டெல்லியில் தமிழக பாஜக எம்.எல்.ஏக்கள் டேரா.. அமித்ஷா உட்பட மத்திய அமைச்சர்களுடன் இன்று சந்திப்பு
டெல்லி: தமிழக பாஜக எம்.எல்.ஏக்கள் இன்று மத்திய உள்துறை அமைச்சர் அமித்ஷா உள்ளிட்டோரை டெல்லியில் சந்திக்க உள்ளனர்.
தமிழக சட்டசபை தேர்தலில் பாஜக 4 எம்.எல்.ஏக்களைப் பெற்றுள்ளது. 20 ஆண்டுகளுக்குப் பின்னர் தமிழக சட்டசபையில் பாஜக இடம்பெற்றுள்ளது.
ஆனாலும் சட்டசபை தேர்தலில் பாஜக மூத்த தலைவர்கள் பலர் உள்ளடி வேலை பார்த்தனர்; தேர்தல் செலவுக்கு கட்சி கொடுத்த பணத்தை செலவு செய்யாமல் கபளீகரம் செய்து கொண்டனர் என்பது சர்ச்சை. இதனால் மூத்த தலைவர்கள் மீது விசாரணை நடத்தப்பட்டும் வருகிறது.
இதேபோல் தமிழக பா.ஜ.க. தலைவர் எல். முருகன் மாற்றப்படலாம் என்கிற தகவல்களும் வந்து கொண்டிருக்கின்றன. இந்த நிலையில் பாஜக எம்.எல்.ஏக்கள் 4 பேரை அழைத்துக் கொண்டு டெல்லி சென்றார் எல். முருகன்.
கடந்த வாரம் பிரதமர் மோடியை தமிழக பாஜக எம்.எல்.ஏக்கள் குழு சந்தித்தது. இந்த சந்திப்பின் போது தமிழக அரசியல் நிலவரம் குறித்து விவாதிக்கப்பட்டதாக செய்திகள் வெளியாகின.
இதனையடுத்து டெல்லியிலேயே முகாமிட்ட தமிழக பாஜக எம்.எல்.ஏக்கள் இன்று அமித்ஷா, நிர்மலா சீதாராமன் உள்ளிட்ட ம்த்திய அமைச்சர்களை சந்தித்து ஆலோசனை நடத்த உள்ளனர்.
Click it and Unblock the Notifications
Sign in with Google