கொடைக்கானல் போறீங்களா? சுற்றுலா பயணிகளே உஷார்! இதை செஞ்சா கடுமையான தண்டனை கன்பார்ம்!

திண்டுக்கல்: கொடைக்கானல் அஞ்சு வீடு அருவி உள்ளிட்ட அனுமதிக்கப்படாத அருவிகளுக்குச் சென்று பார்வையிட மற்றும் குளிக்க முற்படும் சுற்றுலாப்பயணிகளின் வாகனங்கள் பறிமுதல் செய்யப்படும் என்று மாவட்ட ஆட்சியர் எச்சரித்துள்ளார்.

வடகிழக்கு பருவமழை தீவிரமடைந்திருக்கும் நிலையில் தமிழகம் முழுவதும் கனமழை பெய்து வருகிறது. இதனால் பல மாவட்டங்களில் நீர் நிலைகள் வேகமாக நிரம்பியுள்ளன. சென்னை, திருவள்ளூர் தொடங்கி கன்னியாகுமரி வரை உள்ள குளம், குட்டைகள் ஏரிகள் முழு கொள்ளளவை எட்டியுள்ளன. குறிப்பாக வேலூர், ராணிப்பேட்டை, திருவண்ணாமலை, திருப்பத்தூர் என மேற்கு மாவட்டங்களிலும் கனமழை வெளுத்து வாங்கியுள்ளது. இதனால் புதிய அருவிகள் உருவாகியிருக்கின்றன.

மேற்கு மாவட்டங்களிலேயே இப்படி எனில், கொடைக்கானலில் சொல்லவே வேண்டாம். கனமழை காரணமாக புதிய அருவிகள் உருவாகியிருப்பதால் அதில் குளிப்பதற்கு சுற்றுலா பயணிகள் படையெடுத்துள்ளனர். குறிப்பாக அஞ்சு வீடு அருவி உள்ளிட்ட இடங்களுக்கு போக சுற்றுலா பயணிகள் முயற்சிக்கின்றனர். ஆனால் இந்த அருவி ஆபத்தானது என்று வனத்துறையினர் எச்சரித்துள்ளனர். இதுவரை இந்த அருவியில் 15 பேர் உயிரிழந்திருக்கின்றனர். எனவே புதிய அருவிகளுக்கு செல்ல சுற்றுலா பயணிகளுக்கு தடை விதிக்கப்பட்டிருக்கிறது.

கடந்த ஒரு வாரத்திற்கு முன்னர் சுமார் அஞ்சு அருவியில், பொள்ளாச்சியை சேர்ந்த சுமார் 11 பேர் குளிக்க சென்றனர். இதில் நந்தக்குமார் எனும் மருத்துவக்கல்லூரி மாணவர் எதிர்பாராத விதமாக அருவிக்கு அடியில் சிக்கிக்கொண்டார். அவரை இரண்டு நாட்களுக்கு பிறகு சடலமாக தீயணைப்பு துறையினர் மீட்டுள்ளனர். தொடர் உயிரிழப்புகள் காரணமாக இந்த அருவி, சுற்றால தளம் பட்டியலிலிருந்து நீக்கப்படுவதாக வருவாய் துறையினர் அறிவித்திருக்கின்றனர்.

இந்நிலையில், கொடைக்கானல் அஞ்சு வீடு அருவி உள்ளிட்ட அனுமதிக்கப்படாத அருவிகளுக்குச் சென்று பார்வையிட மற்றும் குளிக்க முற்படும் சுற்றுலாப்பயணிகளின் வாகனங்கள் பறிமுதல் செய்யப்படும் என்றும், அத்தகைய அருவிகளுக்கு அழைத்துச் செல்லும் சுற்றுலா வழிகாட்டிகள் மீது காவல்துறை மூலம் கடுமையான நடவடிக்கை மேற்கொள்ளப்படும் எனவம் மாவட்ட ஆட்சியர் எச்சரித்துள்ளார். எனவே கொடைக்கானலுக்கு சுற்றுலா பயணிகள் செல்லும்போது கவனமாக இருக்க வேண்டும்.

English summary

Tourists planning a trip to Kodaikanal are warned of severe, confirmed punishments for specific violations, including littering, using plastic, or straying into protected areas. Authorities are strictly enforcing rules to protect the hill station's ecology.