மரணங்கள் எண்ணிக்கை 64,617 ஆக உள்ளது.

மாநிலங்களில் மகாராஷ்டிராதான் மிக அதிகமான கொரோனா பாதிப்பு உள்ளது. மகாராஷ்டிராவில் மொத்தம் 7,80,689 பேர் கொரோனாவால் பாதிக்கப்பட்டுள்ளனர். 24,399 பேர் கொரோனாவால் உயிரிழந்துள்ளனர். கொரோனாவுக்கு தற்போது சிகிச்சை பெறுவோர் எண்ணிக்கை 1,93,548 ஆகும்.

மகாராஷ்டிராவைத் தொடர்ந்து ஆந்திராவில் மொத்த கொரோனா பாதிப்பு எண்ணிக்கை 4,24,767 ஆகும். மொத்தம் 3,884 பேர் கொரோனாவால் உயிரிழந்துள்ளனர். தற்போது ஆந்திராவில் கொரோனா நோயாளிகள் எண்ணிக்கை 99,129.

3-வது இடத்தில் உள்ள தமிழகத்தில் மொத்த கொரோனா பாதிக்கப்பட்டோர் எண்ணிக்கை 4,22,085. கொரோனா மரணங்கள் எண்ணிக்கை 7,231. ஆக்டிவ்ஸ் கேஸ்களின் எண்ணிக்கை 52,721. இதில் இந்திய அளவில் 5-வது இடத்தில் தமிழகம் உள்ளது.

கர்நாடகாவில் 3,35,928 பேர் கொரோனாவால் பாதிக்கப்பட்டுள்ளனர். இங்கு 88,091 பேர் தற்போது கொரோனாவுக்கு சிகிச்சை பெற்று வருகின்றனர். கர்நாடகாவில் 5,589 பேர் கொரோனாவால் மரணித்துப் போயுள்ளனர்.

உத்தரப்பிரதேசத்தில் மொத்தம் 2,25,632 பேர் கொரோனாவால் பாதிக்கப்பட்ட நிலையில் தற்போது 54,666 பேர் சிகிச்சை பெற்று வருகின்றனர். இங்கு 3,423 பேர் கொரோனாவால் மாண்டு போயுள்ளனர்.

English summary

In Tamilnadu, total Active Coronavirus cases tally only 52,721.