நாட்டிலேயே அதிக கோடீஸ்வரர்கள் உள்ள நகரம் மும்பை தான்.. 2வது இடம் செம ஷாக்.. அப்போ சென்னை எங்கே

டெல்லி: இந்தியாவிலேயே அதிக கோடீஸ்வர குடும்பங்களைக் கொண்ட நாடுகள் லிஸ்ட் தற்போது வெளியாகியுள்ளது. இதில் கிட்டதட்ட மூன்றில் ஒரு பங்கு கோடீஸ்வர குடும்பங்களுடன் மும்பை முதலிடத்தில் வருகிறது. மும்பையில் மொத்தம் 65 கோடீஸ்வர குடும்பங்கள் வசிக்கிறார்கள். மேலும், இந்த லிஸ்டில் சென்னையும் இடம்பெற்றுள்ளது. இது குறித்து நாம் விரிவாகப் பார்க்கலாம்.

நமது நாட்டின் தலைநகராக டெல்லி இருந்தாலும் கூட தொழிலதிபர்கள் பெரும்பாலும் இருப்பது மும்பையில் தான். இதன் காரணமாகவே மும்பையை நமது நாட்டின் பொருளாதார தலைநகர் என்று அழைக்கிறார்கள்.

பணக்கார குடும்பங்கள்: இந்தியாவின் மிகப் பெரிய பணக்காரர்கள் விரும்பி இருக்கும் இடமாக மும்பை தான் இருக்கிறது. இதற்கிடையே சமீபத்தில் "India Most Valueable Family Business" என்ற ரிப்போர்ட் வெளியிடப்பட்டது. குறைந்தபட்சம் இரண்டு தலைமுறைகள் பழமையான 200 பணக்கார குடும்பங்கள் இந்தியாவில் எங்கே இருக்கிறார்கள் என்பதை விளக்குவதே இந்த லிஸ்ட்டாகும்.

மும்பை டாப்: இந்த ரிப்போர்ட்டின்படி மும்பையில் தான் நாட்டிலேயே பணக்கார குடும்பங்கள் அதிகம் வசிக்கிறார்கள். அங்கு நாட்டில் உள்ள 200 பணக்கார குடும்பங்களில் 65 குடும்பங்கள் மும்பையில் தான் வசிக்கிறது. இந்த 65 குடும்பங்கள் கைவசம் இருக்கும் நிறுவனங்களின் சொத்து மதிப்பு மட்டும் ₹67,33,900 கோடியாகும். நாட்டிலேயே பெரும் பணக்காரரான முகேஷ் அம்பானி அங்கு வசிப்பதே இதற்குக் காரணம். அவரது குடும்பத்தின் சொத்து மதிப்பு மட்டும் ₹25,75,100 கோடியாகும்.

அம்பானி குடும்பத்தினர் மட்டுமே அங்கு வசிக்கும் பஜாஜ் குடும்பத்தினரின் மதிப்பு ₹7,12,700 கோடியாகவும், குமார் மங்கலம் பிர்லா குடும்பத்தினரின் சொத்து மதிப்பு ₹5,38,500 கோடியாகவும் இருக்கிறது.

அடுத்தடுத்த இடங்கள்: மும்பைக்கு அடுத்து அதிக பணக்கார குடும்பங்களைக் கொண்ட நகரமாகக் கொல்கத்தா இருக்கிறது. அங்கே மொத்தம் 17 கோடீஸ்வர குடும்பங்கள் இருக்கிறது. அதைத் தொடர்ந்து புனே, டெல்லி மற்றும் குருகிராம் ஆகியவை அடுத்தடுத்த இடங்களில் உள்ளன. புனேவில் 15 கோடீஸ்வர குடும்பங்கள் இருக்கும் நிலையில், டெல்லி மற்றும் குருகிராமில் தலா 13 கோடீஸ்வர குடும்பங்கள் உள்ளன.

சென்னை எங்கே: இதன் பின்னர் சென்னை வருகிறது. சென்னையில் மட்டும் 11 கோடீஸ்வர குடும்பங்கள் உள்ளன. சென்னையைப் போலவே நொய்டாவிலும் 11 கோடீஸ்வர குடும்பங்கள் இருப்பதாக அதில் கூறப்பட்டுள்ளது. மீதமுள்ள 66 கோடீஸ்வர குடும்பங்கள் நாட்டின் மற்ற நகரங்களில் உள்ளன.

இந்த டாப் 200 கோடீஸ்வர குடும்பம் நடத்தும் நிறுவனங்களின் சந்தை மதிப்பு மட்டும் $1.3 டிரில்லியனாக இருக்கிறது. இது சுவிட்சர்லாந்து மற்றும் ஐக்கிய அமீரக நாடுகளின் மொத்த உள்நாட்டு உற்பத்தியை விட அதிகமாகும்.

English summary

Mumbai has the most Richest families in India: List of cities with more Richest families across the nation.